ခေတ်အဆက်ဆက်မြန်မာနိုင်ငံမှာထက်မြတ်တဲ့အမျိုးသမီးတွေအမြဲရှိခဲ့ပါတယ်။ အခုလည်း မြန်မာနိုင်ငံမှာ ထင်ရှားတဲ့အမျိုးသမီးတွေအကြောင်းကို စာနယ်ဇင်းဆရာမ Alyson Curro ကမှတ်တမ်းတင် ရေးသားထားပါတယ်။ သူမဟာကျားမတန်းတူညီမျှရေးမူဝါဒဆိုင်ရာကျွမ်းကျင်သူ တယောက်ဖြစ်ပြီး တူရကီ၊ အမေရိကန်ပြည်ထောင်စုတို့အပါအ၀င် နိုင်ငံတော်တော်များများမှာအလုပ်လုပ်ခဲ့ဖူးပါတယ်။
သူမဟာအခုမြန်မာနိုင်ငံမှာနေထိုင်ရင်း Girl Power in Myanmar ဆိုတဲ့စာအုပ်ကို မြန်မာ-အင်္ဂလိပ် နှစ်ဘာသာနဲ့ပြုစုရေးသားထုတ်ဝေခဲ့ပါတယ်။ ဒီစာအုပ်မှာထက်မြတ်ရဲရင့်တဲ့မြန်မာအမျိုးသမီး ၁၄ယောက်ရဲ့ အကြောင်းရေးသားထားပြီး ကလေးသူငယ်တွေဖတ်ရှုဖို့အဓိကရည်ရွယ်ရေးသားထားပါတယ်။
သူ့စာအုပ်မိတ်ဆက်ပွဲနဲ့စာဖတ်ဝိုင်းကို မြန်မာပလာဇာက Innwa Books & Café မှာ ဧပြီ ၅ရက်နေ့ကကျင်းပခဲ့ပြီး Curro ကိုယ်တိုင်လက်မှတ်ရေးထိုးရောင်းချပေးခဲ့ပါတယ်။
“မြန်မာနိုင်ငံဟာယဉ်ကျေးမှုမျိုးစုံ လူမျိုးဘာသာမျိုးစုံနေထိုင်ပြီး အရမ်းကိုအရောင်အသွေးစုံလင်တဲ့နိုင်ငံပါ။ မြန်မာအမျိုးသမီးတွေထဲမှာထက်မြတ်တဲ့သူတွေအများကြီးရှိတာသိရတော့ သူတို့အကြောင်းမှတ်တမ်းတင်ပြီး လူတွေကိုပြောပြချင်လာတယ်။ ကလေးတွေကိုရည်ရွယ်ရေးသားရတဲ့အကြောင်းပြချက်က သူတို့ဟာသူတို့ဖတ်လိုက်တဲ့စာအုပ်တွေထဲကဇာတ်ကောင်တွေကိုအားကျကြတယ်။ ဒီလူတွေကိုတန်ဖိုးထား လေးစားတတ်ကြတယ်လေ” လို့ Curro ကဆိုပါတယ်။
ဒီစာအုပ်မှာဆိုရင် လူသိများထင်ရှားတဲ့လူထုဒေါ်အမာလိုပုဂ္ဂိုလ်တွေပါသလို နယ်ပယ်အသီးသီးက လူသိနည်းတဲ့အမျိုးသမီးတွေလည်းပါဝင်ခဲ့ပါတယ်။ ဥပမာ မဇာခြည်ဝင်းလိုအမျိုးသမီးဆိုရင် သာမန်အထည်ချုပ်စက်ရုံအလုပ်သမသာဖြစ်ပေမယ့် အလုပ်သမားဆန္ဒပြပွဲကြီးတခုကိုဦးဆောင်ခဲ့သူပါ။ ဘုရင်မကြီးရှင်စောပုလိုရာဇ၀င်ထဲကအမျိုးသမီးတွေပါဝင်တဲ့အပြင် ဒေါက်တာစင်သီယာမောင်တို့လို ပရဟိတခေါင်းဆောင်တွေလည်းပါဝင်ပါတယ်။ ဒီအမျိုးသမီးတွေဟာဘ၀ပေးအခြေအနေတွေ ကွဲပြားခြားနားပေမယ့်သူတို့ရဲ့ရဲစွမ်းသတ္တိရှိမှု၊ လူသားတွေအပေါ်မှာအကျိုးပြုနိုင်မှု၊ အရေးပါအရာရောက်တဲ့ အပြောင်းအလဲတွေကိုဖန်တီးနိုင်မှု စတဲ့အရည်အသွေးတွေရှိတဲ့နေရာမှာတော့တူညီကြပါတယ်။
“ဒီစာအုပ်ကိုထုတ်ဖို့စီစဉ်တော့ အများပြည်သူရဲ့ဆန္ဒကိုလိုက်မေးကြည့်တဲ့အခါ ဒီစာအုပ်နဲ့သင့်တော်တဲ့ အမျိုးသမီး ၁၅၀လောက်ထွက်လာပါတယ်။ ကျမတို့ဒီအထဲကမှပြန်ရွေးတဲ့အခါ လူသိပ်မသိတဲ့အမျိုးသမီးတွေ ရဲ့အကြောင်းအဓိကထည့်သွင်းဖို့စဉ်းစားကြတယ်။ ပြီးတော့အလုပ်အကိုင်နယ်ပယ်တွေစုံနိုင်သမျှစုံအောင် ထည့်ပါတယ်။ လူမျိုးဘာသာအမျိုးမျိုးကအမျိုးသမီးတွေရဲ့အကြောင်းဖော်ပြနိုင်ဖို့လည်းကြိုးစားရပါတယ်။ ဒါဟာတအုပ်တည်းနဲ့ပြောလို့မဆုံးနိုင်တဲ့ဇာတ်လမ်းပါ။ ဒီလိုစာအုပ်မျိုးတွေအတွဲလိုက်ထွက်ရှိသင့်ပါတယ်” လို့ Curro က Myanmore ကိုပြောပါတယ်။
ဒီစာအုပ်ကိုပထမဆုံး ၆လအချိန်ယူပြီးအကြမ်းရေးသားရပါတယ်။ တည်းဖြတ်ချိန်၊ စာအုပ်ဒီဇိုင်းဆွဲချိန်၊ layout စီစဉ်ချိန်အားလုံးပေါင်းရင်တနှစ်ခွဲလောက်အချိန်ထပ်ယူရပြီး ဒါဟာသူမပထမဆုံးစီစဉ်ထုတ်ဝေတဲ့စာအုပ်လည်း ဖြစ်ပါသတဲ့။
“စာအုပ်ထဲမှာပါတဲ့အမျိုးသမီး ၁၄ယောက်ထဲက ၉ယောက်ကို ကျမတို့ကိုယ်တိုင်အင်တာဗျူးတာပါ။ ဒီထဲမှာပုံဆွဲပေးထားတဲ့သူတွေနဲ့ပါဝင်ရေးသားပေးသူတွေကလည်းအကုန်အမျိုးသမီးတွေချည်းပါပဲ။”
ဒီစာအုပ်မှာမြန်မာနိုင်ငံရဲ့ပထမဆုံးအမျိုးသမီးဝါဒမဂ္ဂဇင်း Rainfall ရဲ့အယ်ဒီတာမပျိုးလက်ဟန်က ဇာတ်လမ်း ၃ပုဒ်ပါဝင်ရေးသားခဲ့သလို အင်္ဂလိပ်ဘာသာနဲ့ရေးထားတဲ့ဇာတ်လမ်းတွေကိုမြန်မာဘာသာသို့ပြန်ဆိုပေးခဲ့ပါတယ်။
ဒီစာအုပ်ကို Innwa Books & Café မှာ ၁၅၀၀၀ကျပ်နဲ့ဝယ်ယူရရှိနိုင်ပြီး စာအုပ်တအုပ်ဝယ်ယူတိုင်းမှာ တအုပ်ကိုမြန်မာနိုင်ငံအနှံ့အပြားကစာကြည့်တိုက်တွေဆီလှူဒါန်းပေးသွားမယ်လို့သိရပါတယ်။
Interview by May Myat Noe Chit and Ei K Khaing, words by Nay Thiha
