Uncharted Horizons Myanmar ရဲ့တည်ထောင်သူ စွန့်စွန့်စားစားသွားလာရတဲ့ခရီးစဉ်တွေကိုစီစဉ်သူ Jochen Meissner ဟာပုသိမ်ကနေဂေါ်ရင်ဂျီကျွန်းဆီ စက်ဘီးစီးခရီးသွားတဲ့အတွေ့အကြုံတွေကိုမျှဝေထားပါတယ်။ ၃ရက်ကြာတဲ့သူ့ခရီးစဉ်မှာ ချောင်းသာ၊ ငွေဆောင်ကမ်းခြေတွေလည်းပါဝင်ခဲ့ပါတယ်။
စက်တင်ဘာလကုန်ပိုင်းလောက်မှာ မိုးရာသီကုန်ဆုံးသွားတော့ ကျနော်တို့ ၃ယောက်သားမြန်မာနိုင်ငံတောင်ပိုင်းက ကမ်းခြေတွေဆီစက်ဘီးစီးခရီးသွားဖို့ ပြင်ဆင်ကြတယ်ဗျ။ ဒဂုန်ဧရာကားဂိတ်ကနေပုသိမ်ထိဘတ်စ်ကားစီးမယ်။ နေ့လယ် ၁နာရီလောက်မှာ ပုသိမ်ကနေကမ်းခြေတွေဆီ် ၃ရက်ကြာစက်ဘီးစီးခရီးထွက်ကြမယ်။
ဒီလိုနဲ့အထုပ်အပိုးတွေတင်ပြီးစက်ဘီးစနင်းခဲ့ကြပါတယ်။ ပထမနေ့ခရီးကတော့လွယ်ပါတယ်၊ ကီလိုမီတာ ၆၀လောက်ပဲဝေးတဲ့ချောင်းသာကမ်းခြေကိုရောက်တယ်။ စိမ်းစိုလှပနေတဲ့နယ်မြေဟာတောင်တန်းတွေထူပြောပေမယ့်အလွန်မက်စောက်ခြင်းမရှိပါဘူး။ ကျနော်တို့သွားရာလမ်းရဲ့တဘက်တချက်မှာ ရော်ဘာစိုက်ခင်းတွေနဲ့ပြည့်နေလေရဲ့။ ရွာငယ်လေးတွေလည်းရှိပြီး ဒေသခံတွေကလည်းဖော်ရွေလှပါတယ်။
ချောင်းသာရောက်ဖို့ ၁၀ကီလိုမီတာလောက်ပဲလိုတော့တဲ့နေရာမှာ ချောင်းတခုကိုဖြတ်ထိုးထားတဲ့တံတားရှည်ကြီးတခုနားမှာအနားယူတယ်။ အနီးအနားကရွာသားတွေကရှေ့မှာဆင်ရိုင်းတွေနဲ့တွေ့နိုင်ကြောင်းသတင်းပေးလို့ နည်းနည်းတောင်စိတ်ပူသွားတယ်။ ဆင်တွေနဲ့တိုးရင်စက်ဘီးရှေ့မီးတွေနဲ့ မျက်လုံးကိုထိုးဖို့ အသံကျယ်ကြီးအော်ပြီးသွားဖို့ဒေသခံတွေကအကြံပေးပါတယ်။ ဒါပေမယ့်ကံကောင်းထောက်မစွာနဲ့မမှောင်ခင်ချောင်းသာကမ်းခြေဆီဘေးမသီရန်မခရောက်သွားခဲ့တယ်။ အရသာရှိတဲ့ပင်လယ်စာလတ်လတ်ဆတ်ဆတ်တွေနဲ့ညစာစားပြီး အိပ်ရာစောစောဝင်ခဲ့ကြတယ်။ နောက်နေ့တွေမှာတကယ်စိန်ခေါ်မှုရှိတဲ့ခရီးစဉ်နဲ့တွေ့ရဦးမှာလေ။
နောက်နေ့မနက် ၆နာရီခွဲလောက်မှာစထွက်လာခဲ့တယ်။ ကျနော်တို့ရဲ့အစီအစဉ်ကတောင်ဘက်ယွန်းယွန်းမှာရှိတဲ့ ငွေဆောင်ကမ်းခြေဆီစက်ဘီးနဲ့သွားပြီး ဆင်မဆိုတဲ့တံငါရွာနဲ့ ဂေါ်ရင်ဂျီကျွန်းကိုဆက်သွားဖို့ပါပဲ။ ပထမခရီးစဉ်ကတော့ အောင်မြင်ချောမွေ့စွာပြီးဆုံးသွားခဲ့တယ်။ မြစ်သုံးစင်းကိုကူးတို့လှေလေးတွေနဲ့ဖြတ်ကူးအပြီး ၂နာရီအကြာမှာတော့ ငွေဆောင်ကမ်းခြေကိုရောက်လာခဲ့ပါပြီ။ ကြည်လင်အေးမြနေတဲ့ Andaman Sea (ကပ္ပလီပင်လယ်) မှာရေကူးကြသေးတယ်။
မြေပုံကြည့်ကြည့်တော့ခရီးစဉ်တ၀က်ကျိုးပြီလို့တွေ့ရတယ်။ ဒါပေမယ့်တကယ့်အပြင်ကလမ်းတွေကတော့ ရွှံ့အိုင်ကြီးတွေ ဗွက်အိုင်ကြီးတွေနဲ့ပြည့်နေပြီးသွားရအတော်ခက်ပါတယ်။ ၂နာရီကြာအောင်စက်ဘီးနင်းပြီးမှ လှပတဲ့ဆင်မရွာကိုရောက်တယ်။ ပင်လယ်စာတွေနဲ့နေ့လယ်စာစားပြီး တောင်ဘက်စူးစူးကနယ်မြေသစ်ဆီသွားဖို့အားမွေးကြတယ်။
Google Maps ကိုလေ့လာကြည့်တော့ငရုတ်ကောင်းရွာကိုရောက်တဲ့ကမ်းခြေနဲ့ ကမ်းရိုးတန်းကြားမှာလမ်းသွယ်လေးတခုရှိနေတာကိုတွေ့ရတယ်။ ကပ်လျက်မှာဂေါ်ရင်ဂျီကျွန်းရှိတယ်။ အဲ့ဒီကျွန်းဟာမကြာသေးမီကမှပြည်တွင်းခရီးသွားတွေနဲ့ နိုင်ငံခြားကအခြေချနေထိုင်သူတွေကြားနာမည်ကြီးလာတာပါ။ ဒါပေမယ့်ခရီးလမ်းကြောင်းနဲ့ပတ်သက်ပြီး ဘယ်သူမှသေသေချာချာမသိကြသေးဘူး။
မိုးရာသီကုန်ခါစဆိုတော့လမ်းခရီးတလျှောက်ဒူးလောက်ထိမြုပ်တဲ့ရွှံ့အိုင်ကြီးတွေနဲ့ပြည့်နေတယ်။ မော်တော်ဆိုင်ကယ်တွေနဲ့တောင်သွားဖို့ခက်တယ်။ ခရီးစဉ်ရဲ့နောက်ဆုံး ကီလိုမီတာ ၃၀ကိုသွားဖို့ ၆နာရီကျော်လောက်အချိန်ယူရတယ်။ သဲဖြူရွာကိုရောက်ပြီးနောက်ပိုင်းမှသာ စက်ဘီးနင်းရတာနည်းနည်းအဆင်ပြေလာတယ်။ ပြီးတော့မှောင်ခါနီးလောက်မှာ ငရုတ်ကောင်းရွာဆီရောက်ပါတယ်။
မှောင်နေပြီဆိုတော့စီစဉ်ထားတဲ့အတိုင်း ဂေါ်ရင်ဂျီကျွန်းဆီသွားဖို့မလွယ်တော့ဘူး။ ဒီလိုနဲ့ပဲငရုတ်ကောင်းရွာကတည်းခိုခန်းလေးတခုမှာပဲ တညတသောင်းကျပ်နဲ့တည်းခိုရတော့တယ်။ ဒေသခံတံငါသည်တယောက်ရဲ့ဘားမှာညစာကောင်းကောင်းစားပြီး ဘီယာအေးအေးလေးသောက်လိုက်ရတော့ တနေကုန်ပင်ပန်းထားတာတွေပျောက်သွားတယ်။ စက်ဘီးပေါ်မှာ ၁၂နာရီဆက်တိုက်ထိုင်ပြီးတရက်တည်း ကီလိုမီတာ ၈၀မောင်းရတဲ့ဒီခရီးဟာ ကျနော်တို့ဘ၀မှာအခက်ခဲဆုံးနဲ့စိန်ခေါ်မှုအများဆုံးခရီးပါပဲ။ အဲ့ဒီညမှာနှစ်နှစ်ခြိုက်ခြိုက်အိပ်ပျော်သွားကြတယ်။
ခရီးစဉ်နောက်ဆုံးနေ့မှာတော့ မနက် ၆နာရီလောက်ကတည်းကအိပ်ရာထကြပြီး သစ်သားကူးတို့လှေလေးနဲ့ခရီးဆက်လာကြတယ်။ အရမ်းစောနေသေးလို့ထင်ပါရဲ့ လှေပေါ်မှာကျနော်တို့ပဲရှိတယ်။ ကူးတို့လှေလေးဟာလမုပင်တွေပြည့်နေတဲ့မြစ်ဝကိုဖြတ်သန်းသွားတယ်။ ကွန်ကရစ်လမ်းလေးကနေအုန်းပင်တွေတောင်ကုန်းတွေဆီရောက်သွားပါတယ်။ လက်ဘက်ရည်ဆိုင်တဆိုင်ထဲဝင်ပြီး မနက်စာမုန့်ဟင်းခါးစားကြတယ်။ ၁၀မိနစ်လောက်အကြာကမ်းခြေကနေစက်ဘီးနင်းပြီးတော့ ဂေါ်ရင်ဂျီကျွန်းကိုရောက်ပါပြီ။ ကုန်းမြေနဲ့ဂေါ်ရင်ဂျီကျွန်းဟာ သဲသောင်တခုနဲ့ဆက်သွယ်ထားတယ်။ အဲ့ဒီသောင်ပြင်ပေါ်မှာပဲတည်းခိုခန်းတွေတည်ရှိတယ်။ ၁၀မိနစ်လောက်ထပ်လျှောက်အပြီး တောင်ကုန်းလေးတခုပေါ်ကစေတီတဆူဆီရောက်သွားပါတယ်။ အဲ့ဒီကနေမြင်ရတဲ့ရှုခင်းတွေကအရမ်းလှတယ်ဗျ။
ဒါပေမယ့်ရှေ့ဆက်သွားရမယ့်ခရီးကြမ်းတွေရှိသေးတာမို့ ငှက်ပျောသီးတွေနဲ့မုန့်အချိုတွေများများထုပ်ပိုးပြီး တောင်တန်းတွေကိုဖြတ်ပြီးပုသိမ်ကိုပြန်ဖို့လုပ်ကြတယ်။
ဒေသခံတွေကဒီဒေသကို ချင်းပြည်နယ်အငယ်စားလေးလို့ခေါ်ကြတယ်။ မက်စောက်တဲ့တောင်တန်းတွေကိုတွေ့တော့မှဘာကြောင့်ဒီနာမည်ရသလဲနားလည်တော့တယ်။ တောင်တန်းတခုကိုဆင်းပြီးမကြာပြီဘူး နောက်တခုကိုထပ်တွေ့တာပဲ။ ရှုခင်းတွေကတော့လှပါရဲ့ ဒါပေမယ့်ဒီခရီးစဉ်ဟာကျနော်တို့ထင်ထားတာထက် ပိုပင်ပန်းတာကိုတွေ့ရတယ်။ ဒါပေမယ့်ဒီလမ်းတလမ်းပဲရှိတယ်လေ။ မွန်းတိမ်းချိန်လောက်ရောက်တော့ မိုးထိတောင်ပေါ်ရောက်လာတယ်။ ပြီးတော့တနာရီလောက်တောင်အောက်ဆင်းလမ်းအတိုင်း နင်းလာတယ်။ မရမ်းကုန်းရွာကိုရောက်တော့ထရပ်ကားငှားပြီး ပုသိမ်ကိုထွက်လာကြတယ်။ ဘီယာအေးအေးလေးသောက်ရင်းပုသိမ်မြစ်ပေါ်ကနေ၀င်ချိန်ကိုကြည့်ရတာအရသာပဲဗျ။
ကျနော်တို့သွားခဲ့တဲ့ခရီးစဉ်ကစုစုပေါင်း ကီလိုမီတာ ၁၇၀လောက်ပဲရှိတယ်။ ဒါပေမယ့်မိုးရာသီကုန်ခါစမို့လမ်းတွေတော်တော်ပျက်စီးနေတဲ့အတွက်အဲ့ဒီထက်ပိုသွားဖို့လည်းမလွယ်ဘူး။ ပွင့်လင်းရာသီမှာဆိုရင်တော့ လမ်းတွေပိုကောင်းနေလိမ့်မယ်ထင်တာပဲ။ ဒါပေမယ့်မိုးလေကင်းစင်စရာသီမို့စိမ်းစိုနေတဲ့အပင်တွေနဲ့လှပကြည်လင်တဲ့ကောင်းကင်ကိုမြင်ခဲ့ရတဲ့အတွက် ဒီခရီးထွက်ခဲ့ရတာတန်တယ်လို့ပဲဆိုရမှာပါ။ နောက်ထပ်တကြိမ်သွားဖို့လည်းစိတ်ကူးပါတယ်။
Uncharted Horizons Myanmar ဟာစွန့်စွန့်စားစားသွားလာရတဲ့ခရီးစဉ်တွေကို စီစဉ်ပေးနေတဲ့ကုမ္ပဏီတခုဖြစ်ပြီး သွားနေကျမဟုတ်တဲ့လမ်းတွေကနေတဆင့် စက်ဘီးစီးခရီး တောင်တက်ခရီးတွေစီစဉ်ပေးနေပါတယ်။ Jochen Meissner ဟာချင်းပြည်နယ်ရဲ့ ဝေးလံခေါင်သီတဲ့ဒေသတွေကိုလေ့လာရတာနှစ်သက်ပြီး မြန်မာနိုင်ငံကစွန့်စားခန်းထွက်လို့ရတဲ့နေရာတိုင်းမှာသူရှိပါတယ်။
uncharted-horizons-myanmar.com
အမှတ် (၁၀၉)၊ ၄၉လမ်းအလယ်ဘလောက်၊ ပုဇွန်တောင်မြို့နယ်၊ ရန်ကုန်။
