A Capella ဆိုတာအဖွဲ့လိုက် (သို့) တယောက်ချင်းတူရိယာလွတ်သီဆိုဖျော်ဖြေတဲ့အဖွဲ့ကိုခေါ်တာပါ။ဆွီဒင်နိုင်ငံက A Capella အဖွဲ့တဖွဲ့ဖြစ်တဲ့ Gosskören နဲ့ Myanmore Plus ပရိသတ်ကြီးကိုမိတ်ဆက်ပေးချင်ပါတယ်။ သူတို့ကမြန်မာနိုင်ငံကိုချစ်ကြပြီး ဒီကိုလာလည်ဖူးပါတယ်။မြန်မာနိုင်ငံမှာရိုက်ထားတဲ့သူတို့ပုံတွေနဲ့အတူ သူတို့အကြောင်းလေးကိုပါမျှဝေပေးလိုက်ပါတယ်။
ဒီအဖွဲ့လေးဘယ်လိုဖြစ်ပေါ်လာတာလဲ။
Gosskören (ဂေါ်စခိုရမ်) ကို ၁၉၉၆ခုနှစ်မှာစတင်ခဲ့တာပါ။ အဲ့ဒီနှစ်က Gothenburg School of Business, Economics and Law ကကျင်းပတဲ့ဂီတပွဲတော်မှာဖျော်ဖြေအပြီး ရေချိုးခန်းဝင်ကြတုန်း သီချင်းဆိုဝါသနာပါတဲ့ကျောင်းသား၆ယောက်ပေါင်းမိသွားပြီးဒီအဖွဲ့ကိုစထောင်ဖြစ်ခဲ့တာ။ ပထမဆုံးဖျော်ဖြေပွဲမှာအခကြေးငွေအဖြစ်ပိုက်ဆံ ၅၀နဲ့ဘီယာတဖာပဲရခဲ့တာဗျ။ နှစ် ၂၀ကြာတဲ့အခါမှာတော့ ကမ္ဘာအနှံ့တနှစ်ကိုပွဲ ၄၀လောက်ဖျော်ဖြေနိုင်တဲ့အထိအောင်မြင်ခဲ့ပါတယ်။
ခေါင်းဆောင်ကဘယ်သူလဲခင်ဗျာ။
ကျနော်တို့မှာဥက္ကဌတော့ရှိပါတယ်။ ဒါပေမယ့် ဆုံးဖြတ်ချက်တခုခုချရင်တော့အကုန်ပါဝင်စဉ်းစားကြတယ်။ အဖွဲ့ဝင်တွေအားလုံးမှာတာဝန်ကိုယ်စီရှိကြတယ်။ ရှေးတုန်းကကျောက်ခေတ်လူသားတွေ မီးပုံဘေးစုစကားပြောရင်းအနာဂတ်အတွက်တိုင်ပင်ကြသလိုပဲ ကျနော်တို့လည်းစုပေါင်းဆွေးနွေးတဲ့နည်းနဲ့အဖြေရှာတယ်။ ဘာသီချင်းဆိုမယ်၊ အလုပ်တခုလက်ခံသင့်မခံသင့်၊ အဖွဲ့ဝင်သစ်လက်ခံသင့်မသင့် အားလုံးကိုဆွေးနွေးတိုင်ပင်ဆုံးဖြတ်ကြတယ်။
နာမည်တွေအများကြီးရှိတဲ့အထဲကမှ ဘာလို့ Gosskören ကိုရွေးခဲ့တာလဲ။
Gosskörenဟာမြန်မာလို “ချာတိတ်လေးတို့သံပြိုင်တီးဝိုင်း” လို့ခေါ်ပါတယ်။ Goss ကကောင်လေး၊ ချာတိတ်လေးဖြစ်ပြီး körenကတော့သံပြိုင်တီးဝိုင်းဖြစ်ပါတယ်။ နာမည်ကချစ်စရာလည်းကောင်း ရယ်လည်းရယ်ရလို့ရွေးဖြစ်ခဲ့တာပါ။ပြည်ပမှာဖျော်ဖြေပွဲလုပ်တဲ့အခါခေါ်ရတာသိပ်အဆင်မပြေပေမယ့် ဒီနာမည်လေးဟာကျနော်တို့ဘ၀ရဲ့တစိတ်တပိုင်းဖြစ်နေပြီဆိုတော့မပြောင်းချင်တော့ဘူး။
အဖွဲ့ဝင်ဘယ်နှယောက်ရှိပါသလဲ။
မြန်မာနိုင်ငံမှာတော့ ကျနော်တို့အဖွဲ့ဝင် ၁၀ယောက်ဖျော်ဖြေနေပါတယ်။ စုစုပေါင်းအဖွဲ့ဝင်ကတော့ ၁၆ယောက်ရှိတယ်။ လွန်ခဲ့တဲ့ နှစ် ၂၀အတွင်းအတူတကွဖျော်ဖြေခဲ့တဲ့အဖွဲ့ဝင်တွေကတော့ ၄၀၀န်းကျင်လောက်ရှိတယ်။
ဘယ်လိုလေ့ကျင့်ခဲ့ပါသလဲ။
ဗုဒ္ဓဟူးနေ့တိုင်း ရီဟာဇယ်လုပ်ပါတယ်။ ခက်ခဲတဲ့သီချင်းတွေတိုက်ရတဲ့အခါ ဖျော်ဖြေပွဲကကြီးတဲ့အခါတို့မှာ စနေ တနင်္ဂနွေမှာပါအစမ်းလေ့ကျင့်ကြတယ်။ တခါတလေစုပြီးစကားပြောချင်တဲ့အခါမှာလည်း သီချင်းတိုက်လေ့ရှိတယ်။ အခုလိုခရီးစဉ်မျိုးမှာဆိုရင် မကြာခဏသီချင်းတိုက်ဖြစ်တယ်။
တယောက်တည်းဖျော်ဖြေတာနဲ့ အဖွဲ့လိုက်ဖျော်ဖြေတာဘာကွာသလဲ။
အဖွဲ့လိုက်ဖျော်ဖြေရတာကတော့ ပိုပြီးသက်တောင့်သက်သာရှိတာပေါ့။ အထူးသဖြင့်အဖွဲ့ဝင်တွေအချင်းချင်းရင်းနှီးတာကြာခဲ့ပြီဆိုတော့လေ။ တယောက်တည်းဆိုမယ်ဆိုရင်လည်း အစွမ်းပြလို့ရတဲ့အတွက် နှစ်မျိုးလုံးအဆင်ပြေပါတယ်။ လူတိုင်းကကိုယ်စွမ်းကိုယ်စပြချင်ကြတော့ တော်တော်တော့ကြိုးစားရမယ်ဗျ။ (ရယ်လျက်ပြော)
အခုအထိဖျော်ဖြေပွဲဘယ်နှခုလောက်မှာပါဝင်ခဲ့ပြီးပြီလဲသိပါရစေ။
၇၀၀လောက်ရှိပြီထင်တယ်ဗျ။
ဘယ်လိုပွဲမျိုးမှာဖျော်ဖြေချင်သလဲ။
Superbowl ဖွင့်ပွဲမှာ Bruno Mars နဲ့ အချိန်တ၀က်လောက်ဖျော်ဖြေချင်တယ်။
မြန်မာနိုင်ငံကိုဘာလို့လာခဲ့တာလဲသိပါရစေ။
ကျနော်တို့အဖွဲ့ဝင်လည်းဖြစ် ဥက္ကဌဟောင်းလည်းဖြစ်သူတယောက်က မြန်မာနိုင်ငံမှာစီးပွားရေးလုပ်နေပါတယ်။ ကျနော်တို့ကသူ့ဆီလာလည်တာပါ။ အဓိကကတော့အရင်တခေါက်မြန်မာနိုင်ငံကိုလာလည်တုန်းက တော်တော်ပျော်ခဲ့ရတယ်ဗျ။ အဲ့ဒါကြောင့်ထပ်လာချင်တာလည်းပါတယ်။ နောက်ပြီး မန္တလေး FM ကမိတ်ဆွေတွေကလည်း ရေဒီယိုမှာ live သီချင်းဆိုဖို့ဖိတ်ခဲ့တယ်လေ။ အဲ့ဒီတော့မြန်မာပရိသတ်တွေကိုထပ်ဖျော်ဖြေချင်သေးတယ်။ လာချင်စိတ်ကပိုပါတယ်ခင်ဗျာ။
