By Nay Thiha
မျက်တောင်တခတ် လျှပ်တပြက်အတွင်း ဟာသကား ၃ကားထွက်တဲ့မြန်မာ့ရုပ်ရှင်လောကမှာ တည်ငြိမ်ရင့်ကျက်တဲ့ဒရာမာကားလေးတွေဟာ ပေတရာနက်အောင်တူးမှထွက်တဲ့ရေကြည်ရေသန့်လို အဖိုးတန်တယ်။ ကျွန်မအချစ်ဆုံးယောက်ျား ၃ယောက်ဟာ မြန်မာလူမှုအသိုင်းအ၀ိုင်းကအမျိုးသမီးတွေရဲ့ အခန်းကဏ္ဍကိုသတိပြုမိစေတယ်။
ရုံတင်တာတပတ်ကျော်လောက်ကြာပြီဆိုတော့ တော်တော်များများကြည့်ပြီးပြီလို့ယူဆတဲ့အတွက် spoiler တော့ပါပါမယ်။ ဒါကအညွှန်းဆိုတာထက် သုံးသပ်ချက်ဆောင်းပါးဖြစ်တဲ့အတွက် ကြည့်ပြီးတဲ့သူတွေဖတ်တာပိုသင့်လျော်ပါတယ်။
သမုဒယ (အိန္ဒြာကျော်ဇင်) ဟာရုပ်ရှင်ရဲ့အဓိကဇာတ်လိုက်။ အမျိုးသားဇာတ်ဆောင်တွေဦးဆောင်လေ့ရှိတဲ့ မြန်မာ့ရုပ်ရှင်တွေမှာ အမျိုးသမီးဇာတ်လိုက်ကိုအခြေခံတဲ့ရုပ်ရှင်က ၁၀ကားမှာ ၁ကားလောက်သာ တွေ့ရပါတယ်။ သမုဒယကလေးဘ၀ကသူမအချစ်ဆုံးယောက်ျားက သူမအဖေပါ။ သမုဒယရဲ့အမေ (မို့မို့မြင့်အောင်) ကအိပ်ရာထဲလဲပြီးလမ်းမလျှောက်နိုင်တော့ အဖေဖြစ်သူ (ရန်အောင်) ကဖောက်ပြန်တယ်။ မယားငယ်ကသူ့ကိုမယူရင်တရားစွဲမယ်လို့ခြိမ်းခြောက်တော့ အမေလုပ်သူဟာသူ့အိမ်လိုက်သွားပြီး သမီးလေးအတွက်တောင်းပန်တယ်။
သမုဒယကအဖေဖြစ်သူရဲ့မယားငယ်နဲ့စကားအချီအချပြောရင်း မယားငယ်လုပ်သူကကိုယ်ထိလက်ရောက် စော်ကားတော့ ၀ှီးချဲထဲကအမေဖြစ်သူဟာသမီးဇောနဲ့လမ်းထလျှောက်နိုင်သွားပါတယ်။ ဒီလိုနဲ့မယားငယ်ဖြစ်သူရဲ့အိမ်ထဲကနေ သမုဒယရဲ့အဖေထွက်လာပြီးသူ့မိသားစုကိုကာကွယ်ပြောဆိုတယ်။
တိုတိုပြောရရင်တော့မိသားစုပြန်ပေါင်းထုတ်သွားပါတယ်။ ယောက်ျားဖြစ်သူဟာ သူ့မိန်းမကိုသာတကယ်ချစ်တယ်ဆိုတာပြန်သတိထားမိလို့လား၊ သူ့မိန်းမကျန်းမာရေးပြန်ကောင်းသွားလို့ လိင်မှုကိစ္စအလို့ငှာမယားငယ်ထားစရာမလိုတော့တဲ့အတွက် သူ့မိန်းမဆီပြန်ရောက်သွားတာလား ဆိုတာကတော့သိပ်မရှင်းဘူး။ တရားစွဲမယ်ဘာညာပြောနေတဲ့မယားငယ်ကလည်း လျော်ကြေးရသွားလို့ထင်ပါရဲ့ ဘာပြဿနာမှမရှာတော့ဘူး။
ပျော်ရွှင်စရာမိသားစုလေးပြန်ရသွားတဲ့သမုဒယဟာ လျင်မြန်စွာပဲအရွယ်ရောက်လာတယ်။ (မယားငယ်အိမ်က အခန်းပြီးတော့ နောက်ထပ် ၂ခန်း ၃ခန်းအတွင်းသမုဒယလေး အပျိုဖြစ်သွားတယ်) သူငယ်ပြန်သလိုဖြစ်နေတဲ့အဖေနဲ့ မျက်စိမမြင်တဲ့အမေတို့က သူတို့ရဲ့ကျန်းမာရေးအတွက် သမီးဖြစ်သူစိတ်သောကမဖြစ်အောင် ဟာသတွေပြောတဲ့အခန်းလေးကတော့ရင်ထဲရောက်ပါတယ်။
မိဘ ၂ပါးဆုံးပါးသွားတဲ့နောက်ပိုင်းမှာတော့ သမုဒယဟာသူမရဲ့ဒုတိယအချစ်ဆုံးယောက်ျားဖြစ်လာမယ့် ခင်ပွန်းသည်နဲ့တွေ့ဆုံခဲ့တယ်။ တတိယအချစ်ဆုံးယောက်ျားကတော့သူမရဲ့သားဆိုတာ အခုလောက်ဆိုသိလောက်ပါပြီ။
ဝါရင့်သရုပ်ဆောင်တွေဦးစီးတဲ့ရုပ်ရှင်ဖြစ်လို့သရုပ်ဆောင်ချက်တွေကတော့ တော်တော်ငြိမ်ပါတယ်။ အထူးသဖြင့်ခင်ပွန်းသည်ကွယ်လွန်တဲ့သတင်းကြားပြီး ကြောင်တောင်တောင်ဖြစ်သွားတဲ့အခန်းမှာ အိန္ဒြာကျော်ဇင်ရဲ့မျက်နှာပေးကိုသဘောကျတယ်။ အငယ်တွေကလည်းကြိုးစားကြပါတယ်။ အထူးသဖြင့် Emily Bo ရဲ့သရုပ်ဆောင်ချက်တွေကအားရစရာကောင်းတယ်။
ပြဿနာကဇာတ်လမ်းမှာတချို့နေရာတွေကအလောတကြီးရိုက်ထားသလိုခံစားရပြီး တချို့နေရာတွေမှာ အရမ်းဇာတ်ဆန်နေတာပဲ။ ဆိုပါတော့ပြေတီဦးရည်းစားဟောင်းနဲ့ရတဲ့ကလေးဟာ အိန္ဒြာကျော်ဇင်နဲ့သွေးအုပ်စုချင်းတိုက်တိုက်ဆိုင်ဆိုင်တူနေတာမျိုး။ ပြီးတော့ဆရာဝန်ကအမျိုးသမီးတယောက်ကိုယ်ဝန်ရှိနေတဲ့ဆေးစစ်ချက်ကို ကာယကံရှင်ဆီတိုက်ရိုက်မပေးဘဲ သူ့မိတ်ဆွေကနေပေးခိုင်းတာကိုလည်းစိတ်တိုင်းမကျဘူး။ လူတယောက်ရဲ့ကိုယ်ရေးကိုယ်တာနဲ့ပတ်သက်တဲ့ဆေးစစ်ချက်တွေကို အဲ့ဒီလို “လမ်းကြုံရင်ပေးလိုက်ပါ” ဆိုတဲ့ပုံစံမျိုးပေးခိုင်းလို့ရလို့လား။ အတိအကျကိုတော့ဆေးပညာလောကကလူတွေပဲသိမှာပါ။
သမုဒယဟာငွေရေးကြေးရေးတော့အဆင်ပြေပုံရပါတယ်။ မြန်မာကားတွေမှာတွေ့ရလေ့ရှိတဲ့ပုံအတိုင်း ဘာအလုပ်လုပ်တယ်တိတိကျကျမပြောထားဘဲချမ်းချမ်းသာသာနေနိုင်တယ်။ အပျိုအရွယ်တုန်းက ရွှေဆိုင်တဆိုင်မှာစီမံခန့်ခွဲနေတာ၊ အိမ်ထောင်ကျတော့ခင်ပွန်းသည်ကအလုပ်ကိစ္စအစည်းအဝေးအတွက် ခရီးထွက်တာကလွဲရင် ဇာတ်ကောင်တွေရဲ့ဘ၀အတွက်ရုန်းကန်လှုပ်ရှားမှုဘာမှမတွေ့ရဘူး။ သမုဒယကိုယ်တိုင်ကလည်း သူ့ဘ၀အတွက်ကြိုးစားတာမျိုးမရှိဘဲ သူ့မိသားစုပြဿနာတွေဖြေရှင်းနေရတာနဲ့အချိန်ကုန်နေပါတယ်။
အရှင်းဆုံးပြောရရင်တော့ ကျွန်မအချစ်ဆုံးယောက်ျား ၃ယောက်မှာ မြန်မာအမျိုးသမီးတွေမှာတွေ့ရလေ့ရှိတဲ့ ဘ၀နေထိုင်မှုပုံစံကိုတွေ့ရတယ်။ မိန်းမဆိုရင် သမီးကောင်း၊ ဇနီးကောင်း၊ မိခင်ကောင်း ဖြစ်ရမယ်ဆိုတဲ့ လူမှုရေးစံနှုန်းတွေနဲ့အညီဘ၀ကိုဖြတ်သန်းသွားတဲ့မိန်းမတယောက်အကြောင်း ပုံဖော်ထားပါတယ်။
