By Nay Thiha
သူ့ကိုယ်မှာချွေးတွေရွှဲနေတယ်။ သူရပ်နေတဲ့နေရာက လူတရပ်မကမြင့်တဲ့တိုင်လုံးတခုရဲ့ထိပ်က ခြေတဖ၀ါးစာလောက်ပဲရှိတဲ့နေရာလေး။ သူ့ကိုယ်ပေါ်မှာတော့လေးလံတဲ့ခြသေ့င်္ခေါင်းကြီးနဲ့ ကိုယ်ရုံကိုခြုံထားတယ်။ အဆင့်ဆင့်စီတန်းထားတဲ့တိုင်လုံးတွေကိုကြည့်ရင်း နောက်ထပ်ကကြိုးတခုကိုစဉ်းစားနေပါတယ်။
သူကတော့ခြသေ့င်္ကရာမှာနောက်ထိုင်အဖြစ်တာဝန်ယူထားတဲ့ကိုထက်နေ၀န်းပါ။ တရုတ်နှစ်သစ်ကူးရောက်ပြီဆိုတာနဲ့ ရန်ကုန်မြို့တ၀ိုက်တရုတ်ရိုးရာခြသေ့င်္ကပွဲနဲ့ပြိုင်ပွဲတွေ ခြိမ့်ခြိမ့်သဲကျင်းပလေ့ရှိပါတယ်။ အခုလည်းကိုထက်နေ၀န်းတို့ Hong Bao Shi (ပတ္တမြားနီ) အဖွဲ့က Junction Square မှာဇန်န၀ါရီလ ၂၄-၂၇ အတွင်းကျင်းပမယ့်ခြသေ့င်္အကပြိုင်ပွဲအတွက်လေ့ကျင့်နေကြတာပါ။
“ကျနော်လွန်ခဲ့တဲ့ ၉နှစ်လောက်ကတည်းကခြသေ့င်္ကခဲ့တာပါ။ ငယ်ငယ်တုန်းကတော့တချိန်မှာ ခြသေ့င်္ကဖြစ်လိမ့်မယ်လို့မတွေးခဲ့မိဘူး။ သူများတွေကတာကိုပဲလိုက်ကြည့်ခဲ့တာ။ သူငယ်ချင်းတယောက်က ကကြည့်ပါလားဆိုပြီးအားပေးတာနဲ့ကဖြစ်သွားတာပါ။ ခုတော့လည်းဒါကိုပဲဝါသနာပါသွားပြီ” လို့ကိုထက်နေ၀န်းကဆိုပါတယ်။
ခြသေ့င်္ကတဲ့အလုပ်ဟာခက်ခဲသလိုအန္တရာယ်လည်းများပါတယ်။ တချို့တိုင်တွေဟာလူတရပ်စာလောက်မြင့်ပြီး ရပ်ရတဲ့နေရာကခြေဖ၀ါးတခုစာလောက်ပဲရှိတယ်။ ခြသေ့င်္ကတဲ့အခါရှေ့ထိုင်နဲ့နောက်ထိုင်နှစ်ယောက်ရှိပြီး နောက်ထိုင်ရဲ့အခန်းကဏ္ဍကအလွန်အရေးကြီးပါတယ်။ ကိုယ်ရုံထဲဝင်သွားတဲ့အခါရှေ့ထိုင်က ရွက်ထားတဲ့ခြသေ့င်္ခေါင်းရဲ့မျက်စိပေါက်ကနေအပြင်ကိုအနည်းငယ်မြင်ရသေးပေမယ့် နောက်ထိုင်ကတော့လုံးဝမမြင်ရတော့ပါဘူး။ ရှေ့ကလူရဲ့ခြေလှမ်းကိုမှတ်ပြီးစည်းချက်ကျအောင် ခြေလှမ်းရပါတယ်။ ခြသေ့င်္မတ်တပ်ရပ်တဲ့ကကွက်မျိုးဆိုရင်လည်း ခြသေ့င်္ခေါင်းကိုင်ထားတဲ့ရှေ့ထိုင်ရဲ့ကိုယ်ကိုချီမြှောက်ပြီးကရပါတယ်။ ကတဲ့သူနှစ်ယောက်လုံးခွန်အားနဲ့သက်လုံကောင်းနေဖို့လိုအပ်သလို နှစ်ကိုယ့်တစိတ်နီးပါးတယောက်ကိုတယောက်နားလည်နေဖို့လည်းအရေးကြီးပါတယ်။
ရှေ့ထိုင်အဖြစ်တာဝန်ယူထားတဲ့ကိုဇေကြီးကတော့ “ဒီတိုင်ပေါ်မှာနည်းနည်းလေးမှားတာနဲ့ပြုတ်ကျမှာပဲဗျ။ ဒါကြောင့်ရှေ့ထိုင်နဲ့နောက်ထိုင်အပေးအယူမျှနေဖို့လိုတယ်။ နောက်ပြီးပြိုင်ပွဲဆိုတော့စိတ်လှုပ်ရှားကြတာပါပဲ။ ကျနော်တို့ကတယောက်နဲ့တယောက် scale (အတိုင်းအတာ) တွေမှတ်ပြီးကရတာလေ။ စိတ်လှုပ်ရှားပြီးကိုယ့် scale ကိုယ်မမှတ်မိရင်အတိုင်အဖောက်လွဲသွားပြီးပြုတ်ကျတတ်တယ်။ ဒါကြောင့်စိတ်ဓာတ်တည်ငြိမ်ဖို့လည်းလိုပါတယ်” လို့ပြောပါတယ်။
ခြသေ့င်္ကတဲ့နေရာမှာတီးဝိုင်းအဖွဲ့ဝင် ၄ဦးပါပြီး ဗုံတီးသူတဦး၊ ချန်ချန် (လင်းကွင်း) တီးသူ ၂ဦး၊ တောင်တောင် (မောင်း) တီးသူတဦးပါဝင်ပါတယ်။ ဗုံဟာခြသေ့င်္ရဲ့နှလုံးခုန်သံကိုကိုယ်စားပြုပြီး ဗုံချည်းပဲတချက်စီတီးခြင်းဟာခြသေ့င်္ရဲ့စိတ်လှုပ်ရှားမှုကိုဖော်ညွှန်းတယ်။
“ကျနော်တို့ရဲ့ကကွက်ဟာခြသေ့င်္အစာရှာထွက်တဲ့ပုံစံပါ။ ခြသေ့င်္ကအစာရှာထွက်တဲ့အခါ စိတ်ဓာတ်တက်ကြွတဲ့ပုံဖော်ဖို့တီးဝိုင်းကမြန်မြန်တီးပေးတယ်။ အစာတွေ့ရင်ပျော်တဲ့ပုံပေါ်အောင်ခပ်ပြင်းပြင်းတီးတယ်။ တောင်တွေတောတွေဖြတ်ကျော်ရင်းကြောက်စိတ်ဝင်လာရင် သူ့နှလုံးခုန်နေတဲ့အသံကို ဗုံချည်းပဲတချက်စီတီးပေးပါတယ်” လို့ကိုထက်နေ၀န်းကရှင်းပြတယ်။
“မြန်မာနိုင်ငံမှာဆိုရင်တော့ပြိုင်ပွဲတွေကတော်တော်များနေပါပြီ။ ၂၀၁၂မှာဆိုရင်တော့ Malaysia World Cup မှာပြိုင်ဖူးတယ်၊ ၂၀၁၄မှာနောက်တကြိမ်၊ ၂၀၁၅မှာစင်ကာပူမှာတကြိမ်၊ ၂၀၁၆ နဲ့ ၂၀၁၈ မှာ Malaysia World Cup မှာပြိုင်ခဲ့ဖူးပါတယ်။ ၂၀၁၄တုန်းကတော့ ၃၂သင်းမှာ နံပါတ် ၆ချိတ်ပါတယ်။ စင်ကာပူပြိုင်ပွဲမှာတော့ ၁၂သင်းမှာနံပါတ် ၅ရခဲ့ပါတယ်” လို့ကိုထက်နေ၀န်းကပြောတယ်။
ခြသေ့င်္ကတဲ့သူတွေဟာဘောလုံးသမားတွေလိုပဲရာသီချိန်နဲ့ကစားရတာဖြစ်ပြီး မိုးကုန်တဲ့အချိန်မှာစတင်လေ့ကျင့်ပါတယ်။ ဖေဖော်ဝါရီလကတော့ဖျော်ဖြေပွဲတွေ ပြိုင်ပွဲတွေပြည့်နေပြီး နေ့ကောညကောလေ့ကျင့်ရ ကရလေ့ရှိပါတယ်။
ခြသေ့င်္ကတဲ့အတွေ့အကြုံ ၁၀နှစ်ရှိခဲ့ပြီး နည်းပြသက်တမ်း ၈နှစ်ရှိနေပြီဖြစ်တဲ့ကိုကျော်ဇင်ထက်ကတော့ သူ့သင်ကြားမှုနဲ့ပတ်သက်ပြီးအခုလိုပြောပါတယ်။ “Physical ပိုင်းကတော့ကြွက်သားလေ့ကျင့်ခန်းတွေ လုပ်ခိုင်းပါတယ်။ ပြိုင်ပွဲနားနီးပြီဆိုရင်တော့အရမ်းမလုပ်ခိုင်းတော့ဘူး၊ ထိခိုက်ဒဏ်ရာရမှာလည်းစိုးရတယ်လေ။ ကကွက်ရေးတဲ့နေရာမှာတော့ကြည့်လို့လည်းကောင်းအောင် ကလေးတွေလည်းအန္တရာယ်ကင်းတာမျိုးပေါ့။”
Junction Square မှာဇန်န၀ါရီလ ၂၄-၂၇ အတွင်းပြုလုပ်မယ့်ပြိုင်ပွဲမှာတော့ Hong Bao Shi အပါအ၀င်ခြသေ့င်္အဖွဲ့ ၁၂ဖွဲ့ပြိုင်ကြမှာဖြစ်ပြီး ပထမဆုကတော့ ၁၅သိန်းပါ။ ပြိုင်ပွဲဟာ ညနေ ၆နာရီ ကနေစတင်မှာဖြစ်ကြောင်းခြသေ့င်္အကကိုစိတ်ဝင်စားသူများအတွက်သတင်းကောင်းပါးလိုက်ပါတယ်ခင်ဗျား။
သူတို့အဖွဲ့လေ့ကျင့်နေတဲ့ video ကိုအောက်မှာကြည့်ရှုနိုင်ပါတယ်။
