Balcony Media Group | ကော့သောင်း (မေ ၂၁၊ ၂၀၁၉)
ကမ္ဘာတ၀ှမ်းကရေငုပ်ကျွမ်းကျင်သူတွေစုပြီး မြိတ်ကျွန်းစုသန္တာကျောက်တန်းတွေမှာနစ်မြုပ်ငြိတွယ်နေတဲ့ ပိုက်ကွန်အဟောင်းအစုတ်တွေကိုရှင်းလင်းရေးပြုလုပ်ခဲ့တယ်လို့သိရပါတယ်။
တစ္ဆေပိုက်ကွန်လို့တင်စားခေါ်ဝေါ်ကြတဲ့ဒီငါးဖမ်းပိုက်ကွန်တွေ၊ ထောင်ချောက်တွေဟာ ရေအောက်တွင်းကကျောက်ဆောင်တွေ၊ သန္တာကျောက်တန်းတွေနဲ့ငြိတွယ်နေတဲ့အတွက် ရေနေသတ္တ၀ါတွေကိုအန္တရာယ်ဖြစ်စေသလို သန္တာကျောက်တန်းတွေရဲ့ကြီးထွားမှုကိုလည်း အနှောင့်အယှက်ပေးနိုင်ပါတယ်။
၎ရက်ကြာတဲ့ဒီအစီအစဉ်ကို Awei Pila အပန်းဖြေစခန်းကစီစဉ်ခြင်းဖြစ်ပါတယ်။
“၂၀၀၉ခုနှစ်မှာ ကမ္ဘာ့သမုဒ္ဒရာတွေထဲစွန့်ပစ်ငါးဖမ်းပိုက်ကွန်နဲ့ထောင်ချောက်ပေါင်း တန်ချိန် ၆၄၀၀၀၀ခန့်ရှိမယ်လို့ ကုလသမဂ္ဂကခန့်မှန်းခဲ့တယ်” လို့ Awei Pila ရဲ့ရေနေသတ္တ၀ါတို့ရဲ့ဇီဝဗေဒကျွမ်းကျင်သူ Marcelo Guimaraes ကဆိုတယ်။
“ဒီပိုက်ကွန်အများစုကနိုင်လွန်နဲ့လုပ်ထားတာမို့ သဘာဝအလျောက်ပျက်စီးသွားဖို့ဆို နှစ် ၆၀၀လောက်စောင့်ရမယ်ဗျ။ ဒီပိုက်ကွန်တွေကရေနေသတ္တ၀ါတွေအတွက်တော့ အသံတိတ်သေမင်းပဲ။ ဒါကြောင့်အခုလိုဆယ်ယူဖယ်ရှားရခြင်းဖြစ်ပါတယ်။”
မေလ ၈ရက်နေ့ကနေ ၁၁ရက်နေ့အထိ ရေငုပ်သမား ၉ယောက်နဲ့ အကူ ၅ယောက်တို့ဟာ ကျွန်းဖီလာနဲ့ အနီးတ၀ိုက်ကရေပြင်မှာ ပိုက်ကွန်အဟောင်းတွေကိုဆယ်ယူခဲ့တာပါ။ ဒီအစီအစဉ်မှာပါဝင်ခဲ့တဲ့ ပညာရှင်တွေဟာ ဘရာဇီး၊ ဆွီဒင်၊ လစ်သူရေးနီးယား၊ ရိုမေးနီးယားစတဲ့နိုင်ငံတွေကဖြစ်ပါတယ်။
ရေငုပ်သမားတွေဟာ ၄ရက်အတွင်း ပိုက်ကွန်နဲ့ထောင်ချောက်အဟောင်းအစုတ်ပေါင်း ၃၀၀ကီလိုဂရမ်လောက် ဆယ်ယူဖယ်ရှားနိုင်ခဲ့တယ်။ ပင်လယ်ရေအနက် ၂၅မီတာလောက်အထိရေငုပ်ပြီးရှာဖွေခဲ့ရတယ်လို့သိရပါတယ်။
ဒီရေငုပ်သမားအဖွဲ့ကိုဦးဆောင်သူကတော့ Ocean Quest Global ကိုတည်ထောင်သူ Anuar Abdullah ဖြစ်ပါတယ်။ ၎င်းအဖွဲ့အစည်းဟာ အရှေ့တောင်အာရှအခြေစိုက်ဖြစ်ပြီး သန္တာကျောက်တန်းတွေကာကွယ်ရေး ပြန်လည်ကုစားရေးအစီအစဉ်တွေကိုလုပ်ကိုင်လျက်ရှိပါတယ်။ “သန္တာကျောက်တန်းတွေဖွံ့ဖြိုးစည်ပင်နေခြင်းဟာ အနီးအနားပတ်ဝန်းကျင်တွေအတွက်အကျိုးရှိတယ်ဆိုတာကို မေ့ထားလို့မဖြစ်ပါဘူး” လို့၎င်းအဖွဲ့အစည်းကသူတို့ရဲ့ကြေညာချက်ထဲမှာထည့်ပြောခဲ့တယ်။
“သန္တာကျောက်တန်းတွေနားမှာရေနေသတ္တ၀ါတွေပေါက်ပွားရှင်သန်လေ့ရှိတာကြောင့် ငါးဖမ်းလုပ်ငန်းနဲ့အသက်မွေးသူတွေအတွက်အကျိုးရှိသလို ကမ္ဘာလှည့်ခရီးသွားတွေကိုလည်းဆွဲဆောင်နိုင်တဲ့အတွက် ခရီးသွားလုပ်ငန်းအတွက်လည်း အထောက်အကူဖြစ်ပါတယ်။ ဒါ့အပြင်ကမ်းရိုးတန်းတိုက်စားမှုမဖြစ်အောင်လည်းကာကွယ်ပေးတဲ့အတွက် လူတွေရဲ့အသက်အိုးအိမ်စည်းစိမ်ကိုလည်းကာကွယ်ပေးရာရောက်တယ်။”
Awei Pila နဲ့ Myanmar Ocean Project တို့ဟာ စက်တင်ဘာ (သို့) အောက်တိုဘာလောက်မှာ ထပ်မံပူးပေါင်းပြီး ငါးဖမ်းပိုက်ကွန်အဟောင်းအစုတ်တွေကိုဆယ်ယူသွားဖို့စီစဉ်နေတယ်လို့ Guimaraes ကပြောပါတယ်။
Awei Pila ဟာမြိတ်ကျွန်းစုမှာမကြာသေးခင်ကမှဖွင့်လှစ်လိုက်တဲ့ အပန်းဖြေစခန်းတခုဖြစ်ပါတယ်။ ရန်ကုန်မြို့အခြေစိုက် Memories Group ရဲ့အဖွဲ့ဝင်ဖြစ်ပြီး Burma Boating လှေလှော်ရွက်တိုက်လုပ်ငန်း ရဲ့မိတ်ဘက်တွေလည်းဖြစ်တယ်။ Awei Pila ရဲ့အထွေထွေမန်နေဂျာ Steffen Kroehl က၎င်းတို့ရဲ့ အပန်းဖြေစခန်းဟာ သဘာဝပတ်ဝန်းကျင်အပေါ်သက်ရောက်မှုအနည်းဆုံးဖြစ်အောင်ကြိုးစားသွားမယ် လို့ဆိုပါတယ်။ ဒီနှစ်ကုန်ကျရင်ပလတ်စတစ်မသုံးတဲ့အပန်းဖြေစခန်းအဖြစ်ပြောင်းလဲသွားဖို့ စီစဉ်နေတယ်လို့လည်းသိရပါတယ်။
