By Nay Thiha
တပေါင်းလထဲရောက်လာတာနဲ့အမျှရာသီဥတုကသိသိသာသာပူလာပါပြီ။ ဒီလိုအချိန်တွေမှာ တကျိုက်လောက်သောက်လိုက်တာနဲ့ အေးမြလန်းဆန်းသွားစေမယ့် အအေးကောင်းကောင်းလေးတွေတောင့်တမိစမြဲပါ။
မြန်မာပလာဇာမှာသူငယ်ချင်းတွေနဲ့ဈေးဝယ်ထွက်တုန်း ၃လွှာမှာဖွင့်လှစ်ထားတဲ့ The Lafes (လာဖေးစ်) Coffee & Tea ဆီရောက်ဖြစ်ခဲ့တယ်။ ပထမဆုံးကျနော့်ကိုဆွဲဆောင်တာကတော့ဆိုင်မှာချိတ်ထားတဲ့ သစ်သီးစုံဖျော်ရည်ခွက်လေးပါပဲ။ Tropical Tea လို့ခေါ်တဲ့အဲ့ဒီဖျော်ရည်ကိုမှာလိုက်ပြီးရောက်လာတော့ ပုံထဲကထက်တောင်ကြည့်လို့ကောင်းနေတာတွေ့ရတယ်ဗျ။ လိုင်ချီးသီးလေးကိုအလယ်မှာတည်ပြီး ဘေးကပန်းသီး၊ နာနတ်သီး၊ ဆန်းကစ်သီးနဲ့ ဖရဲသီးစိတ်လေးတွေရံထားတော့ မျက်စိပသာဒတော်တော်ဖြစ်ပါတယ်။ Oolong tea ကိုအခြေခံထားပြီး လိုင်ချီးသီးအရည်လေးစွက်ထားတော့ အနံ့ကသင်းပြီးခံတွင်းရှင်းတယ်။
ကျနော့်သူငယ်ချင်း ၃ယောက်ကတော့ Popcorn Cappuccino, Blueberry Cookie Smoothie နဲ့ Peach Tea တို့မှာလိုက်တယ်။ ဒီ ၃မျိုးဟာ menu ထဲမှာကြည့်ရင် အပြင်အဆင်အရဆွဲဆောင်မှုရှိသလို ပါဝင်ပစ္စည်းတွေကလည်းသောက်ဖူးနေကျအအေးတွေနဲ့ကွဲထွက်နေပါတယ်။
Blueberry Cookie Smoothie ကတော့ yoghurt powder နဲ့ blueberry powder တို့နဲ့ဖျော်ထားတဲ့ ချိုချိုချဉ်ချဉ်နို့အရသာလေးရတယ်။ ထူးဆန်းတာက Oreo ချောကလက်ကွတ်ကီးကိုအမှုန့်ကြိတ်ပြီး အပေါ်ကဖြူးထားတာပါ။ (အကြံပြုချက် – စစချင်းအအေးသက်သက် ကွတ်ကီးသက်သက်စားပြီး နောက်မှကွတ်ကီးမှုန်နဲ့အအေးကိုတွဲမွှေပြီးစားကြည့်ပါ)
Blueberry Cookie Smoothie Peach Tea
Popcorn Cappuccino Blended ဆိုရင် ရေခဲအမှုန်လေးတွေနဲ့ဖျော်ထားတဲ့ Cappuccino အပေါ်မှာပြောင်းဖူးမုန့်တွေတင်ထားတယ်။ ဇွန်းလေးနဲ့ပြောင်းဖူးမုန့်တွေယူစားရင်း ကော်ဖီသောက်ရတဲ့အရသာဟာဘာနဲ့မှမတူဘူး။ ပြောင်းဖူးမုန့်နဲ့ရေခဲမှုန်လေးတွေတွဲစားရင်လည်း အရသာသစ်တမျိုးရသေးတယ်ဗျ။
နေပူထဲသွားလာရတာများလို့နုံးနေသလိုခံစားရရင်တော့ Peach Tea ကအကောင်းဆုံးပါပဲ။ သံပုရာရည်နဲ့မက်မွန်သီးအနံ့လေးသင်းနေပြီး စပါးလင်ရိုးလေးတွေပါကြိတ်ထည့်ထားတယ်။ မက်မွန်သီးစိတ်လေးနှစ်ခုနဲ့တန်ဆာဆင်ထားပါသေးတယ်။
Popcorn Cappuccino Blended
ဒီကော်ဖီဆိုင်လေးက The Lafes အမှတ်တံဆိပ်ဗီယက်နမ်ကော်ဖီကိုအခြေခံထားပြီး ဗီယက်နမ်စတိုင် drip coffee ကိုသုံးဆောင်နိုင်ပါတယ်။ ဆန်းသစ်တဲ့ကော်ဖီအေးမျိုးစုံရနိုင်သလို မိရိုးဖလာကော်ဖီပူပူလေးတွေလည်းရနိုင်တယ်။
အအေးအဓိကရောင်းတဲ့ဆိုင်ဖြစ်တဲ့အတွက် စားစရာကတော့ waffle တမျိုးပဲရနိုင်ပါတယ်။ ဒါပေမယ့် အဲ့ဒီ waffle ကိုပဲ original, လက်ဖက်စိမ်းနံ့သင်းနေတဲ့ matcha, ချောကလက်အရသာဆိုပြီး ၃မျိုးနဲ့ရရှိနိုင်တယ်။ အကြွပ်၊ အလောတော်၊ အပျော့ဆိုပြီး ပုံစံ ၃မျိုးနဲ့မှာနိုင်ပါတယ်။ Add-on အဖြစ် ရေခဲမုန့်၊ သစ်သီးစုံ၊ ချောကလက်အနှစ်နဲ့ ကြက်ဥချောင်းတွေပါရရှိနိုင်ပါသေးတယ်။ Peach Tea, Tropical Tea တို့လိုချိုချဉ်အရသာအအေးတွေနဲ့ဆိုရင်တော့ ကြက်ဥချောင်း နဲ့ sauce ဆမ်းထားတဲ့ waffle ကပိုလိုက်ဖက်မှာပါ။ ဈေးနှုန်းလေးတွေက ၃၀၀၀မကျော်တဲ့အပြင် add-on တွေက ၅၀၀၊ ၆၀၀ ၀န်းကျင်နဲ့ထပ်ထည့်နိုင်တဲ့အတွက်စားပျော်ပါတယ်။
မတ်လ ၃၁ ရက်နေ့အထိ package deal တွေထားပေးထားပြီး ကော်ဖီတခွက်နဲ့ waffle တပွဲကို ကျပ် ၃၀၀၀၊ လက်ဖက်ရည်တခွက်နဲ့ waffle တပွဲကို ကျပ် ၃၅၀၀၊ ရေခဲမုန့်တပွဲနဲ့ waffle ကို ကျပ် ၂၀၀၀နဲ့ရရှိနိုင်မှာပါ။ မတ်လ ၂၅ရက်နေ့ဆိုရင် waffle day promotion ရှိပြီး waffle တခုကို ၅၀၀ကျပ်တည်းနဲ့ ၀ယ်ယူနိုင်မှာဖြစ်ပါတယ်။
မတ်လရဲ့အပူဒဏ်အောက်မှာ ပိတ်ရက်မြန်မာပလာဇာမှာသူငယ်ချင်းတွေနဲ့ဈေးဝယ်ထွက်ရင်းဖြစ်ဖြစ်၊ ကန်ဘောင်မှာချစ်သူနဲ့တွေ့ရင်း အအေးဆိုင်လေးထိုင်ချင်ရင်ပဲဖြစ်ဖြစ် The Lafes ကသင့်ကိုစောင့်ကြိုနေမှာပါ။
