By Nay Thiha
ကော်ရည်ခေါက်ဆွဲဆိုတာတရုတ်အစားအစာရောင်းတဲ့ဆိုင်တွေမှာ အရန်အစားအစာအနေနဲ့သာရှိခဲ့တာပါ။ တရုတ်ပြည်ဖူကျန့်ပြည်နယ်နဲ့ ထိုင်ဝမ်တို့မှာမြတ်မြတ်နိုးနိုးစားကြတဲ့ခေါက်ဆွဲဖြစ်ပေမယ့် မြန်မာနိုင်ငံမှာတော့ ကြေးအိုး ခေါက်ဆွဲကြော်တို့လောက်လူကြိုက်မများသေးပါဘူး။
ဒါပေမယ့်ဒီနှစ်မှာတော့မြန်မာ့အစားအသောက်ရပ်ဝန်းမှာကော်ရည်ခေါက်ဆွဲဟာ လူစိတ်ဝင်စားမှုရလာတယ်။ MYANMORE Awards 2019 မှာစွန့်ဦးတီထွင်လုပ်ငန်းရှင်မမြတ်ဖူးဝေရဲ့ NooDi ကော်ရည်ခေါက်ဆွဲဆိုင်ဟာလည်း KBZ Entrepreneur of the Year ဆုရရှိခဲ့ပါတယ်။
ဆိုင်ဖွင့်တာတနှစ်ကျော်လောက်ပဲရှိသေးပေမယ့်ဒီလိုလူကြိုက်နည်းတဲ့အစားအသောက်တခုကို လူအများသတိထားမိလာအောင်ချက်ပြုတ်ရောင်းချနိုင်ခဲ့တဲ့ မမြတ်ဖူးဝေရဲ့ဆိုင်လေးကိုသွားပြီး အစားအသောက်တွေကိုမြည်းစမ်းကြည့်ခဲ့ပါတယ်။
ပထမဆုံးဆိုင်ရဲ့အဓိကဇာတ်လိုက်ဖြစ်တဲ့ကော်ရည်ခေါက်ဆွဲကိုဝက်အူပေါင်းနဲ့မှာလိုက်တယ်။ ကော်ရည်ခေါက်ဆွဲကိုပုံမှန်အားဖြင့်ငရုတ်ဆီ၊ ဂေါ်ဖီတို့နဲ့ပြင်ဆင်ထားတဲ့အချဉ်နဲ့တွဲဖက်စားသုံးလေ့ရှိပေမယ့် NooDi မှာတော့ငါးပိထောင်းစပ်စပ်လေးနဲ့တွဲပေးပါတယ်။ ငါးပိမကြိုက်တဲ့ကျနော်တောင် ကော်ရည်ခေါက်ဆွဲကိုငါးပိထောင်းနဲ့စားတာအလိုက်ဖက်ဆုံးပဲလို့သတိထားမိသွားတယ်။ ဒါကလည်းကော်ရည်ခေါက်ဆွဲရဲ့အရသာဟာသူ့အတိုင်းဆိုချိုအီပြီးအငံပေါ့တဲ့အတွက် လေးလေးပင်ပင်နဲ့ပူစပ်တဲ့အရသာကိုကြိုက်တဲ့မြန်မာလူမျိုးတွေရဲ့လျှာဟာ ငါးပိထောင်းနဲ့တွဲစားမှအဆင်ပြေတဲ့သဘောပဲလို့ထင်ပါတယ်။ ငါးပိမကြိုက်ဘူး၊ ကော်ရည်လည်းမကြိုက်ဘူးဆိုရင်တော့ ကြက်ပေါင်းရည်နဲ့မှာလို့ရသလို အသုပ်အနေနဲ့လည်းမှာလို့ရပါတယ်။
ဝက်အူပေါင်းကနူးအိတယ်။ ဒါပေမယ့်ဗိုက်ပြည့်အောင်စားချင်ရင်တော့ကြက်ပေါင်၊ အသားလုံးကြော်တို့လို topping တွေကိုရွေးချယ်ပါ။ Topping ၁၀မျိုးလောက်ရှိတဲ့အတွက်ရွေးချယ်စရာတော့များပါတယ်။
ကျနော့်မိတ်ဆွေကတော့ ကော်ရည်စင်းကောထမင်းကိုကြက်သားနဲ့မှာလိုက်တယ်။ ကြက်သားစင်းကောတွေဖြူးထားပြီး ကြက်ဥမွှေကြော်တလုံး၊ အသားလုံး ၂လုံးပါတဲ့ဒီထမင်းပွဲဟာ တော်တော်များပါတယ်။ ထမင်းပေါင်းလိုကော်ရည်တွေနဲ့ချွဲပျစ်လုံးထွေးနေတာမျိုးမဟုတ်ဘဲ ထမင်းသက်သက် ကော်ရည်သက်သက်ပြင်ထားတာကိုသဘောကျတယ်။ Menu မှာ အင်္ဂလိပ်လို sticky rice လို့ရေးထားပေမယ့် ကောက်ညှင်းမဟုတ်ဘဲ ပုံမှန်ထမင်းပါပဲ။ သူလည်းပဲအချဉ်နဲ့စားတာထက် ငါးပိထောင်းနဲ့စားရတာပိုကောင်းပါတယ်။ စွပ်ပြုတ်တခွက်လည်းပါပါသေးတယ်။
ဖျော်ရည်အနေနဲ့ကတော့ချဉ်ပြုံးပြုံးအရသာနဲ့အအီပြေတဲ့ ရှောက်ပျားပင်ပွားကိုညွှန်းချင်ပါတယ်။ NooDi Signature Iced Coffee ကတော့ပုံမှန်ကော်ဖီအေးတွေလိုပါပဲ။
ဆိုင်ပိုင်ရှင်မမြတ်ဖူးဝေနဲ့စကားပြောကြည့်တော့ KBZ Entrepreneur ဆုရအပြီးမှာ menu တွေတိုးချဲ့ပြီး ဆိုင်ကြီးကြီးနဲ့ဖွင့်ဖို့စီစဉ်နေကြောင်းသိရပါတယ်။ ပြီးတော့ NooDi လိုမျိုးလိုက်ရောင်းမယ့် copycat တွေကိုဘယ်လိုရင်ဆိုင်မလဲဆိုတာကိုလည်းစဉ်းစားကြောင်းပြောပါတယ်။
အချက်အပြုတ်ဝါသနာပါတဲ့မမြတ်ဖူးဝေဟာအဒေါ်ဖြစ်သူရဲ့အလှူမှာငါးပိထောင်းနဲ့တွဲဖက်ထားတဲ့ကော်ရည်ခေါက်ဆွဲကိုစားမိပြီးတဲ့နောက် အချဉ်နဲ့စားတာထက်စာရင်ငါးပိထောင်းနဲ့စားတာက မြန်မာပါးစပ်နဲ့ပိုလိုက်ဖက် ကြောင်းသတိထားခဲ့မိပါတယ်။ အိမ်မှာကော်ရည်ခေါက်ဆွဲပုံစံအမျိုးမျိုးစမ်းသပ်ချက်ပြုတ်ကြည့်ပြီး မိသားစုဝင်တွေ မိတ်ဆွေသူငယ်ချင်းတွေကိုကျွေးကြည့်ရာကနေ စိတ်တိုင်းကျအနေအထားတခုရောက်တဲ့အခါမှာ NooDi ကိုစတင်ခဲ့တာပါ။ ကော်ရည်ခေါက်ဆွဲမကြိုက်တဲ့သူတွေအတွက်လည်းရွေးချယ်စရာအဖြစ် အသုပ်၊ ဖက်ထုပ်ကြော်တို့လို စားစရာတွေရှိပါသေးတယ်။ ဈေးနှုန်းတွေကကျပ် ၂၀၀၀-၃၀၀၀ ၀န်းကျင်သာရှိတဲ့အတွက် စားပျော်တယ်လို့ဆိုရမယ်။ ကော်ရည်ခေါက်ဆွဲကြိုက်ကြိုက်မကြိုက်ကြိုက် KBZ Entrepreneur ဆုရှင်တယောက်ရဲ့ဆိုင်ဖြစ်တဲ့အတွက် စမ်းသပ်စားသောက်ကြည့်လို့မမှားပါဘူးခင်ဗျား။
လိပ်စာ – အမှတ် ၄၄၊ အင်းစိန်လမ်း၊ ကြည့်မြင်တိုင်မြို့နယ်၊ ရန်ကုန်။
ဖုန်းနံပါတ် – 09 45416 6310
ဆိုင်ဖွင့်ချိန် – မနက် ၉နာရီမှ ည ၉နာရီ
