ပြန်​လည်​ဦး​မော့လာ​သော အ​မေ့ခံ​ကပ်​ရောဂါ သို့မဟုတ်​ ဝက်​သက်​​

By Dr Htun Win Lin

တော်​​တော်​များများ သိလိုက်​ကြမည်​ထင်​ပါသည်​။ ၂၀၁၉ နှစ်​သစ်​မှစပြီး ၂လဆက်​တိုက်​နီးပါး ကပ်​​ရောဂါငယ်​တစ်​ခု ဖြစ်​ပွားခဲ့သည်​။ ​တော်​​တော်​များများက အ​ရေးမကြီးဟုထင်​ခဲ့​သော်​လည်း ဒီ​ရောဂါကတစ်​နှစ်​တစ်​ခါ​ပေါ်ထွက်​လာမြဲ ခြိမ်း​ခြောက်​မြဲ သတိမမူမိသူတို့၏ အသက်​ဝိညာဉ်​တို့ကို နှုတ်​ယူခဲ့မြဲ​။
ထိုရောဂါမှာဝက်​သက်​​ရောဂါဖြစ်သည်​။

၂၀၁၉ နှစ်​ဦးပိုင်း ဇန်​နဝါရီလ မှစပြီး တစ်​ကမ္ဘာလုံးနီးပါးကပ်​​ရောဂါသဖွယ်​ဖြစ်​ပွားခဲ့​သော ဝက်​သက်​​ရောဂါသည်​ အ​ရှေ့​တောင်​အာရှအပါအဝင်​ မြန်​မာနိုင်​ငံတွင်​လည်း ဖြစ်​ပွားခဲ့သည်​။ ကြိုတင်​ကာကွယ်​သူတို့ သက်​သာရာ ရကြ​သော်​လည်း အများစုမှာ မသိ၍​သော်လည်း​ကောင်း၊ သတိမပြုမိ၍​သော်​လည်း​ကောင်း ​ဝမ်းနည်းဖွယ်​အဖြစ်​နှင့်​ကြုံ​တွေ့ခဲ့ရသည်​။ ဒီလို​ရောဂါကဘာ​ကြောင့်​ဖြစ်​သလဲ ဘယ်​လို​တွေကာကွယ်​နိုင်​သလဲ ဖြစ်​ပွားခဲ့လျှင်မည်​သို့ ကုသနိုင်​မည်​လဲ ​မေးစရာများရှိပါသည်​။

အ​ဖြေကလူတိုင်းသိပြီးသားအ​ဖြေများဖြစ်​​သော်​လည်း အများစုမှာအ​ကြောင်းအမျိုးမျိုး​ကြောင့်​မလိုက်​နာကြပါ။ ဘယ်​သူမပြု မိမိမှုသာဖြစ်​သည်​။

ကူးစက်​ပုံနှင့်​ ​ရောဂါအ​ကြောင်း

ဝက်​သက်​​ရောဂါသည်​ Measles ဗိုင်းရပ်​စ်​ ပိုးတစ်​မျိုးကြောင့်​ဖြစ်​ပွား​သော​ရောဂါဖြစ်​ပြီး ကာကွယ်​​ဆေးမထိုး​ထား​သောသူ အသက်​အရွယ်​မ​ရွေး၊ ကျားမ မ​ရွေး၊ အသက်​ရှူလမ်း​ကြောင်းမှ တစ်ဆင့်​ကူးစက်​နိုင်​​သော​ရောဂါဖြစ်​သည်​။

ရောဂါဖြစ်​ပွား​နေသူ ​ချောင်းဆိုးနှာ​ချေခြင်းဖြင့်​ဖြစ်​​စေ၊ ထိုသူ၏အ​ညစ်အ​​ကြေး သလိပ်​စသည်​တို့ကို တိုက်ရိုက်​ ကိုင်​တွယ်​မိသည်​ကဖြစ်​​စေ၊ ထိုသူနှင့်​အတူ ​နေထိုင်​သူများကာကွယ်​​ဆေးမထိုးထားလျှင်​ တစ်​ဦးမှတစ်​ဦးလျှင်​မြန်​စွာ ကူးစက်​နိုင်​ပါသည်​။

ရောဂါသည်​ အနီစက်​များကိုယ်​တွင်​မထွက်​​ပေါ်မီ ၄ရက်​နှင့်​ ထွက်​​ပေါ်ပြီး ၄ ရက်​အတွင်းကူးစက်​နိုင်​​ခြေအများဆုံး ဖြစ်​သည်​။

ရောဂါလက္ခဏာများ

ကနဦးတွင်​ အဖျားကြီးပြီး နှာ​စေး​ချောင်းဆိုးခြင်း၊ ​ခေါင်းကိုက်​ခြင်း၊ မအီမသာဖြစ်​ခြင်း၊ မျက်​စိနီပြီး မျက်​ရည်​ပူများ ကျခြင်း ဖြစ်​ပွားပြီး မကြာမီတွင်​ ပါး​စောင်​တွင်​ အဖြူစက်​​လေးများ​ပေါ်လာတတ်​သည်​။
ကနဦးစတင်​ဖြစ်​ပွားပြီး ၃ ရက်​မှ ၅ရက်​အကြာတွင်​ အနီစက်​က​လေးများ၊ အနီပြင်​များ စတင်​​ပေါ်​ပေါက်​လာပြီး တစ်​ကိုယ်​လုံးပျံ့နှံ့သွားသည်​။ အနီစက်​များ ​ပေါ်လာပြီး ၅ ရက်​မှ ၆ရက်​အကြာတွင်​ အနီစက်​များ အ​ရောင်​​ဖျော့၍ ​ပျောက်​သွားတတ်​ပါသည်​။ တစ်ခါတစ်​ရံ ပြင်းထန်​ပါက ဗီတာမင်​ဓာတ်​ချို့တဲ့ကာဝမ်းပျက်​ဝမ်း​လျှောခြင်း၊ မျက်​ခမ်းစပ်​​ရောင်​ရမ်းခြင်း၊ အသက်​ရှူကျပ်​ခြင်းတို့ ဖြစ်​ပွားတတ်​သည်​။

သို့​သော်​ ထိုသို့​ပျောက်​ကင်းသွားခြင်းမှာ ဖြစ်​ပွားသူ၏ မူလကိုယ်​ခံအားစနစ်​အ​ပေါ်များစွာမူတည်​ပါသည်​။ အားနည်းသူသက်​ကြီးရွယ်​အိုများ၊ ကာကွယ်​​ဆေးမထိုးထား​သောက​လေးသူငယ်​များ၊ ​ရောဂါအခံ​ကြောင့်​ဖြစ်​​စေ၊ အာဟာရချို့တဲ့၍ဖြစ်​​စေ ကိုယ်​ခံအားကျဆင်း​နေ​သောလူလတ်​ပိုင်းများ၊ လူငယ်​များတွင်​ထိုသို့​ပျောက်​ကင်းသွားခြင်း မရှိဘဲဝက်​သက်​​ရောဂါ၏ ​နောက်​ဆက်တွဲဆိုးကျိုးများကိုခံစားရနိုင်​ပါသည်​။

ရောဂါ၏ ​နောက်​ဆက်​တွဲဆိုးကျိုးများ

• ပြင်းထန်​အဆုတ်​​ရောင်​​ရောဂါဖြစ်​ခြင်း
• ​ရေဓာတ်​ဆုံးရှုံးမှုပြင်းထန်​သည်​အထိဝမ်းပျက်​ဝမ်း​လျှောခြင်း
• နားအလယ်​ခန်း​ရောင်​ခြင်း
• အမြင်​အာရုံဆုံးရှုံးခြင်း
• ပြင်းထန်​​သောဦး​နှောက်​​ရောင်​​ရောဂါဖြစ်​ခြင်း တို့​မှ အသက်​ဆုံးရှုံးသည်​အထိဖြစ်​နိုင်​ပါသည်။

ထိ​ရောက်​​သောကုသခြင်းများ

• အရည်​များများတိုက်​ပါ
• ​ကောင်းစွာ အိပ်​စက်​ အနားယူပါ
• လတ်​ဆတ်​​သော အစားအစာဝင်​နိုင်​သမျှ ​ကျွေးပါ
• ဗီတာမင်​ ​ဆေးများထပ်​မံတိုက်​​ကျွေးပါ
• အခြားသူများ မကူးစက်​​စေရန်​ သီးသန့်​​နေထိုင်​ပါ
• ​ပြင်းထန်​​ရောဂါလက္ခဏာ စတင်​​ပေါ်​ပေါက်​သည်​နှင့်​ ​ဆေးရုံ​တွင်​အမြန်​ဆုံးကုသမှုခံယူပါ

ထိ​ရောက်​​သော ကာကွယ်​နည်းများ

(၁) ဝက်​သက်​ကာကွယ်​​ဆေး ထိုးနှံပါ။
က​လေးငယ်​များ
ပထမအကြိမ်​ – အသက်​၉လ
ဒုတိယအကြိမ် ​- အသက်​ ၁၈လ (၁နှစ်​ခွဲ) တွင်​ထိုးရန်​သတိပြုပါ။
(၂) လူထူ​သော​နေရာများတွင်​ လက်​ကိုင်​ပုဝါ မျက်​နှာအုပ်​ဖုံး စသည်​တို့ဖြင့်​ ဝတ်​ဆင်​ပြီး ကာကွယ်​ပါ။
(၃) လက်​ကိုဆပ်​ပြာဖြင့်​မကြာခဏ​ဆေးပါ။
(၄) ဗီတာမင်​ကြွယ်​ဝ​သော၊ အာဟာရ ပြည့်​ဝ​သောအစားအ​သောက်​များစားပါ။
(၅) ​ရေများများ​သောက်​ပါ။
(၆) လုံ​လောက်​စွာ အိပ်​စက်​အနားယူပါ။

ကြိုတင်​ကာကွယ်​ခြင်းသည်​ ကုသခြင်းထက်​များစွာထိ​ရောက်​ပါသည်​။ မိမိတို့ဘက်​မှလက်​ဦးမှုယူရန်​သာလိုအပ်ပါသည်​။

ကာကွယ်​​ဆေးနှင့်​ပတ်​သက်​၍

ယ​နေ့​ခေတ်​တွင် ပွင့်​လင်းမြင်​သာမှု၊ ​ကောင်းမွန်​​သောဆက်​သွယ်​​ရေးစနစ်​များ ရှိလာ​သော်​လည်း မှန်​ကန်​​သောသတင်း အချက်​အလက်​များကို ရှာ​ဖွေမှု အားနည်းသည်​ကို​တွေ့မြင်​ရပါသည်​။ ထိုအတွက်​​ကြောင့်​လည်း ကာကွယ်​​ဆေးနှင့်​ပတ်​က်​၍ လွဲမှား​သောအသိအမြင်​များ ရှိ​နေ​သေးသည်​ကို ဝမ်းနည်းစွာ မြင်​​တွေ့ရပါသည်​။

မိမိက​လေးကာကွယ်​​ဆေးထိုးရင်း အဆင်​မသင့်​လျှင်​ ပိုလီယို​ရောဂါ ဖြစ်​တတ်​သည်​၊ ​အော်​တစ်​ဇင်​ရောဂါ ဖြစ်​တတ်​သည်​ စသည်​ဖြင့်​ လွဲမှားစွာယူဆမိ​ပြီးကာကွယ်​​ဆေးမထိုးသည့်​အတွက်​ ​ရောဂါခံစားရပြီးတိမ်းပါးသွားရသည့်​ က​လေးငယ်​များကို စိတ်​မ​ကောင်းစွာကြုံ​တွေ့ဖူးပါသည်​။ မိဘများကို ထိုသို့အမြင်မမှားစေလိုပါ။ ကာကွယ်​​ဆေးထိုးပြီးလျှင်​ အနည်းငယ်​ဖျားတတ်​သည်​မှာပုံမှန်​ဖြစ်​ပါသည်​။ လူကြီးပင်​လျှင်​ဖျားတတ်​​သော်​လည်း
ကာကွယ်​​ဆေးတိုင်းမဖြစ်​ပါ။ သို့​သော်​စိုးရိမ်​စရာ အ​ခြေအ​နေမျိုးမရှိပါ။ အကြိမ်​​ရေပြည့်​​အောင်​ထိုးသင့်​ပါသည်​။ ထို့​ကြောင့်​ ကာကွယ်​​ဆေးထိုးသင့်​​သောအချိန်​တွင်​ထိုးပြီး ကာကွယ်​ထားရပါမည်​။

ကာကွယ်​​ဆေး မထိုးသင့်​​သော လူနာများ

• ယခင်​ကကာကွယ်​​ဆေးတစ်​မျိုးမျိုးနှင့်​ ပြင်းထန်​စွာဓာတ်​မတည့်​ခြင်းဖြစ်​ဖူးသူများ
• ကိုယ်​ဝန်​​ဆောင်​မိခင်​များ
• ​ရောဂါအခံကြောင့်​ ခုခံအားအလွန်​အမင်းကျဆင်း​နေသူများ

ထိုသူများအ​နေဖြင့်​ ​ဖော်​ပြခဲ့​သောကာကွယ်​နည်းများဖြင့်​သာသတိပြုကာကွယ်​ရပါမည်​။

နောက်​ဆုံးအ​နေနှင့်​ ပြည်​သူများအားလုံးမိမိတို့ လက်​လှမ်းမီရာ ကျန်းမာ​ရေးအသိဖြန့်​​ဝေ​သောစာများဖတ်​ခြင်း၊ မှန်​ကန်​​သောအချက်​အလက်​များကိုရှာ​ဖွေလေ့လာခြင်းဖြင့်​ ထိ​ရောက်​​စွာကြိုတင်ကာကွယ်နိုင်ပြီး ၀က်သက်ရောဂါနှင့် ​နောက်​ထပ်​ကြုံ​တွေ့နိုင်​သည့်​​ရောဂါများကို ​ကျော်​လွှားနိုင်​ပါစေရန်ဆု​တောင်းလိုက်ပါသည်။

(ဒေါက်တာထွန်းဝင်းလင်းသည် CBL Chemo Centre ၌အလုပ်လုပ်နေသောဆရာဝန်တဦးဖြစ်ပြီး ဤဆောင်းပါးအားမေတ္တာဖြင့်ကူညီရေးသားပေးသူဖြစ်ပါသည်။)