By Nay Thiha
အခုနှစ်တွေအတွင်းရန်ကုန်မြို့မှာမန္တလေးအစားအစာတွေထိုးဖောက်နေရာယူလာခဲ့တာတွေ့ရပါတယ်။ တချို့ကျပြန်တော့လည်းနာမည်မှာ “မန္တလေး” လို့သာတပ်ထားပေမယ့်အစားအစာတွေမှာသုံးတဲ့ ကုန်ကြမ်းပစ္စည်းတွေကရန်ကုန်ကပဲရယူတာဖြစ်တဲ့အတွက် တကယ့်မန္တလေးမှာစားရတဲ့အရသာမျိုး မခံစားရဘူး။
Mandalay Tea Room ကရန်ကုန်မှာနာမည်ရနေတာကတော့ကြာပါပြီ။ ရန်ကင်းမှာစဖွင့်ခဲ့ပြီး အခုဆိုရှင်စောပုလမ်းမှာဆိုင်ခွဲတဆိုင်လည်းဖွင့်ထားတယ်။ Mandalay Tea Room မှာစားဖူးတဲ့သူတော်တော်များများက သူ့ဆီမှာရတဲ့မန္တလေးအစားအစာတွေက မန္တလေးလက်ရာနဲ့အတူဆုံးပဲလို့ပြောကြတယ်။ အဲ့ဒါနဲ့ပိတ်ရက်တရက်မှာ ကျနော်တို့သူငယ်ချင်းတသိုက် ရှင်စောပုလမ်းဆိုင်ခွဲမှာမနက်စာသွားစားဖြစ်ကြပါတယ်။
အောက်ထပ် အပေါ်ထပ်
ဆိုင်ကနှစ်ထပ်တိုက်လေးထဲမှာဖြစ်ပြီး ဘေးမှာလည်းအမိုးအကာလေးနဲ့ထိုင်ခုံတွေချထားပေးတယ်။ အပြင်ခုံကညဘက်တွေ မိုးရွာတဲ့နေ့တွေဆိုရင်တော့ထိုင်လို့ကောင်းပေမယ့် နေပူနေသေးတဲ့အချိန်မို့ AC ရတဲ့တိုက်ထဲမှာပဲထိုင်ဖြစ်ခဲ့ပါတယ်။ ဆိုင်ခန်းနံရံတွေကိုလေးထောင့်ပုံမှန်ချပ်လေးတွေနဲ့ အလှဆင်ထားတယ်။ ပြီးတော့လှေကားရင်းမှာမန္တလေးရဲ့အမှတ်အသားဦးပိန်တံတားပန်းချီကားကိုလည်းတွေ့ရမယ်။ ဓာတ်ပုံရိုက်ချင်တာကြောင့် မှန်ပြတင်းတွေနဲ့သဘာဝအလင်းရောင်ပိုရတဲ့အပေါ်ထပ်မှာပဲထိုင်ဖြစ်ခဲ့ပါတယ်။
ကျနော်တို့ ၄ယောက်ဝိုင်းအတွက် မန္တလေးကနာမည်ကြီးအစားအစာလည်းဖြစ် ဆိုင်ရဲ့အရောင်းရဆုံးလည်းဖြစ်တဲ့ အစားအစာ ၄မျိုးမှာလိုက်ပါတယ်။ ပထမဆုံးရောက်လာတာကတော့ ခိုတောင်မုန့်တီပါ။ သူကခိုတောင်ရွာကပုံစံအတိုင်းပြင်ဆင်ထားတာဖြစ်ပြီး ငါးဖယ်လုံး၊ ငါးဆီဖောင်းကြော်တွေပါတယ်။ ငါးမြစ်ချင်းနဲ့ချက်ထားတဲ့ဟင်းရည်နဲ့တွဲဖက်ပေးတယ်။ ငါးမြစ်ချင်းကြောင့်ဟင်းရည်ကချိုပြီး အညှီနံ့ကိုအနည်းငယ်ခါးသက်သက်အရသာရှိတဲ့ဟင်းခတ်ရွက်နဲ့ ဖျောက်ထားတာကပညာပဲ။
နောက်ထပ်ရောက်လာတာကကျနော်မှာထားတဲ့ ၀က်နံရိုးအထမ်းမြှီးရှည်ပါ။ တပွဲ ၄၀၀၀ဆိုပေမယ့် အသားတော်တော်များပြီး ပွဲလည်းတော်တော်ကြီးတယ်ဗျ။ အတူပါတဲ့ဝက်နံရိုးဟင်းရည်မှာလည်း အသားထူထူနံရိုးနှစ်ချောင်းတောင်ထည့်ပေးထားတယ်။ မြှီးရှည်ကချိုချဉ်စပ်အရသာနဲ့ နံရိုးချဉ်ဆီတွေပျော်ဝင်နေတဲ့ဟင်းရည်အရသာကတော်တော်လိုက်ဖက်ပါတယ်။
ပြီးတော့သူငယ်ချင်းတယောက်မှာထားတဲ့ဖက်မုန့်တီဆိုတာရောက်လာတယ်။ သူကမုန့်တီကိုကြာဖက်ရွက်ထဲမှာထည့်ပြီးသုပ်ထားတာပါ။ အစားအသောက်ကုန်ကြမ်းတွေသာမကဘဲ ကြာဖက်ကအစမန္တလေးကယူတာလို့ ၀န်ထမ်းအမျိုးသမီးကပြောပါတယ်။ သူကကြက်သားနဲ့အဆိမ့်အရသာဖြစ်ပြီး အအီပြေမုန်လာဥချဉ်လေးတွေနဲ့တွဲဖက်ပေးထားတယ်။
နောက်တပွဲကတော့မမှာမဖြစ်တဲ့မန္တလေးနန်းကြီးသုပ်ပါ။ သူ့ဆီကနန်းကြီးသုပ်မုန့်ဖတ်တွေက ကျနော်တို့စားနေကျရန်ကုန်ကနန်းကြီးသုပ်မုန့်ဖတ်ထက်ကြီးတယ်ဗျ။ အသားကလည်းပိုအိတယ်။ ပဲမှုန့်နံ့ကလည်းသင်းပြီးမွှေးနေတာပဲ။ မုန့်ဖတ်တွေ ပဲမှုန့်တွေက မန္တလေးကမှာယူတာဆိုတော့လည်း မန္တလေးလက်ရာအတိုင်းထွက်တာပေါ့နော်။
အစားအစာတွေထဲမှာကျနော်အကြိုက်ဆုံးကတော့ ၀က်နံရိုးအထမ်းမြှီးရှည်ပါပဲ။ ရောက်ဖြစ်ရင်စားကိုစားကြည့်သင့်တဲ့အစားအစာလို့ညွှန်းချင်ပါတယ်။
စားပြီးတော့အချိုပွဲအုန်းပေါင်းငှက်ပျောကြော်နဲ့ မလိုင်တီး၊ ပြင်ဦးလွင်ကော်ဖီတို့ကိုမှာလိုက်တယ်။ အုန်းပေါင်းငှက်ပျောကြော်ကအိနေအောင်ပေါင်းထားတဲ့ကောက်ညှင်းပေါ်မှာ အုန်းသီးနုလေးတွေဖြူးထားပြီး အပေါ်ကငှက်ပျောကြော်ချိုချိုလေးနဲ့တွဲစားရတာပါ။ ပြင်ဦးလွင်ကော်ဖီကတော့ ဆိမ့်သက်မွှေးတဲ့ နာမည်ကြီးပြင်ဦးလွင်ကော်ဖီကိုရန်ကုန်မှာသောက်ချင်သူတွေအကြိုက်တွေ့မယ်။
လက်ဖက်ရည်နဲ့တည့်တယ်၊ ကြိုက်လည်းကြိုက်တယ်ဆိုရင် တကယ်သောက်ကြည့်သင့်တာကတော့ မလိုင်တီးပါ။ မလိုင်ဖတ်တွေပျစ်နှစ်နေအောင်ထည့်ပေးထားတာမို့ ဆိမ့်ခါးခါးအရသာကိုပြည့်ပြည့်၀၀ ခံစားရတယ်။ ပုံမှန်ကတော့ခါးဆိမ့်အရသာဖြစ်ပေမယ့် ချိုဆိမ့်တို့ ကျဆိမ့်တို့ကြိုက်ရင်တော့ ၀န်ထမ်းအမျိုးသမီးလေးတွေကိုပြောကြည့်ပေါ့နော်။ ကျနော်တို့ကတော့ပုံမှန်အရသာကိုပဲ တော်တော်သဘောကျနေပါပြီ။
ဈေးနှုန်းတွေက ၃၀၀၀-၄၀၀၀ကျပ်ဝန်းကျင်ရှိပြီး မနက်စာကောင်းကောင်းကိုများများစားတတ်သူတွေ၊ မန္တလေးအစားအစာစစ်စစ်မြည်းစမ်းကြည့်ချင်သူတွေသွားသင့်တဲ့ဆိုင်လေးပါ။ ရန်ကုန်ရောက်မန်းသူမန်းသားတွေအတွက်ကတော့ မန္တလေးအငွေ့အသက်တွေလွှမ်းနေတဲ့ အစားအစာလေးတွေစားရင်း အိမ်အလွမ်းဖြေဖို့အကောင်းဆုံးနေရာလေးတခုပေါ့။
လိပ်စာ – 77(E)၊ ရှင်စောပုလမ်း၊ စမ်းချောင်းမြို့နယ်၊ မြေနီကုန်း City Mart အနီး၊ ရန်ကုန်။
ဖုန်းနံပါတ် – 09 268 742 852
ဆိုင်ဖွင့်ချိန် – 7am – 2am
