အညာဒေသရဲ့ထန်းပင်တွေကိုထိန်းသိမ်းရင်း ဆင်းရဲနွမ်းပါးတဲ့မိန်းကလေးတွေကိုလက်မှုအတတ်ပညာ တွေသင်ပေးနေတဲ့ ဒေါ်ပိုးဖြူရဲ့ဘ၀ဖြတ်သန်းမှုနဲ့ ထန်းပင်တွေကိုထိန်းသိမ်းရေးလုပ်ငန်းကိုစတင်ဖြစ်ခဲ့ပုံတို့ကို Myanmore ရဲ့ Alec Wilmot ကမေးမြန်းထားပါတယ်။
ဒေါ်ပိုးဖြူအနေနဲ့သူ့ရဲ့ဇာတိမိုးကုတ်မြို့ဟာခရီးသွားဧည့်သည်တွေကိုဆွဲဆောင်နိုင်တဲ့နေရာတစ်ခုဖြစ်လာလိမ့်မယ်လို့ စွဲစွဲမြဲမြဲယုံကြည်ခဲ့ပါတယ်။ ဒီအတွက်ကြောင့်ပဲသူဟာအလှူငွေကိုအခြေခံတဲ့ဖွံ့ဖြိုးရေးအစီအစဉ်တွေနဲ့ ပညာရေး၊ အလုပ်အကိုင်၊ ခရီးသွားလုပ်ငန်းတွေကိုတိုးတက်အောင်ကြိုးစားခဲ့ပါတယ်။ ဒါတွေတင်မကသေးဘဲ သဘာဝပတ်ဝန်းကျင်ထိန်းသိမ်းရေးကိုပါအာရုံစိုက်လာခဲ့တယ်။ ဒီလိုနဲ့ပဲကျောက်ပန်းတောင်းနဲ့မကွေးမှာရှိတဲ့ သမိုင်းဝင်ထန်းတောတွေပျောက်ကွယ်မသွားအောင်ထိန်းသိမ်းမှုကိုစတင်ခဲ့ပါတယ်။
သူမမိသားစုဟာကျောက်သံပတ္တမြားတွေကိုရောင်းချတဲ့လုပ်ငန်းလုပ်ပေမယ့် ဒေါ်ပိုးဖြူမှာတော့ မိရိုးဖလာစီးပွားရေးနဲ့မတူတဲ့အတွေးအမြင်သစ်တွေရှိပါတယ်။ သူမဟာရူပဗေဒအထူးပြုဘာသာရပ်နဲ့ ရန်ကုန်မှာတက္ကသိုလ်တက်ခဲ့တယ်။
သိပ္ပံပညာနဲ့ပတ်သက်တဲ့ဘာသာရပ်သင်ကြားတဲ့အခါ ခွဲခြားဆက်ဆံခံရတာမျိုးရှိခဲ့လားလို့မေးကြည့်တော့ “အဲ့ဒီနယ်ပယ်မှာအမျိုးသမီးတွေတော်တော်နည်းနေသေးတယ်ရှင့်။ ကျောင်းပြီးတော့အိမ်ခြံမြေလောကထဲ ၀င်ခဲ့တယ်။ ကျွန်မစ၀င်ဝင်ချင်းတုန်းကအိမ်ခြံမြေကခေတ်ကောင်းနေတယ်။ အရောင်းအ၀ယ်လည်းလုပ်သလို နောင်တချိန်ပြန်ရောင်းဖို့မြေတွေဝယ်ထားတာမျိုးလည်းလုပ်ပါတယ်” လို့ပြန်ဖြေပါတယ်။
အိမ်ခြံမြေလုပ်ငန်းနဲ့ချမ်းသာကြွယ်ဝလာတဲ့အခါမှာသူမရဲ့ဇာတိမိုးကုတ်နဲ့မြန်မာအသိုင်းအ၀ိုင်းကိုကျေးဇူးပြန်ဆပ်ဖို့စိတ်ကူးရလာခဲ့တယ်။
“မိုးကုတ်ဒေသခံတွေကဆင်းရဲနွမ်းပါးပြီးရုန်းကန်ကြရတယ်။ သူတို့စားဝတ်နေရေးမပူပင်ရအောင် ပညာတွေသင်ပေးပြီးအဖွဲ့အစည်းတွေတည်ထောင်ပေးဖို့နည်းလမ်းရှာခဲ့ပါတယ်။”
သူမဟာအသက်အရွယ်ထောက်လာပြီဖြစ်တဲ့အနုပညာရှင်တွေအတွက် ဘိုးဘွားရိပ်သာတစ်ခုတည်ထောင်ဖို့ ရန်ပုံငွေမတည်ပေးခဲ့ပါတယ်။ ဒီရိပ်သာဟာမြန်မာနိုင်ငံကစားဝတ်နေရေးကျပ်တည်းပြီး အသက်အရွယ်ကြီးရင့် တဲ့အနုပညာသည်တွေကိုလက်ခံစောင့်ရှောက်ပေးနေပါတယ်။ အဲ့ဒီကနေပြီးတော့ မိုးကုန်မြို့တည်ထောင်ခြင်းအနှစ် ၈၀၀ပြည့်ဖောင်ဒေးရှင်းမှာ တွဲဘက်ဥက္ကဌအဖြစ်တာဝန်ယူရင်း ပညာရေးနဲ့အသက်မွေးဝမ်းကျောင်းပညာသင်ကြားရေးအစီအစဉ်တွေ အတွက်ရန်ပုံငွေကောက်ခံပေးခဲ့တယ်။ ဒီအစီအစဉ်တွေမှာ ဧည့်လမ်းညွှန်အတတ်ပညာ၊ အင်္ဂလိပ်စာသင်ကြားရေး၊ အနုပညာနဲ့ ကွန်ပျူတာပညာတွေ ပါဝင်ခဲ့ပါတယ်။
အရင်နှစ်ကကျင်းပခဲ့တဲ့မိုးကုတ်အနှစ် ၈၀၀ပြည့်ပွဲတော်ဟာ မိုးကုတ်မြို့ရဲ့ကြွယ်ဝတဲ့အလှတရားတွေနဲ့ သယံဇာတတွေကိုဂုဏ်ပြုတဲ့ပွဲလည်းဖြစ်ပြီး ရန်ပုံငွေကောက်ခံတဲ့ပွဲလည်းဖြစ်ပါတယ်။ ၃ရက်ကြာတဲ့ဒီပွဲတော်မှာ အဆိုတော်၊ ရုပ်ရှင်သရုပ်ဆောင်တွေနဲ့ ဘုန်းကြီးတွေအတူတူဆင်နွှဲခဲ့ကြပြီး မိုးကုတ်မြို့ကိုခရီးသွားတွေ သတိထားမိလာအောင် အားထုတ်ခဲ့ကြပါတယ်။ ခရီးသွားလာရေးလုပ်ငန်းကိုအာရုံစိုက်ပြီး ဖွံ့ဖြိုးရေးအစီအစဉ်တွေဆောင်ရွက်ရင် ပညာရေးလည်းအဆင့်မြင့်လာပြီး စီးပွားရေးအခွင့်အလမ်းတွေလည်းပိုများလာမယ်လို့ ဒေါ်ပိုးဖြူကယုံကြည်တယ်။
အဲ့ဒီပွဲတော်မှာပဲဂျာနယ်လစ်တစ်ယောက်က ကျောက်ပန်းတောင်းနဲ့မကွေးကထန်းပင်တွေဟာအချိန်တိုအတွင်း အုံနဲ့ကျင်းနဲ့ခုတ်လှဲခံနေရကြောင်းဒေါ်ပိုးဖြူကိုပြောပြခဲ့ပါတယ်။ ၂၀၁၂ကနေစရေတွက်ရင် တစ်နိုင်ငံလုံးကထန်းပင်တွေရဲ့ ၅၀ရာခိုင်နှုန်းပျောက်ကွယ်သွားခဲ့ပြီလို့သိရတယ်။ ထန်းပင်တွေကိုသစ်အဖြစ်သုံးဖို့ခုတ်လှဲကြတာဖြစ်ပြီး သင်္ဘောနဲ့တင်ပို့ရောင်းချကြတယ်လို့ အဲ့ဒီဂျာနယ်လစ်ကဒေါ်ပိုးဖြူကိုပြောပါတယ်။ ထန်းတောတွေရေရှည်တည်မြဲဖို့ဆိုတာအရမ်းအချိန်ယူရပြီး စနစ်တကျပြုစုစောင့်ရှောက်ရပါတယ်။ ထန်းတောတွေပြုန်းတီးလာခြင်းဟာအညာဒေသကပြည်သူတွေ ကိုလည်းထိခိုက်စေတယ်ဆိုတာ ဒေါ်ပိုးဖြူသဘောပေါက်တယ်။ အဲ့ဒါနဲ့ပဲဒီကိစ္စပတ်သက်ပြီးတခုခုလုပ်ဖို့ ဆုံးဖြတ်ခဲ့ပါတယ်။
“ထန်းပင်တွေကကြီးပြင်းမှုအရမ်းနှေးပါတယ်။ အသက် ၂၀-၃၀အရွယ်ရောက်မှ ထန်းရည်စထွက်တယ်။ ထန်းတောဆိုတာမိသားစုအစဉ်အဆက်ပိုင်တဲ့လုပ်ငန်းတစ်ခုပါ။ အဘွားဖြစ်သူကထန်းပင်စိုက်ခဲ့ပြီဆိုရင် သူ့သားမြေးတွေကအဲ့ဒီထန်းပင်ကိုအမွေဆက်ခံကြတယ်။ အခုတော့မြေကိုခွဲခြမ်းရောင်းချနေတဲ့အတွက် ဘိုးဘွားအမွေထန်းတောတွေကိုဆုံးရှုံးရသူတွေများလာပါတယ်” ဒေါ်ပိုးဖြူကရှင်းပြတယ်။
ထန်းပင်မြစ်တွေဟာမြေအောက်ရေလွှာထိပေါက်ရောက်နိုင်ပြီး မြေအောက်ရေကိုမြေပေါ်စုပ်ယူနိုင်စွမ်းရှိပါတယ်။ ထန်းပင်တွေကိုအစုလိုက်အပြုံလိုက်ခုတ်လှဲတဲ့အခါ အပေါ်ယံမြေဆီလွှာပြုန်းတီးတိုက်စားသလို ကာလတိုအတွင်းမြေမျက်နှာသွင်ပြင်ပျက်စီးပြီးအကြည့်ရဆိုးစေတယ်။
သူမဟာပထမဆုံးထန်းတောတွေခုတ်လှဲခံနေရတဲ့နေရာကိုကိုယ်တိုင်သွားကြည့်ခဲ့တယ်။ သူမရတဲ့သတင်းတွေကမှန်နေတာကိုမျက်မြင်တွေ့ခဲ့ရတယ်။ ထန်းတောပိုင်ရှင်တွေအနေနဲ့ ထန်းပင်ကရတဲ့ဝင်ငွေနဲ့ရပ်တည်ဖို့ခက်ခဲလာတာကြောင့် နှစ် ၄၀သက်တမ်းရှိတဲ့ထန်းပင်တစ်ပင်ကို ကျပ် ၂၅၀၀၀တည်းနဲ့ရောင်းချနေရပါတယ်။
“တန်ဖိုးအနေနဲ့ပြောရမယ်ဆိုရင်ထန်းပင်ငုတ်တွေကိုပရိဘောဂအဖြစ်ဖန်တီးပြီး နိုင်ငံခြားဈေးကွက်မှာဒေါ်လာရာဂဏန်းလောက်နဲ့ရောင်းလို့ရတယ်။ ဒီမှာတော့ခုတ်လှဲပြီးကျန်ခဲ့တဲ့ထန်းငုတ်တွေကိုမီးရှို့ဖြစ်ကြတာတွေ့ရတယ်” လို့ဒေါ်ပိုးဖြူကပြောပါတယ်။
သူမရဲ့အရှိန်အ၀ါနဲ့ နှစ် ၈၀၀ပွဲကျင်းပပြီးရလာတဲ့အတွေ့အကြုံတွေကိုပေါင်းကာ Save the Palms ဆိုတဲ့အဖွဲ့အစည်းထူထောင်ပြီးကျောက်ပန်းတောင်းနဲ့မကွေးကထန်းပင်တွေကိုထိန်းသိမ်းမှုစတင်ခဲ့ပါတယ်။ မန္တလေးတိုင်းဒေသကြီးသစ်တောထိန်းသိမ်းရေးဌာနနဲ့ဆက်သွယ်ပြီး ဒေသခံထန်းတောပိုင်ရှင်တွေရဲ့ အခြေအနေကိုတင်ပြခဲ့တယ်။ အခုအချိန်မှာတော့သူမရဲ့ကြိုးစားမှုကြောင့် ထန်းတောတွေခုတ်လှဲခံရမှုနှုန်း သိသိသာသာလျော့ကျသွားပါတယ်။ ဒါပေမယ့် ဒီကိစ္စနဲ့ပတ်သက်လို့မန္တလေးတိုင်းအစိုးရရဲ့ တရားဝင်ကြေညာချက်ကိုဒေါ်ပိုးဖြူစောင့်နေဆဲပါ။ မိရိုးဖလာထန်းစိုက်ပျိုးမှုကအမြတ်အစွန်းနည်းပါးနေသ၍ ထန်းတောတွေခုတ်လှဲခံရမယ့်ဘေးကရှိနေဆဲဖြစ်ပါတယ်။
ကျောက်ပန်းတောင်းကထန်းပင်စိုက်ပျိုးမှုဟာအသက်မွေးဝမ်းကျောင်းမှုပညာရေး၊ ခရီးသွားလုပ်ငန်းမြှင့်တင်ရေးတို့နဲ့ချိတ်ဆက်နေပါတယ်။ ကျောက်ပန်းတောင်းဒေသခံတွေဟာ ထန်းရွက်နဲ့ ဗုဒ္ဓဆင်းတုတော်တွေရက်လုပ်ပြီးခရီးသွားတွေကိုဆွဲဆောင်ဖို့စီစဉ်နေပါတယ်။ မြန်မာတနိုင်ငံလုံးမှာထန်းရွက်ဆင်းတုတွေထုတ်လုပ်တဲ့ဒေသရယ်လို့မရှိသေးတဲ့အတွက် ဒီစီမံကိန်းမှာပါဝင်နေသူတွေအနေနဲ့ကျောက်ပန်းတောင်းကိုထန်းရွက်ဆင်းတုတွေနဲ့နာမည်ကျော်စေချင်ကြတယ်။
ဒီစိတ်ကူးကိုအရင်ဆုံးတွေးမိခဲ့သူကတော့ဒေါ်ပိုးဖြူပါ။ ကျောက်ပန်းတောင်းမြို့ကရှေးဟောင်းဘုရားစေတီ တစ်ခုအတွက် ဆင်းတုတော်တွေထုလုပ်ပေးခဲ့တဲ့လုပ်ငန်းကိုဆောင်ရွက်ခဲ့တဲ့ အချုပ်အလုပ်ပညာရှင်အမျိုးသမီး ၃၀ကဒီအစီအစဉ်မှာပါဝင်သွားမှာဖြစ်ပါတယ်။ ဆင်းတုအများကြီးရက်လုပ်သွားဖို့စီစဉ်ထားပြီး ဥာဏ်တော်အမြင့်ဆုံးဆင်းတုကတော့ ၃၄ပေရှိမှာပါ။ မူလကဥာဏ်တော် ၄၅ပေအထိပြုလုပ်ဖို့စိတ်ကူးခဲ့ပေမယ့် ခေါင်မိုးတည်ဆောက်တဲ့လုပ်ငန်းမှာကုန်ကစားရိတ်လျှော့ချဖို့ဥာဏ်တော်ကို ၃၄ပေအထိလျှော့ချလိုက်ရတာ ဖြစ်ပါတယ်။ ဆင်းတုတော်တစ်ဆူချင်းစီကိုမိရိုးဖလာနည်းလမ်းတွေနဲ့ပဲ တည်ဆောက်သွားမှာဖြစ်ပြီး သဘာဝဆိုးဆေးတွေနဲ့ပဲခြယ်သသွားမှာပါ။ ဒါ့အပြင် မီးလောင်ဒဏ်ခံနိုင်တဲ့အလွှာတစ်ခုနဲ့လည်း သုတ်လိမ်းသွားမယ်လို့သိရပါတယ်။
လက်မှုပညာသည်အမျိုးသမီးတွေရက်လုပ်လိုက်တဲ့ ဦးထုပ်နဲ့လက်ကိုင်အိတ်ကစ ဘုရားဆင်းတုတော်အထိ လက်ရာပစ္စည်းတွေအားလုံးဟာသဘာဝထုတ်ကုန်တွေနဲ့ပြုလုပ်ထားတာဖြစ်တယ်လို့ ဒေါ်ပိုးဖြူကဆိုပါတယ်။ ဒီအနုပညာလက်ရာတွေဟာမိရိုးဖလာယဉ်ကျေးမှုကိုထိန်းသိမ်းဖို့အထောက်အကူပြုသလို ကမ္ဘာလှည့်ခရီးသွားတွေကိုလည်းဆွဲဆောင်နိုင်လိမ့်မယ်လို့သူမကယုံကြည်ပါတယ်။
ဒီစီမံကိန်းကမစသေးပေမယ့် ကြိုတင်စီစဉ်မှုတွေကတော့စတင်ပြီဖြစ်ပါတယ်။ ဒီဇိုင်းပုံတွေဆွဲနေပြီဖြစ်သလို လိုအပ်တဲ့ကုန်ကြမ်းပစ္စည်းတွေကိုလည်းစုဆောင်းနေပါပြီ။
“အနာဂတ်မှာမြန်မာ့လက်မှုပစ္စည်းတွေကအရမ်းရှားသွားတော့မှာပါ။ ဒီစီမံကိန်းဟာကျောက်ပန်းတောင်းမြို့ရဲ့ ရိုးရာအဆင်တန်ဆာတွေကိုထိန်းသိမ်းရာရောက်သလို ဒေသခံပြည်သူတွေရဲ့လူနေမှုဘ၀ကိုလည်း တဘက်တလမ်းကအထောက်အကူဖြစ်ပါလိမ့်မယ်” လို့ဒေါ်ပိုးဖြူကပြောပါတယ်။
