ငယ်စဉ်ကစင်ကာပူနိုင်ငံမှာနေထိုင်နေစဉ်မှာ မော်ဒယ်အဖြစ်လုပ်ကိုင်ခဲ့ပြီး ၁၉၈၉ မှ ၁၉၉၅အတွင်း အရှေ့တောင်အာရှတခွင်မှာ အောင်မြင်တဲ့မော်ဒယ်တယောက်အဖြစ်ရပ်တည်နိုင်ခဲ့ပါတယ်။ ထို့နောက်မြန်မာနိုင်ငံကိုပြန်လည်ပြောင်းရွှေ့လာပြီး Stars & Models International နဲ့ Myanmar’s International Fashion Week တို့ကိုစတင်တည်ထောင်ခဲ့တယ်။ ဒီအင်တာဗျူးမှာတော့ ဂျွန်လွင်ဟာ “မော်ဒယ်ဖခင်” ဖြစ်လာပုံနဲ့ သူ့အတွေ့အကြုံတွေကိုမျှဝေထားပါတယ်။
မော်ဒယ်လောကကိုစတင်ဝင်ရောက်လာဖြစ်ပုံကိုပြောပြပေးပါဦး။
ငယ်ငယ်ကတော့တနေ့မှာကျနော်မော်ဒယ်ဖြစ်လာမယ်လို့ မထင်ခဲ့မိဘူးဗျ။ တနေ့ကျနော်စင်ကာပူမှာဘတ်စ်ကားစောင့်နေတုန်းလူတယောက်ကလာပြီး မော်ဒယ်လုပ်ချင်လားလို့လာမေးတယ်။ အဲ့ဒီတုန်းကကျနော်က တနေ့ စင်ကာပူဒေါ်လာ ၂၅ဒေါ်လာပဲရတဲ့စက်ရုံအလုပ်သမားဆိုတော့ သူ့ကမ်းလှမ်းမှုကိုလက်ခံလိုက်တယ်။
ဘယ်လိုအတွေ့အကြုံတွေရခဲ့လဲ။
စင်ကာပူမှာတော့ catwalk လျှောက်နည်း၊ အ၀တ်အစားတွေကိုလူစိတ်ဝင်စားအောင်တင်ဆက်နည်း၊ ဓာတ်ပုံရိုက်ရင်ကိုယ်ဟန်ပြနည်းတွေသင်ရတယ်။ အဲ့ဒီအချိန်တုန်းက မြန်နိုင်ငံမှာဒီလိုအလုပ်တွေကို ရုပ်ရှင်မင်းသမီးတွေကသာလုပ်ကြတာ။ ကျနော်ကမော်ဒယ်လုပ်ငန်းကိုစိတ်ဝင်စားလို့မဟုတ်ဘူး၊ ငွေလိုလို့သာလုပ်တာပါ။ တလကိုစင်ကာပူဒေါ်လာ ၂၅၀၀၀လောက်ရတယ်လေ။ ဒါပေမယ့်သိပ်တော့စိတ်မပါဘူး။ ပထမဆုံးလျှောက်တဲ့ပွဲမှာအတွင်းခံဘောင်းဘီဝတ်ပြီးလျှောက်ရတာ။ အ၀တ်အစားပြင်ဆင်ပေးတဲ့အမျိုးသမီးကစင်ပေါ်တက်မယ့်မော်ဒယ်တွေအားလုံးကိုလိုက်စစ်ဆေးတယ်။ ကျနော့်ယောက်ျားအင်္ဂါကနေရာတလွဲဖြစ်နေတယ်ဆိုပြီး လက်နဲ့နှိုက်ပြီးပြင်တယ်။ ကျနော်တော်တော်လန့်ပြီးပူထူသွားတယ်။ အဲ့ဒီနောက်မှာတော့ကျနော်တို့ကိုကော်ပတ်ရုပ်တွေလိုပဲသဘောထားပြီး လူတွေလိုမဆက်ဆံဘူးဆိုတာသတိထားမိလာတယ်။
ဘာကြောင့်မြန်မာနိုင်ငံကိုပြန်လာတာလဲ။
၁၉၉၅ခုနှစ်မှာ သူငယ်ချင်းတယောက်ကမြန်မာနိုင်ငံမှာဖက်ရှင်ရှိုးတခုလုပ်ချင်တယ်ဆိုပြီး ကျနော့်ကိုအကူအညီတောင်းတယ်။ အဲ့ဒါနဲ့ကျနော်လည်းမော်ဒယ်တွေအများကြီးလိုက်စုဆောင်းပေးခဲ့တယ်။ တက္ကသိုလ်တွေ၊ ကျောင်းတွေနဲ့ဗိုလ်ချုပ်ဈေးအထိသွားပြီး အလားအလာရှိတဲ့လူငယ်တွေကိုလိုက်စုဆောင်းတယ်။ ပြီးတော့သူတို့ကိုတလလေ့ကျင့်ပေးတယ်။ အဲ့ဒီရှိုးလုပ်ပြီးနောက်ပိုင်း ကျနော်လူသိများလာတာပါပဲ။ ဒီနိုင်ငံမှာမော်ဒယ်လုပ်ငန်းကိုပထမဆုံးတည်ထောင်တဲ့သူကကျနော်ပါပဲ။ အစိုးရမှာလုပ်ငန်းမှတ်ပုံတင်တော့ ကျနော့်နံပါတ်က ၀၀၀၁။ ဒါကြောင့်လူတွေကကျနော့်ကို မော်ဒယ်ဖခင်လို့ခေါ်ကြတာ။ ကျနော်ကသူတို့ကိုမော်ဒယ်တယောက်အဖြစ်ရပ်တည်ဖို့အခွင့်အလမ်းပေးခဲ့တယ်လို့ပြောကြတယ်။
ဒီဇင်ဘာ ၇ ရက်နေ့ကနေ ၉ရက်နေ့အထိ ကျင်းပခဲ့သော Myanmar International Fashion Week
အေဂျင်စီကနေမော်ဒယ်ရွေးတဲ့အခါဘယ်လိုအရည်အချင်းတွေကိုကြည့်ပြီးရွေးပါသလဲ။
လူတယောက်ကိုကြည့်လိုက်လို့ သူ့မှာမော်ဒယ်အဖြစ်အောင်မြင်နိုင်တဲ့ဂုဏ်ရည်တခုခုရှိတယ်လို့ခံစားမိရင် ရွေးလိုက်တာပါပဲ။ အဲ့ဒါဘာလဲဆိုတာတော့မရှင်းပြတတ်ဘူး။
International Fashion Week ကိုဘယ်လိုစလုပ်ဖြစ်တာလဲ။
ကျနော်မြန်မာနိုင်ငံပြန်ရောက်လာတော့မြန်မာဒီဇိုင်နာမရှိသေးတာသတိထားမိတယ်။ ဖက်ရှင်လုပ်ငန်းတိုးတက်ဖို့အတွက် ဒီဇိုင်နာတွေကိုမြေတောင်မြှောက်ပေးဖို့လိုတယ်လေ။ ၂၀၁၁ကနေစတင်ခဲ့တာအခုဆိုရင် International Fashion Week လုပ်ခဲ့တာ ၇နှစ်ရှိသွားပါပြီ။ အခုဆိုအရမ်းပြောင်းလဲသွားပြီ။ ကျနော်တို့စလုပ်တုန်းကဆိုရင် ဒီဇိုင်နာတွေအနေနဲ့သူတို့လက်ရာတွေကို ဘယ်လိုတင်ဆက်ရမလဲမသိကြသေးဘူး။ အခုတော့အင်တာနက်ပေါ်ကနေ နိုင်ငံတကာဖက်ရှင်ရှိုးတွေကိုကြည့်ပြီး အရောင်တွေတွဲဖက်အသုံးပြုပုံ၊ ရာသီအလိုက်သုံးရမယ့်အရောင်တွေအကြောင်းသိနေကြပြီ။ ပိုပြီးပညာရှင်ပီသလာကြပါတယ်။
ရှိုးမှာတင်ဆက်ဖို့ဒီဇိုင်နာတွေကိုဘယ်လိုရွေးချယ်သလဲ။
နာမည်ကြီးပြီးဒီဇိုင်နာတွေကိုရွေးလေ့မရှိဘူးဗျ။ ဒီဇိုင်နာအသစ်တွေကိုမြေတောင်မြှောက်ပေးချင်လို့ပါ။ သူတို့ကိုနာမည်ရှိပြီးဒီဇိုင်နာတချို့နဲ့ရောပြီးစင်တင်ပေးလေ့ရှိပါတယ်။
Shartra ရဲ့ဝတ်စုံတွေနဲ့ပတ်သက်ပြီး ဘယ်လိုမျှော်လင့်ထားပါသလဲ။
ဒီနှစ်မှာတော့သူကကြာချည်ကိုသုံးပြီး အ၀တ်အစားတွေဖန်တီးထားတယ်။ လူငယ်ဒီဇိုင်နာတွေအနေနဲ့ ချည်တွေကိုယ်တိုင်ဝယ်ယူဖို့အခက်အခဲရှိတော့ ကြာချည်ထုတ်လုပ်တဲ့သူတယောက်ရဲ့ပံ့ပိုးမှုကိုရယူခဲ့ပါတယ်။
ဒီနှစ်ကျင်းပတဲ့ Fashion Week မှာမိုးကုတ်ပေါက်ပေါက်လည်းပါဝင်ခဲ့တယ်နော်။ မြန်မာဖက်ရှင်လောကမှာသူ့ရဲ့လွှမ်းမိုးမှုဘယ်လောက်ရှိတယ်လို့ထင်ပါသလဲ။
သူဟာအရမ်းနာမည်ကြီးတဲ့ဒီဇိုင်နာပါ။ ဥရောပမှာပညာသင်ခဲ့ပြီးပြန်လာတော့ကျနော်နဲ့စကားပြောဖြစ်ခဲ့တယ်။ ရန်ကုန်မှာကျင်းပတဲ့ပွဲတခုအတွက်ဝတ်စုံတွေကိုသူဖန်တီးပြီး နာမည်အရမ်းကြီးလာခဲ့တာပါ။
International Fashion Week ကဘာကြောင့်မြန်မာနိုင်ငံအတွက်အရေးပါတယ်လို့ထင်ပါသလဲ။
ဖက်ရှင်ကိုလူကြီးလူငယ်မရွေးစိတ်ဝင်စားကြပါတယ်။ ကျနော့်ပွဲကိုလည်းဖက်ရှင်စိတ်ဝင်စားတဲ့သူတွေအားလုံး လာကြလိမ့်မယ်လို့ထင်ပါတယ်။
(ဂျွန်လွင်ဟာ ဒီဇင်ဘာ ၇ ရက်နေ့ကနေ ၉ရက်နေ့အထိ Myanmar International Fashion Week ကို ရန်ကုန်မြို့ Hexagon Complex မှာစီစဉ်ကျင်းပခဲ့ပါတယ်)
