ခရစ်စတီးနားခီ (Photo by Love Space Photo Studio)။ ဒါရိုက်တာထိုင်ခုံကို Sirboni (sirbonifurnishings.com) ကပံ့ပိုးပေးပါတယ်။
ခရစ်စတီးနားခီလူမသိသူမသိဒါရိုက်တာဘ၀ကနေ နိုင်ငံကျော်ဒါရိုက်တာတစ်ယောက်အဖြစ်ပြောင်းလဲတိုးတက်လာခြင်းဟာ တမြေ့မြေ့လောင်တဲ့ဖွဲမီးလိုဖြစ်စဉ်မျိုးပါ။ သူမရဲ့ပထမဆုံးရုပ်ရှင် “မုဒြာရဲ့ခေါ်သံ” အကြောင်း ၂၀၁၄ခုနှစ်ကတည်းကပရိသတ်တွေသတိထားမိခဲ့ကြပေမယ့် အကြောင်းကြောင်းကြောင့် ၂၀၁၈ မတ်လမှရုံတင်နိုင်ခဲ့ပါတယ်။ သူမဟာ ရုံတင်ရက်စောင့်နေရင်းနဲ့ ဒုတိယရုပ်ရှင် “ဥပါယ်တံမျဉ်” ကိုရိုက်ကူးနေခဲ့ပါတယ်။ အဲ့ဒီရုပ်ရှင်ကတော့ဒီနှစ်ဇန်န၀ါရီမှာရုံတင်နိုင်ခဲ့ပါတယ်။ ပရိသတ်တွေဟာပထမရုပ်ရှင်အကြောင်းသတင်းတွေကြားကတည်းက သူမကိုစိတ်ဝင်စားခဲ့ကြတာပါ။ ၄နှစ်တာလူစိတ်ဝင်စားခြင်းခံရမှုရရှိပြီးတဲ့နောက် “ဥပါယ်တံမျဉ်” ဟာပရိသတ်တွေကြားအလွန်အောင်မြင်ခဲ့ပါတယ်။ ၈ပတ်တိတိရုံတင်ပြသခဲ့ရတဲ့အတွက် မြန်မာ့ရုပ်ရှင်လောကမှာလည်း စံချိန်သစ်တစ်ခုတင်နိုင်ခဲ့ပါတယ်။ အခုလည်းခရစ်စတီးနားဟာ သူမရဲ့တတိယမြောက်ရုပ်ရှင်အတွက် သင့်လျော်မယ့်ရိုက်ကွင်းနေရာတွေရှာနေပါပြီ။ ဒီရုပ်ရှင်ကိုလည်းသူမတည်ထောင်ထားတဲ့ Central Base Productions ကနေပဲရိုက်ကူးထုတ်လုပ်သွားမှာပါ။
ခရစ်စတီးနားဟာ သေးသွယ်လှပပြီးဖော်ရွေသူပါ။ ဓာတ်ပုံရိုက်ကွင်းကိုဘေးကနေကြည့်နေတဲ့သူတစ်ယောက်ယောက်ကိုတွေ့တဲ့အခါ ရယ်ရင်းမောရင်းကင်မရာရှေ့မှာစိတ်တင်းထားရသမျှ ဖြေဖျောက်နိုင်သူပါ။ သူမဟာကင်မရာနောက်မှာကော ရှေ့မှာပါသက်တောင့်သက်သာသဘာဝကျကျနေထိုင်တတ်သူဆိုတာ သူမဓာတ်ပုံအရိုက်ခံနေတာကိုကြည့်ရင်းသတိထားမိလာပါတယ်။ အလင်းပေးထားတဲ့ပုံစံကိုနားလည်ပြီး ဘယ်လိုကိုယ်နေဟန်ထားနဲ့အရိုက်ခံရင်အဆင်ပြေမလဲသဘောပေါက်ပါတယ်။ ကင်မရာကြောက်ခြင်းလည်းမရှိဘဲ ရဲရဲတင်းတင်းကြည့်ဝံ့သူလည်းဖြစ်ပါတယ်။ သူမဟာတချိန်ကသရုပ်ဆောင်ဖြစ်ဖို့ကြိုးစားခဲ့ဖူးသူဖြစ်တဲ့အတွက် ကင်မရာမကြောက်ခြင်းဖြစ်ကြောင်းနောက်မှသိလာရပါတယ်။
“ကျွန်မငယ်ငယ်ကတည်းကရုပ်ရှင်တွေကိုချစ်တယ်။ ဒါပေမယ့်ရုပ်ရှင်ကားတွေထဲမှာ မိန်းမချောလေးတွေကိုပဲသတိထားမိတယ်” လို့သူမကပြောပါတယ်။ “ပိတ်ကားနောက်ကွယ်မှာဘာတွေဖြစ်နေလဲမသိခဲ့ဘူး။ မြန်မာအမျိုးသမီးတစ်ယောက်အတွက်တော့ ဒါရိုက်တာဖြစ်ချင်တဲ့အိပ်မက်ဟာရှားရှားပါးပါးအဖြစ်မျိုးပါ။”
ဒါပေမယ့်နယူးယောက်က Gibbs School မှာရုပ်ရှင်ရိုက်ကူးခြင်းအတတ်ပညာသင်ယူခဲ့တဲ့ ခရစ်စတီးနားအတွက်တော့ မြန်မာနိုင်ငံကိုပြန်ရောက်တဲ့အခါ ဒါရိုက်တာတစ်ယောက်အဖြစ်ရပ်တည်ဖို့မဖြစ်မနေဆုံးဖြတ်ချက်ချလိုက်ရပါတယ်။ “မြန်မာနိုင်ငံမှာမင်းသားကိုပဲအဓိကထားရိုက်လေ့ရှိကြပြီး တခါတလေအဲ့ဒီမင်းသားအလုပ်တွဲလုပ်ချင်တဲ့မင်းသမီးကိုငှားပေးရတာမျိုးတောင်ရှိပါတယ်။ ကျွန်မကဇာတ်လမ်းကောင်းကောင်းတွေမှာပဲသရုပ်ဆောင်ချင်တာ။ မင်းသားရဲ့ချစ်သူ ဒါမှမဟုတ် နောက်လိုက်အဖြစ်သရုပ်ဆောင်ရတာမျိုးသဘောမကျဘူး။ ကျွန်မစိတ်တိုင်းကျဇာတ်လမ်းမတွေ့မချင်းသရုပ်ဆောင်မလုပ်ဖို့ဆုံးဖြတ်လိုက်တယ်” လို့သူမကဆိုပါတယ်။
သူမရဲ့လက်တွဲဖော်ဇဏ်ခီကလည်းသူမကိုဒါရိုက်တာအဖြစ်ရပ်တည်ဖို့အားပေးခဲ့ပါတယ်။ အခုအချိန်မှာလည်း ဇဏ်ခီဟာခရစ်စတီးနားရဲ့ရုပ်ရှင်တွေမှာ မင်းသားအဖြစ်ကော ဇာတ်ညွှန်းရေးသူအဖြစ်ပါ ပါဝင်လျက်ရှိပါတယ်။ လွန်ခဲ့တဲ့ ၁၅နှစ်ကခရစ်စတီးနားဟာဇဏ်ခီ့ကိုကြည့်ရင်း မုဒြာရဲ့ခေါ်သံ ဇာတ်လမ်းအကြောင်းရေးသားဖို့စိတ်ကူးရခဲ့တာပါ။ သူတို့နှစ်ယောက်လုံး အမေရိကန်ပြည်ထောင်စုမှာနေထိုင်နေတဲ့အချိန်မှာ ဇဏ်ခီဟာမြန်မာစကားကိုလေသံဝဲ၀ဲနဲ့ပြောတတ်သူပါ။ “ကျွန်မသူ့ကိုကြည့်ပြီးယဉ်ကျေးမှုနှစ်ခုကြားမှာရှင်သန်ရတဲ့ဘ၀အကြောင်းတွေးမိလာတယ်။ မြန်မာနဲ့အမေရိကန်ပြည်ထောင်စုနှစ်ခုလုံးမှာလှပတဲ့ယဉ်ကျေးမှုအစဉ်အလာတွေရှိတယ်။ ဒါပေမယ့်လူတွေကကွဲပြားချက်တွေကိုပဲလိုက်ကြည့်နေကြတယ်” လို့ခရစ်စတီးနားကရှင်းပြပါတယ်။
မုဒြာရဲ့ခေါ်သံပိုစတာ
စစချင်းမှာတော့ခရစ်စတီးနားဟာမုဒြာရဲ့ခေါ်သံကို အချစ်ဇာတ်လမ်းအဖြစ်သာပုံဖော်ဖို့စိတ်ကူးခဲ့တာပါ။ ဒါပေမယ့်ကံကြမ္မာအလှည့်အပြောင်းကြောင့်ဇာတ်လမ်းရဲ့အကြောင်းအရာပြောင်းလဲသွားခဲ့ပါတယ်။
“ကျွန်မကလေးတစ်ယောက်ရတယ်။ ဒါပေမယ့်သားလေးဟာကျွန်မတို့နဲ့ ၅၅ရက်ပဲနေသွားခဲ့ပါတယ်။”
ကလေးတစ်ယောက်ဆုံးရှုံးရတဲ့ခံစားချက်ဟာ ခရစ်စတီးနားကိုခြောက်လှန့်နေဆဲပါ။ ကလေးကိုဆုံးရှုံးပြီးနောက် ၃နှစ်အထိစိတ်ကျရောဂါခံစားခဲ့ရကြောင်း ခရစ်စတီးနားကပြောပြပါတယ်။ အခုချိန်ထိတောင် ပြောပြနေရင်းမျက်ရည်ဝဲလျက်ရှိပါတယ်။
“အဲ့ဒါနဲ့ဇာတ်ညွှန်းရေးတဲ့အခါမှာ အချစ်ဇာတ်လမ်းသက်သက်အဖြစ်ပဲမရေးချင်တော့ဘူး။ အမေနဲ့သားသမီးကြားကချစ်ခြင်းမေတ္တာအကြောင်းကိုပါပုံဖော်ချင်လာတယ်။ ကလေးတစ်ယောက်ကိုဆုံးရှုံးလိုက်ရတဲ့မိဘတွေအကြောင်းပါပြောပြချင်လာတယ်။ ကျွန်မရဲ့စိတ်ခံစားချက်တွေအားလုံးကိုဒီဇာတ်လမ်းအပေါ်မြှုပ်နှံလိုက်တယ်။ ကျွန်မသာအရင်သေသွားရင် ကျွန်မသားလေးလည်း ဂျေဒင့်လိုကြီးပြင်းလာမှာပဲလို့စိတ်ကူးကြည့်တယ်။”
မုဒြာရဲ့ခေါ်သံထဲကအဓိကဇာတ်လိုက်ဂျေဒင်ဟာ အမေရိကန်ပြည်ထောင်စုမှာမွေးစားမိဘတွေနဲ့နေထိုင်လာခဲ့ပြီးတဲ့နောက် မြန်မာပြည်ပြန်လာခဲ့သူဖြစ်ပါတယ်။ မိမိရဲ့ဇာစ်မြစ်ကိုရှာဖွေခြင်း၊ မတူညီတဲ့ယဉ်ကျေးမှုတွေကြားမှာလည်းညီညွတ်မှုဆိုတာရှိကြောင်းနားလည်လာခြင်း၊ မိဘနဲ့သားသမီးကြားကဆက်ဆံရေး စတဲ့အကြောင်းအရာတွေအပေါ်အခြေခံထားတဲ့ရုပ်ရှင်ဖြစ်ပါတယ်။ ဇာတ်ကားထဲမှာဒါရိုက်တာရဲ့စိတ်ရင်းခံစားချက်တွေပါဝင်သလို ပရိသတ်တွေရဲ့ရင်ကိုလည်းထိရှနိုင်စွမ်းရှိခဲ့ပါတယ်။ မြန်မာနိုင်ငံကရင်သပ်ရှုမောလှပတဲ့ရှုခင်းတွေကိုလည်းခံစားရဦးမှာပါ။
“ကျွန်မရဲ့ပထမသားလေးနာမည်ကထရစ်စ်တန်ပါ။ သူ့ကိုယ်ဝန်လွယ်ထားချိန်မှာလျှောက်လည်ဖြစ်ခဲ့တဲ့ဒေသတွေကရှုခင်းတွေတော်တော်များများမှာ ကျွန်မရုပ်ရှင်ကိုရိုက်ကူးဖို့ဆုံးဖြတ်ခဲ့တယ်။ ကျွန်မတို့အင်းလေးကန်၊ ပုဂံအပါအ၀င်ဒေသတော်တော်များများဆီခရီးထွက်ဖြစ်ခဲ့တယ်။ ပုဂံကမြစ်တစ်စင်းပေါ်မှာပဲ သားလေးရဲ့အရိုးပြာကိုကျဲခဲ့ပါတယ်။”
ခရစ်စတီးနားဟာဒီလိုအရမ်းထူးခြားတဲ့ရုပ်ရှင်ကို ခင်ပွန်းသည်နဲ့အတူတူရိုက်ကူးခဲ့ရခြင်းဟာ ကံကောင်းထောက်မခြင်းပါပဲလို့ဆိုပါတယ်။ စိတ်ဒဏ်ရာကိုဘယ်အရာကမှမကုစားပေးနိုင်ခဲ့ပေမယ့် ခရစ်စတီးနားဟာအခုဆိုရင် ဒုတိယသားလေးနဲ့ပျော်ရွှင်စရာဘ၀လေးရထားပါတယ်။ ဒုတိယသားလေးဟာသူ့အစ်ကိုနဲ့အလွန်တူကြောင်းခရစ်စတီးနားကဆိုတယ်။
ခင်ပွန်းသည်ဖြစ်သူနဲ့အလုပ်လုပ်တဲ့အကြောင်းတွေပြောရင်း သူတို့နှစ်ယောက်ရဲ့ရိုက်ကွင်းပေါ်ဆက်ဆံရေးကနေ ဥပါယ်တံမျဉ်ဇာတ်လမ်းဖြစ်ပေါ်လာပုံအကြောင်းပြောပြတယ်။
“သူကရိုက်ကွင်းနဲ့အပြင်နဲ့လုံးဝတူတာမဟုတ်ဘူး။ ကျွန်မတောင်သူ့ကို ခုမှတွေ့ဖူးတဲ့သူစိမ်းတစ်ယောက်လိုမြင်မိတဲ့အထိပဲ။ သူကဇာတ်ကောင်ထဲကိုစိတ်နှစ်ပြီးသရုပ်ဆောင်တဲ့ပညာကိုလေ့လာခဲ့တော့ ဇာတ်ကောင်ကဒေါသထွက်တဲ့အခန်းရိုက်တဲ့နေ့ဆို သူတစ်နေ့လုံးဒေါသထွက်နေရော။”
ဒီကိစ္စကထူးဆန်းသလိုရှိပေမယ့် ခရစ်စတီးနားကတော့ဒီလိုမြင်ပါတယ်။ “ဒါရိုက်တာတစ်ယောက်အနေနဲ့ သူဒီလိုစိတ်နှစ်ပြီးသရုပ်ဆောင်တာမြင်ရတော့ ၀မ်းသာတယ်။ သူအာရုံစိုက်နိုင်အောင် ကျွန်မနားလည်ပေးတယ်။ သူ့ဆီကလည်းပြန်လည်သင်ယူရတယ်။ ဒီအချက်ကြောင့်ပဲကျွန်မတို့ဟာ ကိုယ်စိတ်ဝင်စားရာကိုသီးသီးသန့်သန့်လုပ်နိုင်တာ။”
မုဒြာရဲ့ခေါ်သံမှဇာတ်ဝင်ခန်းတစ်ခု
မုဒြာရဲ့ခေါ်သံနဲ့ဥပါယ်တံမျဉ်ကိုနှစ်တွေခြားပြီးရိုက်ကူးခဲ့ပေမယ့် ရှေ့ဆင့်နောက်ဆင့်ရုံတင်ဖြစ်ခဲ့တဲ့အကြောင်းတရားတွေထဲမှာ ဆင်ဆာဘုတ်အဖွဲ့ကလည်းအကြောင်းတစ်ခုအဖြစ်ပါဝင်ပါတယ်။ ဆင်ဆာဘုတ်အဖွဲ့ဟာရုပ်ရှင်တွေရဲ့ရုံတင်ရက်ကိုစီစဉ်ပါတယ်။ အခုမှဒါရိုက်တာစလုပ်တဲ့သူတွေ အထူးသဖြင့်နာမည်ကြီးသရုပ်ဆောင်တွေမပါဘဲအမျိုးသမီးဒါရိုက်တာကရိုက်ကူးတဲ့ရုပ်ရှင်တွေဆိုရင် ရုံတင်ရက်စောင့်ရတာကြာတတ်ပါတယ်။ ရုပ်ရှင်ကိုလူစိတ်ဝင်စားမှုရအောင်လုပ်ဖို့ကြိုးစားတဲ့အချိန်ကအခက်အခဲတွေတွေ့ခဲ့ရကြောင်း ခရစ်စတီးနားကပြောတယ်။ ဒါပေမယ့်လည်းသူမရုပ်ရှင်တွေကိုရုံတင်ခွင့်ရအောင်လက်မလျှော့စတမ်းကြိုးစားခဲ့ပါတယ်။
“ပထမဆုံးအတွေ့အကြုံဖြစ်တဲ့အတွက် ကျွန်မကအမျိုးသမီးဒါရိုက်တာဖြစ်နေလို့လား ကျွန်မပုံစံကပဲကလေးရုပ်မပျောက်လို့လားမသိဘူး၊ တချို့ကလှောင်ကြတယ်။ တချို့ကျပြန်တော့လည်းပြဿနာလုပ်ချင်ကြတယ်။ တခါတလေကျွန်မစိတ်မကောင်းဘူး။ ဒါပေမယ့် သူတို့ကျွန်မကိုဘယ်လိုပဲဆက်ဆံဆက်ဆံ၊ အလုပ်ကပိုအရေးကြီးပါတယ်။ စိတ်ဓာတ်ကျအောင်ဘယ်လောက်ပဲလုပ်လုပ် ဒီလမ်းကြောင်းကဖယ်ခွာသွားမှာမဟုတ်ဘူး။ ငါ့အလုပ်ကိုဆုံးခန်းတိုင်အောင်လုပ်မယ်ဆိုတဲ့စိတ်နဲ့ ရင်ဆိုင်ရတာပါပဲ။”
မြန်မာနိုင်ငံမှာဆင်ဆာဥပဒေတွေတင်းကျပ်ပါတယ်။ ခရစ်စတီးနားဟာသူမရဲ့ခေါင်းထဲဆင်ဆာဘုတ်အဖွဲ့ကအမြဲနေရာယူထားကြောင်းပြောတယ်။
“တစ်ခုခုရေးမယ်လို့စဉ်းစားမိတာနဲ့ ဆင်ဆာနဲ့လွတ်ပါ့မလားအရင်တွေးရတယ်။ ကျွန်မခေါင်းထဲဆင်ဆာဘုတ်အဖွဲ့ကအမြဲရှိနေတယ်။ သူတို့အမြင်ကြည်လောက်မယ့်ဇာတ်လမ်းကိုရွေးရတယ်။ ကျွန်မကရုပ်ရှင်ကိုလုပ်ငန်းကြီးတစ်ခုအနေနဲ့လုပ်တာမဟုတ်တဲ့အတွက် ချေးငှားပြီးရိုက်ရတာမျိုးတွေရှိတယ်။ တစ်နှစ်ကိုတစ်ကားပဲထုတ်လုပ်နိုင်တဲ့အတွက် အဲ့ဒီကားကိုမှဆင်ဆာကပိတ်လိုက်ပြီဆိုရင် ကျွန်မလုပ်ငန်းထိခိုက်ပြီ။”
ဒါပေမယ့်လည်းသတိထားလုပ်ကိုင်နေရင်းက အပြောင်းအလဲတွေဖြစ်ပေါ်လာမယ်လို့လည်း ခရစ်စတီးနားကယုံကြည်နေပါတယ်။ “တဖြည်းဖြည်းပိုအဆင်ပြေလာမယ်လို့တော့ထင်တယ်၊ မျှော်လင့်တယ်။ ဒါပေမယ့်သူတို့စနစ်ကခဏခဏပြောင်းနေတဲ့အတွက် တပ်အပ်ပြောလို့တော့မရဘူး။ ရုံမှာဘယ်လိုကားမျိုးပဲတင်လို့ရမယ်ဆိုတာ ဘယ်သူမှကံသေကံမမပြောနိုင်ဘူး။”
ဖန်တီးမှုအနုပညာမှာတင်းကျပ်တဲ့ထိန်းချုပ်မှုတွေလုပ်တာကြောင့် မြန်မာ့ရုပ်ရှင်လောကမှာသက်ရောက်မှုတွေရှိခဲ့ပါတယ်။ ၁၉၇၀-၈၀ ပြည့်နှစ်တွေကမြန်မာ့ရုပ်ရှင်ရွှေခေတ်ဖြစ်ခဲ့ပေမယ့် အခုအခါမှာတိုးတက်မှုရပ်တန့်သွားခဲ့တယ်။ ဇာတ်လမ်းဇာတ်အိမ်ခိုင်ခန့်မှုမရှိတော့သလို အရောင်တွဲစပ်မှု၊ ရုပ်ရှင်အထူးပြုလုပ်ချက်တွေဟာအခြေခံအဆင့်ကမတက်ပါဘူး။ ပုံသေကားကျဇာတ်ရုပ်တွေမှာ အလွန်အကျူးသရုပ်ဆောင်ချက်တွေကိုလည်းမကြာခဏဆိုသလိုတွေ့နေရပါတယ်။
တခြားနိုင်ငံတကာရုပ်ရှင်အကယ်ဒမီဆုတွေလိုပဲ မြန်မာ့အကယ်ဒမီဆုကိုလည်း နာမည်ရှိပြီးသူတွေကိုပဲပေးတယ်၊ သူပေးချင်တဲ့သူကိုပဲပေးတယ်ဆိုပြီးဝေဖန်တဲ့သူတွေရှိကြပါတယ်။ မြန်မာနိုင်ငံမှာတစ်နှစ်ကိုရုပ်ရှင်ဇာတ်ကား ၉၀၀နီးပါးထွက်ရှိနေပေမယ့်လည်း ၁၂ကားကိုသာအကယ်ဒမီအတွက်ရွေးချယ်စဉ်းစားလေ့ရှိပါတယ်။ ဒါဟာဘုတ်အဖွဲ့ရဲ့မျက်နှာလိုက်မှုလို့တချို့ကဆိုကြပြီး ဒီအတွက်ရုပ်ရှင်တွေအရည်အသွေးနိမ့်ရတယ်လို့လည်း ဝေဖန်တဲ့သူကဝေဖန်ကြပါတယ်။ ဒီနှစ်အစပိုင်းကဆိုရင် ဆိုရှယ်မီဒီယာပေါ်မှာ အကယ်ဒမီဘုတ်အဖွဲ့ဝင်တချို့စုပေါင်းပြောဆိုထားတဲ့ Facebook group chat screenshot တွေပေါ်လာခဲ့ပါသေးတယ်။ အဲ့ဒီ screenshot တွေမှာသူတို့က ခီမောင်နှံအကြောင်းချိုးချိုးဖဲ့ဖဲ့ပြောထားတာတွေကိုလည်းတွေ့ခဲ့ရပါတယ်။
အကယ်ဒမီပေးတဲ့ရာသီနီးကပ်လာပြီဖြစ်တဲ့အတွက် အကယ်ဒမီအိပ်မက်ရှိမရှိမေးကြည့်တဲ့အခါ ခရစ်စတီးနားကပြုံးလိုက်ပြီး ခေါင်းကိုခါရင်း “ကျွန်မအကယ်ဒမီအကြောင်းစဉ်းစားလေ့မရှိဘူး။ ကျွန်မအတွက်တော့ပရိသတ်တွေကပိုအရေးကြီးပါတယ်။ အကယ်ဒမီအကြောင်းတော်တော်လေးလည်းသိသွားပါပြီ။ ကျွန်မရဲ့သရုပ်ဖော်ချက်တွေကသူတို့အကြိုက်နဲ့ညီမှာတော့မဟုတ်ဘူး။ ဒါပေမယ့်ဒီအကြောင်းခေါင်းထဲထည့်မထားပါဘူး။”
Photo by Love Space Photo Studio
ဒီနှစ်အစောပိုင်းလောက်မှာ နာမည်ကျော်မင်းသမီးကြီး (ဒေါ်)ဆွေဇင်ထိုက်က နာမည်ရှိပြီးရုပ်ရှင်ဒါရိုက်တာတွေနဲ့ တက်သစ်စဒါရိုက်တာတွေကို “တောသားနဲ့မြို့သား” ဆိုပြီးခွဲခြားမှတ်ချက်ပေးခဲ့တဲ့အတွက် အုပ်စုနှစ်စုကြားကကွဲပြားမှုဟာပိုသိသာလာခဲ့ပါတယ်။ ဆွေဇင်ထိုက်ဟာအခြေကျပြီးရုပ်ရှင်ကုမ္ပဏီတွေရဲ့ဆန်းသစ်မှုမရှိတဲ့ဇာတ်လမ်းတွေကို တောသားတွေဖန်တီးတဲ့ရုပ်ရှင်တွေလို့ရည်ညွှန်းဝေဖန်ခဲ့တာပါ။ ဆင်ဆာဘုတ်အဖွဲ့ဝင်လည်းဖြစ်တဲ့မင်းသမီးကြီးဟာ မြန်မာရုပ်ရှင်ကားအများစုကိုညံ့ဖျင်းကြောင်းအရင်ကဝေဖန်ခဲ့ဖူးပြီး အမျိုးသမီးဒါရိုက်တာတွေပိုလိုအပ်ကြောင်းလည်းထောက်ပြခဲ့ဖူးပါတယ်။
ခရစ်စတီးနားကတော့ ဒီကိစ္စနဲ့ပတ်သက်ပြီးချင့်ချင့်ချိန်ချိန်စဉ်းစားရင်း သူမရုပ်ရှင်ပညာသင်ခဲ့စဉ်ကအတွေ့အကြုံနဲ့ယှဉ်ပြီးအခုလိုပြောပါတယ် -“ကျွန်မကတော့စနစ်တကျရိုက်ထားတာနဲ့ မရိုက်ထားတာပေါ်မူတည်ပြီးကွာသွားတယ်ထင်တာပဲ။ စနစ်တကျရိုက်ကူးတယ်ဆိုတာ တခြားနိုင်ငံတကာအဆင့်မီရုပ်ရှင်တွေအတိုင်း သေသေချာချာရိုက်ထားတာကိုပြောတာပါ။ စနစ်တကျသင်ယူလေ့လာထားတဲ့ မျိုးဆက်သစ်တွေကအခြေအနေကိုပြောင်းလဲနိုင်ပါလိမ့်မယ်။ လူဟောင်းတွေအနေနဲ့လည်းပြောင်းလဲလာမယ်လို့ မျှော်လင့်ပါတယ်။ အသစ်နဲ့အဟောင်းအပြန်အလှန်ပညာယူလို့ရပါတယ်။”
နောက်ဆုံးမေးခွန်းအနေနဲ့ သူမရဲ့ရုပ်ရှင်အကြောင်းမေးကြည့်တဲ့အခါ “လေးနက်တဲ့အချစ်ဇာတ်လမ်းလေးပါ။ ဒီအဖြစ်မျိုးလူတိုင်းလိုလိုခံစားနိုင်မယ်ထင်ပါတယ်။ ချစ်စရာကောင်းတယ်၊ ဒါပေမယ့်အရမ်းပျော်ရွှင်ရမှာမျိုးတော့မဟုတ်ဘူး။ နောက်နှစ်လောက်ရုံတင်နိုင်မယ်လို့မျှော်လင့်ပါတယ်” လို့ပြောခဲ့ပါတယ်။ လွန်ခဲ့တဲ့နှစ်တွေကခရစ်စတီးနားရိုက်ချင်ခဲ့တဲ့အချစ်ဇာတ်လမ်းမျိုးဖြစ်မလားလို့တွေးမိပါတယ်။ သိပ်မကြာခင်အချိန်အတွင်းမှာကြည့်ရမယ်လို့မျှော်လင့်ပါတယ်။
ဝတ်စုံ – ကောင်းမြတ်
ဆံပင်နှင့်မိတ်ကပ် – လင်းလင်း
ဒါရိုက်တာထိုင်ခုံကို Sirboni (sirbonifurnishings.com) ကပံ့ပိုးပေးပါတယ်။
(ဘာသာပြန်ဆိုသူ – နေသီဟ)
