အမှတ်တမဲ့လေးများ

By Nay Thiha

လူနှစ်ယောက်ကြားကချစ်ခြင်းမေတ္တာဆိုတာ ၃နှစ် ၃မိုးစောင့်ပြီးမှဖြစ်လာတာမျိုးမဟုတ်ပါဘူး။ ရထားပေါ်မှာခရီးသွားဟန်လွဲစကားပြောမိတာမျိုး၊ လူတွေရှုပ်ထွေးနေတဲ့ကုန်တိုက်ထဲမှာ လက်အိတ်လေးတစုံကို ၂ယောက်သားမျက်စိကျမိတာမျိုး၊ ပါတီပွဲတခုမှာအကြည့်ချင်းစုံမိတာမျိုး စတဲ့မတော်တဆတွေ့ဆုံမှုလေးတခုကနေလည်း ဖြစ်လာနိုင်ပါတယ်။ ချစ်သူများနေ့မှာကိုယ့်ချစ်သူနဲ့အတူ Netflix and Chill ကြမယ့်စုံတွဲတွေအတွက် ကံကြမ္မာရဲ့ဖေးမမှုကြောင့်မတော်တဆဖြစ်တည်လာတဲ့ အချစ်ကားလေးတွေအကြောင်းပြောပြချင်ပါတယ်။

Serendipity

ခရစ္စမတ်ကာလဈေးဝယ်စင်တာကြီးတခုထဲမှာ လူတွေပျားပန်းခတ်ရှုပ်ထွေးနေတယ်။ ရွေးချယ်စရာတွေအများကြီးထဲမှာမှ တစုံပဲကျန်တော့တဲ့လက်အိတ်အမဲလေး။ အဲ့ဒီလက်အိတ်လေးကိုမှတပြိုင်နက်မျက်စိကျမိတဲ့လူနှစ်ယောက်။ သူတို့နှစ်ယောက်ကဆိုင်သူကိုယ်စီရှိပြီးသားပေမယ့် ရှေးရေစက်လို့ပဲပြောရမလားမသိ၊ မြင်မြင်ချင်းသဘောကျမိကြတယ်။ ကံတရားကိုယုံကြည်တဲ့ Sara ဟာသူ့နာမည်အပြည့်အစုံနဲ့ဖုန်းနံပါတ်ကို စာအုပ်အဟောင်းတန်းတခုက Love in the Time of Cholera စာအုပ်ရှေ့ဆုံးစာမျက်နှာမှာရေးပြီး Jonathan ကိုတော့ ၅ဒေါ်လာတန်ငွေစက္ကူပေါ်မှာသူ့နာမည်နဲ့ဖုန်းနံပါတ်ကိုရေးခိုင်းတယ်။ အဲ့ဒီစာအုပ်ကိုနောက်နေ့မှာရောင်းဖို့ထားလိုက်ပြီး ၅ဒေါ်လာငွေစက္ကူကိုတော့ဆိုင်တဆိုင်မှာမုန့်ဝယ်ဖို့သုံးလိုက်တယ်။ Sara ဟာသူတို့နှစ်ယောက်သာဖူးစာပါခဲ့ရင် တယောက်ယောက်ကရှာတွေ့မှာပဲဆိုပြီးကံတရားနဲ့လောင်းကြေးထပ်တယ်။ ပြီးတော့နာမည်တောင်မပြောကြဘဲလမ်းခွဲလိုက်ကြတယ်။ သူတို့နှစ်ယောက်ပြန်တွေ့နိုင်ပါ့မလား။

I Origins

PhD ကျောင်းသား Ian ဟာကံကြမ္မာတို့ ဖန်ဆင်းရှင်တို့ကိုမယုံကြည်သူဖြစ်ပါတယ်။ သူဟာသက်ရှိတွေရဲ့မျက်လုံးတွေကိုသုတေသနပြုရင်း ဖန်ဆင်းရှင်ရဲ့တန်ခိုးမပါလည်း သက်ရှိတွေကိုစက္ခုအာရုံပေးနိုင်တယ်ဆိုတာသက်သေပြဖို့ကြိုးစားနေတယ်။ Halloween Party တခုမှာမျက်နှာဖုံးအနက်ရောင်တပ်ထားတဲ့ ကောင်မလေးတယောက်ကိုတွေ့မိတယ်။ သူတို့နှစ်ယောက်ဟာတညတာချစ်ဇာတ်လမ်းလေးခင်းမိကြပေမယ့် ကောင်မလေးဟာဘာမှမပြောဘဲသူ့ကိုစွန့်သွားခဲ့တယ်။ ကောင်မလေးရဲ့မျက်နှာကိုမမြင်ဖူးပေမယ့် သူမရဲ့စိမ်းညို့နေတဲ့မျက်ဝန်းတွေကိုတော့ Ian မမေ့နိုင်တော့ဘူး။ တနေ့ billboard တခုပေါ်မှာစိမ်းညို့တဲ့မျက်ဝန်းတစုံကိုတွေ့မိတော့ Ian တယောက်အဲ့ဒီမျက်ဝန်းပိုင်ရှင်ကိုရှာဖို့ကြိုးစားပါတော့တယ်။

In Your Eyes

New Hampshire မှာနေတဲ့ Rebecca ဟာနှင်းလျှောစီးဖို့လုပ်နေတုန်း New Mexico မှာနေတဲ့ Dylan ဟာစာသင်ခန်းထဲမှာထိုင်နေတယ်။ ရုတ်တရတ် Dylan အနေနဲ့ Rebecca မြင်နေရတဲ့မြင်ကွင်းတွေအားလုံးကိုမြင်လာရပြီး Rebecca ခံစားရသလိုခံစားလာရတယ်။ နှင်းလျှောစီးရင်းမတော်တဆဖြစ်လို့သစ်ပင်ကိုတိုက်မိပြီး Rebecca သတိမေ့သွားတော့ Dylan လည်းမေ့သွားခဲ့တယ်။

နှစ် ၂၀လောက်ကြာတော့ Rebecca ဟာဆရာဝန်တဦးနဲ့အိမ်ထောင်ကျပြီး Dylan ကတော့ထောင်ထွက်တယောက်အဖြစ်ဘ၀ကိုဖြတ်သန်းနေတယ်။ တနေ့ Dylan ဘားမှာရန်ဖြစ်တော့ Dylan တွေ့ကြုံခံစားရသမျှကို Rebecca ခံစားရပြီး Dylan အရိုက်ခံရလို့ကြမ်းပြင်ပေါ်လဲကျသွားတဲ့အခါ Rebecca လည်းလဲကျသွားခဲ့တယ်။

အဲ့ဒီနောက်မှာတော့သူတို့နှစ်ယောက်ဟာစိတ်ချင်းဆက်သွယ်နေတာသတိထားမိပြီး အသံကျယ်ကျယ်စကားပြောရင် တယောက်ပြောတာတယောက်ကြားနိုင်လာတယ်။ သူတို့ပတ်ဝန်းကျင်ကအဖြစ်အပျက်တွေကိုတယောက်နဲ့တယောက်မျှဝေရင်း သူတို့နှစ်ယောက်ရဲ့ထူးခြားတဲ့ဆက်နွယ်မှုနောက်ကွယ်ကအကြောင်းရင်းကိုရှာကြည့်ကြတဲ့အခါမှာတော့…

Before Sunrise

Vienna ကိုသွားတဲ့မီးရထားပေါ်မှာ အမှတ်တမဲ့တွေ့ပြီးစကားလက်ဆုံကျခဲ့တဲ့ Jesse နဲ့ Celine တို့နှစ်ယောက်ဟာ ဘ၀အကြောင်း၊ ကမ္ဘာကြီးအကြောင်း၊ သူတို့ရဲ့အတွေးအခေါ်အယူအဆတွေအကြောင်း ပြောကြရင်း ရင်းနှီးသွားခဲ့တယ်။ နေမထွက်ခင်ဌာနေပြန်ကြရတော့မယ့်သူတို့နှစ်ယောက်ဟာ လိပ်စာတွေဖုန်းနံပါတ်တွေဖလှယ်ခြင်းမပြုဘဲ နောက် ၆လနေရင်သူတို့အတူဆင်းခဲ့တဲ့ဘူတာရုံမှာပဲပြန်တွေ့ကြဖို့ ကတိထားပြီးလမ်းခွဲလိုက်ကြတယ်။ အင်မတန်ရိုးရှင်းတဲ့ဇာတ်လမ်းဖြစ်ပေမယ့် သူတို့နှစ်ယောက်ရဲ့စကားဝိုင်းဟာသွက်လက်ပြီး လေးနက်တဲ့အတွေးတွေနဲ့ပြည့်နေတယ်။ Before Sunrise, Before Sunset, Before Midnight ဆိုပြီး ၉နှစ်စီခြားတဲ့ရုပ်ရှင် ၃ကားရှိတာမို့ ၃ကားလုံးကြည့်ကြည့်ဖို့တိုက်တွန်းချင်ပါတယ်။

The Big Sick

ဟာသပညာရှင် Kumail Nanjiani နဲ့သူ့အမျိုးသမီး Emily တို့ရဲ့အချစ်ဇာတ်လမ်းကိုအခြေခံထားတဲ့ဒီရုပ်ရှင်ဟာ ဘားတခုမှာ stand-up comedy show လုပ်နေတဲ့ Kumail တယောက် Emily နဲ့မတော်တဆတွေ့ခဲ့ရာကနေ စတင်တယ်။ တညတာအချစ်ဇာတ်လမ်းလို့ထင်ထားကြပေမယ့် သူတို့နှစ်ယောက်ဟာသံယောဇဉ်တွယ်သွားခဲ့တယ်။ ပါကစ္စတန်ကပြောင်းလာတဲ့မွတ်ဆလင်ဘာသာဝင်ဖြစ်တဲ့ Kumail ရဲ့မိသားစုဟာထုံးတမ်းစဉ်လာတွေကြားမှာပိတ်မိနေသူတွေ၊ Emily ကတော့အမေရိကန်နိုင်ငံသူပီပီ ပေါ့ပါးလွတ်လပ်သူ။ ဒီလိုအစွန်းနှစ်ဘက်ကချစ်သူနှစ်ယောက်အခက်အခဲတွေကြားကနေ ရုန်းကန်ခဲ့ရပုံအကြောင်းကြည့်ရပါလိမ့်မယ်။ တခါတလေလက်တွေ့ဘ၀ကအချစ်ဇာတ်လမ်းတွေဟာ စိတ်ကူးယဉ်ဇာတ်လမ်းတွေထက်ရင်ခုန်စရာကောင်းတယ်ဆိုတာ ဒီရုပ်ရှင်ကသက်သေပါပဲ။

A Moment to Remember

Su-jin ဆိုတဲ့သူဌေးသမီးလေးဟာသူ့ချစ်သူနဲ့အဆင်မပြေဖြစ်လို့ပြတ်စဲပြီးနောက် convenience store တခုမှာအရပ်မြင့်မြင့်ရုပ်ချောချောအမျိုးသားတယောက်နဲ့မတော်တဆ၀င်တိုက်မိခဲ့တယ်။ အမှတ်တမဲ့ပဲသဘောထားခဲ့မိပေမယ့် တနေ့မှာတော့သူမဖခင်ပိုင်ဆိုင်တဲ့ဆောက်လုပ်ရေးလုပ်ငန်းခွင် ကိုလျှောက်ကြည့်ရင်း သူမနဲ့မတော်တဆတွေ့ခဲ့တဲ့အမျိုးသားဟာဖိုမင်အဖြစ်လုပ်ကိုင်နေတာကိုတွေ့ခဲ့ရတယ်။ နောက်ပိုင်းသူတို့နှစ်ယောက်ချစ်သူတွေဖြစ်သွားပြီးလက်ထပ်လိုက်ကြတယ်။ သူတို့အိမ်ထောင်ရေးဘ၀ဟာအစစအရာရာပြီးပြည့်စုံပြီးပျော်ရွှင်စရာကောင်းပေမယ့် Su-jin ဟာတနေ့ထက်တနေ့သတိမေ့တတ်လာတာကိုသတိထားမိလာတယ်။ သူမမှာအယ်ဇိုင်းမားရောဂါစဖြစ်နေပြီဆိုတာကိုသိသွားတဲ့နောက်မှာတော့ ချစ်သူနှစ်ယောက်ဒီရောဂါကိုဘယ်လိုရင်ဆိုင်ကြမလဲ…။

Hello Stranger

တောင်ကိုရီးယားကိုသွားလည်ကြတဲ့ထိုင်းလူမျိုးကောင်လေးနဲ့ကောင်မလေးဟာ Seoul မှာအမှတ်တမဲ့တွေ့မိကြတယ်။ ကောင်မလေးဟာတောင်ကိုရီးယားကိုတယောက်တည်းထွက်လာခဲ့တာပါ။ သူ့ကိုထိန်းချုပ်လွန်းတဲ့ရည်းစားကိုတော့ သူငယ်ချင်းနဲ့သွားမှာလို့လိမ်ခဲ့တယ်။ ကောင်လေးကျပြန်တော့ဂျစ်ကန်ကန်နိုင်ပြီးသူ့ tour အဖွဲ့နဲ့အဆင်မပြေဘူး။ သူတို့နှစ်ယောက်ဟာတယောက်နာမည်အမှန်ကိုတယောက်မပြောဘဲ Dang နဲ့ May ဆိုပြီးနာမည်ဝှက်ကိုသာသုံးကြတယ်။ May ရဲ့လိမ်ညာမှုကိုသူ့ရည်းစားသိသွားတဲ့အခါမှာတော့ နှစ်ယောက်သားဖုန်းနဲ့ရန်ဖြစ်ပြီးပြတ်စဲသွားကြတယ်။ အဲ့ဒီနောက်မှာတော့ May ဟာသူ့သူငယ်ချင်းမင်္ဂလာဆောင်ကိုအတူတူသွားဖို့ Dang ကိုအကူအညီတောင်းတယ်။ Dang ကလည်းအတိတ်ကအချစ်ရေးအဆင်မပြေခဲ့လို့ ထပ်ချစ်ရမှာကြောက်နေသူ။ အမှတ်မထင်ရင်းနှီးသွားရာကနေသံယောဇဉ်တွယ်လာတဲ့သူတို့နှစ်ယောက်ပျော်ရွှင်ဖွယ်အဆုံးသတ်နိုင်ပါ့မလား။ ဒီအချစ်ဟာသဇာတ်မြူးကားလေးမှာ တောင်ကိုရီးယားရုပ်ရှင်တွေထဲကနာမည်ကျော်နေရာဒေသတွေကိုလည်း တွေ့နိုင်ပါတယ်။