Home Eat ဥပဒ်ကင်းသောအာဟာရ

ဥပဒ်ကင်းသောအာဟာရ

0

By Nay Thiha

ထမင်းဆိုတာကျနော်တို့မြန်မာလူမျိုးတွေရဲ့နေ့စဉ်အစားအစာဖြစ်ရုံသာမက ယဉ်ကျေးမှုထဲကိုပါစိမ့်ဝင်နေတဲ့ စားစရာတခုပါ။ ကျနော်တို့မိခင်နို့ပြတ်တဲ့အချိန်ကစပြီး ထမင်းကိုနည်းနည်းစီစားလာကြတာ အိုမင်းမစွမ်းဖြစ်လို့အစာမာမာစားလို့မရတဲ့အချိန်အထိပါပဲ။ ထမင်းစားတဲ့အလေ့အထဟာ ကျနော်တို့နေ့စဉ်ဘ၀ထဲနက်နက်ရှိုင်းရှိုင်းအမြစ်တွယ်နေတာကြောင့် ထမင်းဟာကျနော်တို့ကျန်းမာရေးအတွက် အမြဲအထောက်အကူပြုရဲ့လားဆိုတဲ့မေးခွန်းကိုဘယ်သူမှမတွေးမိကြတော့ပါဘူး။

ထမင်းဟာကစီဓာတ်နဲ့ဗီတာမင်တွေကြွယ်ဝတဲ့စားစရာတခုဆိုတာကတော့ သံသယဖြစ်စရာမရှိပါဘူး။ ဒါပေမယ့်လူနေမှုစနစ်တွေပြောင်းလဲလာပြီး ကိုယ်လက်လှုပ်ရှားမှုသိပ်မရှိတော့တဲ့အတွက် သွေးတိုးဆီးချိုလိုရောဂါတွေဖြစ်လာတဲ့အခါမှာ ကစီဓာတ်ကြွယ်ဝလွန်းတဲ့ထမင်းဟာ ရောဂါသည်တွေအတွက်ခြိမ်းခြောက်မှုတခုဖြစ်လာပါတယ်။

သိဒ္ဓိအာဟာရဆန်ကိုဈေးကွက်ထဲမှာဆီးချိုရောဂါသည်တွေ ကိုယ်အလေးချိန်ထိန်းလိုသူတွေ စားလေ့ရှိတဲ့ဆန်အဖြစ်သတိထားမိခဲ့တာပါ။ ဒီဆန်ကိုဦးစီးထုတ်လုပ်နေတဲ့မ၀တ်ရည်ဇော်နဲ့တွေ့ဆုံပြီး ကျန်းမာရေးအတွက်အထောက်အကူပြုတဲ့ဆန်ကိုထုတ်လုပ်ဖို့စိတ်ကူးရခဲ့ပုံကိုမေးမြန်းကြည့်ခဲ့ပါတယ်။

“အစ်မတို့ဘိုးဘွားပိုင် ပွင့်ဆန်းယဉ်ဆန်စက်ကမှော်ဘီမှာရှိပါတယ်။ အဆီထုတ်ထားတဲ့ပေါင်းဆန်အကြောင်း ဆန်စပါးလုပ်ငန်းရှင်တွေကနေသိခဲ့ရတယ်။ အစ်မကကျန်းမာရေးလိုက်စားတော့ ဒီဆန်ကိုဘယ်လိုဈေးကွက်တင်ရင်ကောင်းမလဲတွေးမိတယ်။ ဒီဆန်ကိုစထုတ်မိဖို့အတွေးရလာတာကတော့ အစ်မအမေကြောင့်ပါ။ အမေကဆီးချိုရှိပေမယ့်ထမင်းကိုမဖြတ်နိုင်ဘူးလေ။ အဲ့ဒါနဲ့ဒီဆန်လေးစမ်းကျွေးကြည့်ရာနေ သူ့အနေနဲ့ဆီးချိုတွေလည်းသိပ်မတက်တော့ဘဲ နေရထိုင်ရတာလည်းပေါ့ပေါ့ပါးပါးရှိတယ်လို့ပြောလာပါတယ်။ ညီမလေးကလည်းကိုယ်အလေးချိန်များတော့ ပုံမှန်ဆန်အစားဒီဆန်ကိုပြောင်းကျွေးကြည့်တဲ့အခါ ကိုယ်အလေးချိန်ကျလာတာကိုတွေ့ရတယ်။ အဲ့ဒါနဲ့အသိမိတ်ဆွေတွေကိုစမ်းရောင်းကြည့်ရာကနေ ဒီဆန်ကိုထုတ်ဖြစ်သွားတာပါ” လို့သိဒ္ဓိဆန်စတင်ပုံအကြောင်း ပြောပြပါတယ်။

မ၀တ်ရည်ဇော်

ဒီဆန်ထုတ်တဲ့အခါမှာအကြီးဆုံးစိန်ခေါ်မှုကတော့ ပြည်သူတွေရဲ့စိတ်ကိုပြောင်းလဲရခြင်းပဲဖြစ်မှာပါ။ ကျနော်တို့မြန်မာလူမျိုးတွေဟာအရသာကောင်းတဲ့ပေါ်ဆန်းမွှေးလိုဆန်မျိုးတွေကိုခုံမင်နှစ်သက်ကြတာကြောင့် အဆီဓာတ်နဲ့အချိုဓာတ်တွေထုတ်ထားတဲ့ကျန်းမာရေးဆန်ဟာ ပြည်သူတွေကြားထဲပျံ့နှံ့ဖို့ခက်ခဲလှပါတယ်။

“ပေါ်ဆန်းမွှေးကိုသုံးပြီးပေါင်းဆန်ထုတ်ဖို့ကြိုးစားကြည့်ပါသေးတယ်။ ဒါပေမယ့်အချိုဓာတ် ထုတ်လိုက်တဲ့အခါပေါ်ဆန်းဟာသာမန်ဆန်ကြမ်းနဲ့အတူတူဖြစ်သွားတယ်။ ပြီးတော့အဆီဓာတ်မရှိတော့ချက်လိုက်တဲ့အခါဆန်တွေဟာဘေးကားပြီးဆန်လုံးပျက်သွားပါတယ်။ ဆိုတော့ကုန်ကျစရိတ်တက်တာပဲရှိပြီးစားမကောင်းတဲ့အခါပေါ်ဆန်းမွှေးမသုံးဖြစ်တော့ပါဘူး။ အဲ့ဒါနဲ့ဧည့်မထအုပ်စုဝင်ထဲမှာဆန်လုံးပျော့ပြီးစားကောင်းတဲ့ သုခ၊ စင်းသွယ်လက်၊ အညာသားလို ဆန်မျိုးတွေကိုသုံးရပါတယ်။”

ပြုလုပ်ပုံကတော့ထမင်းကိုရေငှဲ့ချက်တဲ့ပုံစံနဲ့ဆင်တူပါတယ်။ နည်းပညာကတော့အိန္ဒိယကနေ လေ့လာထားတာဖြစ်ပြီး စက်ပစ္စည်းကတော့ဂျာမနီကလို့သိရတယ်။ ရှေးဦးစွာသတ္တုအိုးထဲအပူချိန် ၆၀-၇၀ ဒီဂရီဝန်းကျင်ရှိတဲ့ရေထည့်ပြီး စပါးတွေထည့်ကာ ၈နာရီကြာအောင်မော်တာနဲ့အပေါ်အောက် လှည့်ပေးရပါတယ်။ အဲ့ဒီအခါစပါးထဲမှာရှိတဲ့ဆန်တွေဟာပွလာပြီးသကြားဓာတ်၊ ကစီဓာတ်နဲ့ ဗီတာမင်တွေဟာ ရေထဲပျော်ဝင်သွားပါတယ်။ ထို့နောက်ရေကိုဖောက်ထုတ်ပြီးဒုံးပျံလိုပုံစံရှိတဲ့စက်ထဲစပါးတွေပြန်ထည့်ကာ ပေါင်းပေးခြင်းဖြင့် ပွနေသောဆန်သားများပြန်ကျစ်သွားပြီး စပါးခွံနဲ့ဆန်ကြားမှာရှိတဲ့ဖွဲနုထဲက ဗီတာမင်ဓာတ်တွေဟာဆန်ထဲကိုပြန်ဝင်သွားတယ်။ ဖွဲနုဓာတ်မှာအဆီနဲ့အချိုဓာတ်တွေမရှိတဲ့အတွက် ဆန်ထဲမှာဗီတာမင်ဓာတ်တွေသာပြန်ပါလာပါတယ်။ ပြီးတော့အခြောက်ခံကြိတ်ခွဲသန့်စင်လိုက်တဲ့အခါမှာ ကျန်းမာရေးဆန်ကိုရရှိပါတယ်။

သိဒ္ဓိဆန်ကိုအိမ်မှာချက်ကြည့်တဲ့အခါ ပေါ်ဆန်းမွှေးလိုရှည်သွယ်လှပခြင်းမရှိပေမယ့် ဆန်လုံးကြီးပြီးထမင်းအိုးတက်တာကိုတွေ့ရတယ်။ အချိုဓာတ်မပါတဲ့အတွက် ပုံမှန်စားနေကျဆန်ထက် အရသာပေါ့ပေမယ့် ဆန်ကြမ်းတွေလောက်အ၀င်မဆိုးပါဘူး။

Image via recipepes.com

“ဒီဆန်လေးဟာလုံးတီးဆန်လောက်အရသာမဆိုးပေမယ့် ဆန်ချောလောက်လည်းအရသာမကောင်းပါဘူး။ ပုံမှန်ဆန်နဲ့နှိုင်းယှဉ်ရင် ဒီဆန်မှာသကြားဓာတ်လုံးဝမပါပါဘူး။ ကစီဓာတ်ကတော့ ၃၈ရာခိုင်နှုန်းလောက် ရှိပါတယ်။ တခြားဇင့်ဓာတ်၊ ဗီတာမင်ဘီနဲ့ ဖိုင်ဘာဓာတ်တွေကတော့ အကြမ်းဖျဉ်း ၄၈ရာခိုင်နှုန်းလောက်စီ ပါပါတယ်။ စားသုံးသူတွေကိုပြောချင်တာက ရေသန့်ကိုပဲသုံးပြီးလုပ်ထားတာပါ၊ ဓာတုဗေဒပစ္စည်းတွေမပါပါဘူးဆိုတာပါပဲ။”

လွန်ခဲ့တဲ့တနှစ်ခွဲလောက်ကစတင်ခဲ့တဲ့သိဒ္ဓိကို စစချင်းမှာတော့စားသုံးသူတွေအကြိုက်မတွေ့ခဲ့ကြပါဘူး။ လက်ဆောင်ပေးတာတောင်အငြင်းခံရတယ်လို့ မ၀တ်ရည်ကရယ်ရယ်မောမောပြောပြပါတယ်။ နောက်ပိုင်းမှာတော့ဆီးချိုဝေဒနာရှင်တွေကိုမိတ်ဆက်ပေးကြည့်ရာကတဖြည်းဖြည်းလူကြိုက်များလာခဲ့တာ လို့ဆိုပါတယ်။ ရှေ့ဆက်မယ့်အစီအစဉ်အနေနဲ့ဆီးချိုဝေဒနာသည်တွေကိုဦးစားပေးပြီး လုပ်ငန်းချဲ့ထွင်ဖို့စီစဉ်ထားကြောင်းပြောပါတယ်။

“ဆီးချိုဝေဒနာသည်တွေဟာအစားအသောက်အရမ်းရှောင်ရတော့ သူတို့အတွက်အဆီထုတ်ထားတဲ့ဆန်ကို အခြေခံပြီး ခေါက်ဆွဲနဲ့ကြာဇံတွေ ဗမာမုန့်တွေစမ်းထုတ်နေပါတယ်။ အခုကတော့သုတေသနလုပ်နေတယ်။ ၂၀၂၀လောက်ဆိုရင်ကုန်ပစ္စည်းသစ်တွေမိတ်ဆက်ဖို့ရှိပါတယ်။”

ငယ်စဉ်ကဟိုတယ်လုပ်ငန်းကိုဝါသနာပါခဲ့ပြီး Chatrium Hotel Royal Lake Yangon မှာ ၁၀နှစ်ကျော်အလုပ်လုပ်ခဲ့ဖူးပေမယ့် ဖခင်ဖြစ်သူရဲ့ကျန်းမာရေးကြောင့်မိသားစုဆန်လုပ်ငန်းကိုဦးစီးခဲ့တာ ၂၀၁၅ခုနှစ်ကတည်းကပါ။ အလုပ်စတင်ခါစကပင်ပန်းမှုတွေအခက်အခဲတွေကြုံခဲ့ရပေမယ့် သမ္မာအာဇီဝဖြစ်တဲ့ဆန်လုပ်ငန်းကိုတန်ဖိုးထားတဲ့အကြောင်းပြောပါတယ်။

အမျိုးသားတွေကြီးစိုးတဲ့ဆန်စပါးလောကမှာအမျိုးသမီးလုပ်ငန်းရှင်တယောက်ရဲ့ဖြစ်တည်မှုကိုလည်း မေးကြည့်မိခဲ့ပါသေးတယ်။

“ခေတ်တွေဘယ်လောက်ပြောင်းပြောင်း အမျိုးသားတွေဟာ ‘မင်းတို့တွေငါတို့လိုအလုပ်လုပ်နိုင်ရဲ့လား’ ဆိုတဲ့အတွေးနဲ့ အမျိုးသမီးတွေကိုကြည့်လေ့ရှိကြတယ်။ အစ်မဒီလောကထဲဝင်ခါစက ကုန်စည်ဒိုင်သွားရင် အယောက် ၁၀၀မှာ ၉၉ယောက်လောက်ကအမျိုးသားတွေပါ။ အသက်အရွယ်အရကြည့်ရင်လည်း အစ်မကသူတို့ထက်ငယ်နေတယ်။ အဲ့ဒီတော့အစ်မကိုဆိုကလေးတယောက်ကစားကွင်းလာနေသလို အကြည့်မျိုးနဲ့ကြည့်ကြတယ်။ တခါကပွဲစားအစ်ကိုတွေနဲ့ထမင်းသွားစားရင်း ပန်းကန်ထဲကထမင်းဟာပေါ်ဆန်းလား တောင်ပျံလားလို့မေးတာခံရဖူးတယ်။ ကိုယ့်မှာတော်တော်တော့အကျပ်ရိုက်ခဲ့တယ်။ သူတို့ကတော့စချင်တာရောသင်ပေးတာရောပေါ့။ ပညာဆန်းတာမျိုးလားလို့တွေးကြည့်လို့ရတဲ့အခြေအနေမျိုးလည်းတွေ့ဖူးပါတယ်။ ဒါပေမယ့်ကိုယ့်ကိုသင်ပေးတာလို့ပဲ အကောင်းဘက်ကတွေးပါတယ်။

“ကိုယ့်လိုပဲကြိုးစားနေတဲ့လုပ်ငန်းရှင်တွေကိုအကြံပေးချင်တာကစိတ်ဓာတ်မကျဖို့ပါပဲ။ အထူးသဖြင့်အမျိုးသမီးတွေကိုပြောချင်တာက အစ်မတို့မိန်းမတွေဟာမိသားစုတစုကြီးထွားအောင် ကြီးပွားအောင်အဓိကပံ့ပိုးပေးတဲ့သူပါ။ အမျိုးသမီးတွေကိုဘယ်တော့မှစိတ်ဓာတ်မကျဖို့ အားမငယ်ဖို့ပြောချင်တယ်။ အစ်မကတော့မိန်းမဖြစ်ရတာဂုဏ်ယူတယ်။”

သိဒ္ဓိဆန်ကို Super One၊ ပြည့်ဝစတိုးနဲ့ beauty salon တချို့မှာဝယ်ယူရရှိနိုင်သလို shop.com.mm, rgo47.com, barlolo.com တွေမှာလည်းမှာယူလို့ရပါတယ်။

NO COMMENTS

LEAVE A REPLY

Please enter your comment!
Please enter your name here