By Nay Thiha
ဟိုတယ်ဘူဖေးတွေဆိုရင်ဈေးကြီးတယ်ဆိုတဲ့အယူအဆကိုမေ့လိုက်ပါတော့။ သောကြာနေ့တိုင်း Mercure Yangon Kaba Aye ရဲ့ MiCasa Restaurant & Bar က Asian Market Buffet Dinner ဟာ alcohol မပါတဲ့ package ကို ၁၈ဒေါ်လာ၊ alcohol ပါတဲ့ package ကို ၂၅ဒေါ်လာတည်းနဲ့ရရှိနိုင်ပါတယ်။
ညနေ ၆:၃၀ ကနေ ၁၀:၃၀ အထိရနိုင်တဲ့ဒီ buffet မှာအာရှတိုက်တခွင်ကဟင်းလျာ ၁၆မျိုးနဲ့ အချိုပွဲပေါင်းများစွာပါဝင်ပါတယ်။ ဒီလောက်အမျိုးအစားရော အရသာရောစုံလင်လှတဲ့အစားအစာတွေကို တတ်နိုင်သမျှစုံလင်အောင်စားဖို့ ဒီ review ကိုရေးဖြစ်တာပါ။ ဒါတောင်အကုန်လုံးမပါသေးဘဲ မစားမဖြစ်စားသင့်တဲ့ဟင်းလျာတွေကိုအဓိကရေးထားတာဖြစ်ပါတယ်။
ပထမဆုံးအသုတ်မှာတော့ ချဉ်ငံစပ်အသုပ်တွေနဲ့ပင်လယ်စာတွေစားပြီး ခံတွင်းကိုနှိုးပါတယ်။ အသုပ်တွေထဲမှာတော့ အပ်မှိုသုပ်၊ အိန္ဒိယစတိုင်အာလူးသုပ်နဲ့ မြိတ်စတိုင်ကင်းမွန်သုပ်တွေက ခံတွင်းကိုမြိန်စေတယ်။ ပင်လယ်စာတွေထဲမှာ ပုစွန်ဆိုရင်သမားရိုးကျပြုတ်ထားတာမဟုတ်ဘဲ blanching လုပ်ထားတာလို့ executive chef ကိုညီညီဝင်းကပြောပါတယ်။ Blanching ဆိုတာပွက်ပွက်ဆူနေတဲ့ရေနွေးထဲ ပုစွန်တွေကိုထည့်လိုက် ရေအေးထဲပြန်ထည့်လိုက်နဲ့ချက်ပြုတ်တဲ့နည်းဖြစ်ပါတယ်။ ပုစွန်လိုနူးညံ့တဲ့ ပင်လယ်စာတွေဟာ အရမ်းကျက်သွားရင်မာပြီးစားလို့မကောင်းတတ်ပါဘူး။ အခုပုစွန်ကတော့နူးညံ့ပြီး ချိုဆိမ့်နေတယ်။ ပင်လယ်စာတွေအတွက်သီးသန့်လုပ်ထားတဲ့ချဉ်စပ် sauce နဲ့အရမ်းလိုက်ဖက်ပါတယ်။ ငရုတ်ဆီကတော့ပင်လယ်စာတွေရဲ့အရသာကိုလွှမ်းသွားတဲ့အတွက် recommend မပေးပါဘူး။ ဂုံးယောက်မနဲ့ကမာတွေအပြင် အသားပြည့်ပြည့်ပန်းဂဏန်းတွေကိုပါရနိုင်တယ်။
ပြီးတော့အကင်နဲ့နာနတ်သီးထမင်းကြော်စားဖြစ်တယ်။ ပုစွန်၊ အမဲသား၊ ကြက်သားနဲ့ ငါးတန်အသားလွှာတွေကို ကိုယ်ကမှာမှစားဖိုမှူးတွေကကင်ပေးတဲ့အတွက် လတ်လတ်ဆတ်ဆတ်ပူပူနွေးနွေးစားနိုင်ပါတယ်။ အကျက်၊ မကျက်တကျက်ဆိုပြီး ကိုယ်ကြိုက်ရာအခြေအနေကိုရွေးနိုင်သေးတယ်။ ကျနော်ကတော့အကျက်ပဲ မှာလိုက်ပါတယ်။ အမဲသားနဲ့ငါးတန်ကညှီနံ့မရတာကတော့တော်တော်စိတ်ကျေနပ်စရာကောင်းတယ်ဗျ။ နာနတ်သီးထမင်းကြော်ကနာနတ်သီးဖတ်လေးတွေထည့်ထားတော့အအီပြေတယ်။
ဗိုက်နည်းနည်းတင်းသွားတော့ ခဏနားတဲ့အနေနဲ့တူနာနဲ့ဆယ်မွန်ဆာရှိမိမှာပြီး တီးဝိုင်းရဲ့ဖျော်ဖြေမှုကို နားထောင်နေလိုက်တယ်။ ငါးအသားတဖတ်စားပြီးတိုင်း ပန်းနုရောင်သန်းနေတဲ့ဂျင်းဖတ်လေးစားပြီး ခံတွင်းရှင်းပါ။ မဟုတ်ရင်အသားတမျိုးစီရဲ့ကွဲပြားတဲ့အရသာကိုမခံစားရဘဲ ရောထွေးသွားတတ်တယ်လို့ ဂျပန်လူမျိုးတွေကပြောပါတယ်။
စတုတ္ထအသုတ်အနေနဲ့အဓိကဟင်းလျာတွေကိုထမင်းဖြူနဲ့စားဖြစ်တယ်။ ဒိန်ချဉ်အနှစ်နဲ့ချက်တဲ့ tandoori ကြက်သား၊ ကင်းမွန်ချဉ်စပ်သုပ်၊ ကက္ကတစ်ငါးသံပုရာပေါင်း၊ ၀က်သားနဲ့မှိုနှပ်ဆိုပြီး အဓိကဟင်းလျာ ၄မျိုး ပါဝင်ပါတယ်။ ဒီအထဲမှာတော့ငါးသံပုရာပေါင်းနဲ့ဝက်သားနှပ်ကိုအကြိုက်ဆုံးပါ။ အီဆိမ့်တဲ့ဝက်သားကို သံပုရာကွင်းလေးတွေအုပ်ထားတဲ့ငါးပေါင်းရဲ့အချဉ်ကဖြေပေးတယ်။ အဓိကဟင်းလျာတွေဟာ တပတ်နဲ့တပတ်မတူဘဲအမြဲပြောင်းလဲနေတာမို့ နောက်အပတ်ကျရင် ဒီ ၄မျိုးဖြစ်ချင်မှဖြစ်မှာပါ။ ဒါပေမယ့် အခုကျနော်စားသလိုတသုတ်စီခွဲစားရင် ဘယ်လိုဟင်းလျာမျိုးကိုမဆိုအတွဲအဖက်ညီညီနဲ့တတ်နိုင်သလောက် စုံအောင်စားနိုင်မှာဖြစ်ပါတယ်။
အစားကောင်းတွေစားပြီးဘယ်လောက်ပဲဗိုက်တင်းတင်း အချိုပွဲအတွက်နေရာရှိစမြဲဆိုတဲ့ဆိုရိုးအတိုင်း အချိုပွဲကိုများများလေးယူလိုက်တယ်။ ကျနော်သဘောအတွေ့ဆုံးကတော့ စပျစ်သီးလေးနဲ့တန်ဆာဆင်ထားတဲ့ cream brulee ပါပဲ။ မလိုင်ကချိုဆိမ့်နူးညံ့နေပေမယ့် အရမ်းမအီအောင်စပျစ်သီးရဲ့အချဉ်အရသာက ထိန်းပေးပါတယ်။ နောက်ထပ်ကြိုက်မိတဲ့အချိုပွဲကတော့ ချဉ်ပြုံးပြုံးအရသာရှိတဲ့ blueberry mousse ပါပဲ။ ချောကလက်ကိတ်နဲ့ချိစ်ကိတ်လိုအချိုပွဲတွေစားရင်းအီလာရင်ဆန်းကစ်သီးစိတ်လေးတွေစားပါ။
နောက်နေ့ရုံးတက်စရာရှိသေးတဲ့အတွက် non-alcohol package ကိုပဲစားဖြစ်ခဲ့ပါတယ်။ ကျနော်အခုရေးထားတာတွေအပြင် ကိုယ်တိုင်ရွေးချယ်ပြင်ဆင်ခိုင်းလို့ရတဲ့ အရှေ့တိုင်းစွပ်ပြုတ်နဲ့အသုပ်တွေ ကျန်ပါသေးတယ်။ ပင်လယ်စာပီဇာကိုလည်းမြည်းစမ်းကြည့်ပါ။ ကျနော်ကတော့အရှေ့တိုင်းအစားအစာတွေပဲ သီးသန့်စားကြည့်ချင်တဲ့အတွက်ပီဇာကိုမစားခဲ့ပါဘူး။ ဧပြီ ၂၆ရက်နေ့အထိပဲရနိုင်တဲ့ Asian Market Buffet Dinner ကိုကျနော်ထပ်သွားစားဖြစ်ဦးမှာပါ။ ဒီတခေါက်တော့ဝိုင်သောက်ရင်း main course အသစ်တွေကို မြည်းစမ်းဖြစ်မယ်ထင်ပါတယ်။
လိပ်စာ – MiCasa Restaurant & Bar (Mercure Yangon Kaba Aye)
အမှတ် ၁၇၊ ကမ္ဘာအေးဘုရားလမ်း၊ ရန်ကင်းမြို့နယ်၊ ရန်ကုန်။
ဈေးနှုန်း
US$ 18 nett with free flow of soft drinks
US$ 23 nett with free flow of soft drinks and draught beer
US$ 25 nett with free flow of soft drinks, draught beer and wines
