ဖိလစ်ပိုင်နိုင်ငံဟာအဆိုအကအတီးအမှုတ်ဝါသနာရှင်တွေ၊ မိန်းမချောတွေပေါများရာဒေသလို့ နာမည်ကြီးပါတယ်။ ဖိလစ်ပိုင်ရိုးရာအစားအသောက်တွေကလည်းအခုဆိုနိုင်ငံတကာမှာ တဖြည်းဖြည်းလူကြိုက်များလာပါပြီ။ ရန်ကုန်မှာလည်းဖိလစ်ပိုင်စားဖိုမှူးကိုယ်တိုင်ချက်ပြုတ်ပြင်ဆင်ထားတဲ့ ရိုးရာအစားအစာတွေကိုမြည်းစမ်းကြည့်ချင်တယ်ဆိုရင်တော့ Sule Shangri-La Yangon မှာ Filipino Food Festival ကို ဇွန် ၁၁ရက်နေ့ကနေ ၁၇ရက်နေ့အထိကျင်းပနေတဲ့အကြောင်းလက်တို့လိုက်ပါတယ်နော့်။
ဇွန် ၁၁ရက်နေ့ ညနေ ၆နာရီကျော်လောက်မှာစတင်ခဲ့ပြီးမီဒီယာတွေနဲ့ဧည့်သည်တွေကို ဖိလစ်ပိုင်ရိုးရာဟင်းလျာတွေပါဝင်တဲ့ဘူဖေးညစာနဲ့ဧည့်ခံခဲ့ပါတယ်။ အစားအစာတွေကတော့တော်တော်စုံတယ်ဗျ။ ရိုးရာဟင်းပွဲတွေအပြင်ဘူဖေးတွေမှာပါနေကျ ပင်လယ်စာအပြုတ်အပေါင်းတွေပေါင်းလိုက်ရင် အမျိုးအစား ၃၀လောက်ရှိမယ်။
ထုံးစံအတိုင်းခံတွင်းကိုနှိုးဖို့ပင်လယ်စာပြုတ်လေးတွေကိုစစားပါတယ်။ ဂုံးတွေ ယောက်သွားတွေ အကောင်ကြီးပြီးလတ်ဆတ်တာကတော့ ပုံကိုသာကြည့်တော့။ ဂဏန်းတွေကလည်းအသားပြည့်ပါတယ်။ ဂဏန်းလက်မခွဲဖို့ဝန်ထမ်းတွေဆီကညှပ်တောင်းလို့ရတယ်။ ဆယ်မွန်ဆာရှိမိလတ်လတ်ဆတ်ဆတ် လေးတွေလည်းရှိသေးတယ်။ အကုန်အရသာရှိပေမယ့်အများကြီးတော့မစားလိုက်နဲ့၊ ဗိုက်တင်းပြီးဖိလစ်ပိုင်ရိုးရာဟင်းတွေမစားနိုင်ဖြစ်သွားမယ်။
ခန်းမထဲကလူတွေရဲ့အာရုံကိုအဆွဲဆောင်နိုင်ဆုံးကတော့ ၀က်လက်ကင်တုံးကြီးပဲဗျ။ နီရဲနေအောင်ကင်ထားတဲ့ဝက်လက်ကင်တုံးကြီးကို စားမယ်ဆိုမှစားဖိုမှူးတွေကလှီးပေးတာ။ အပေါ်အရေခွံကကြွပ်ပြီး အသားကနူးညံ့နေတယ်။ အဲ့ဒါတော့စားဖြစ်အောင်စားခဲ့။။
ပြီးတော့ဖိလစ်ပိုင်စတိုင်ချက်ထားတဲ့ဟင်းလျာ ၃မျိုးမြည်းကြည့်ပါတယ်။ ဖိလစ်ပိုင်ဟင်းလျာတွေက ဟင်းခတ်အမွှေးအကြိုင်နိုင်နိုင်ထည့်တာမို့ အနံ့အရသာနဲ့ပြည့်စုံတယ်။ ပြီးတော့ ပင်လယ်ကမ်းရိုးတန်းတွေရှိတဲ့နိုင်ငံပီပီအုန်းပင်တွေပေါပေါများများရှိတာမို့ အုန်းနို့ထည့်ပြီးပျစ်ပျစ်ချက်ကြလို့ ဟင်းအနှစ်ချည်းပဲထမင်းနဲ့နယ်စားရင်တောင်ဆိမ့်မွှေးပြီး အရသာတော်တော်ရှိပါတယ်။ အထူးသဖြင့် Beef Uragon ဆိုတဲ့အမဲသားဟင်းဆိုရင် အမဲသားနူးနူးညံ့ညံ့ကိုမှအုန်းနို့နှစ်နဲ့ပျစ်နှစ်နေအောင်ချက်ထားတယ်။ ပြီးတော့ကြက်သားနှပ်ကို အုန်းနို့နှစ်ဆမ်းစားရတဲ့ Chicken Piyanggang ဆိုတဲ့ဟင်းလည်း ဒီသဘောတရားပါပဲ။ ၀က်သုံးထပ်သားတွေကိုနှပ်ပြီးချက်ထားတဲ့ Pork Estofado ဆိုတဲ့ဟင်းကတော့ ၀က်သားတုံးကြီးလက်သီးဆုပ်သဏ္ဍာန်ဆိုတဲ့သီချင်း ကြားယောင်လာမယ့်ဟင်းမျိုးဗျ။
ပြီးတော့ယောက်သွားကိုငရုတ်ကောင်းနက်နဲ့နှပ်ချက်ထားတဲ့ဟင်း၊ ရေဘ၀ဲသုပ်၊ သိုးသားကင်၊ ဘဲကင်တွေကိုလည်း ဗိုက်ဆံ့ရင်တော့စားခဲ့ဗျ။ ကိုယ့်စိတ်ကြိုက်အရသာနဲ့အသားတွေထည့်ချက်ပေးတဲ့ Soup Counter လည်းရှိတယ်။ ပုံမှန်ကတော့အချိုပေါ့။ ချဉ်စပ်အရသာ ချိုစပ်အရသာတွေလည်းစပ်ခိုင်းလို့ရပါတယ်။
အချိုပွဲကတော့တော်တော်စုံတယ်။ ဘူဖေးတွေမှာတွေ့ဖူးနေကျ cheesecake တွေ mousse တွေအပြင် ဖိလစ်ပိုင်ရိုးရာမုန့်တွေနဲ့ Pancake Counter၊ Cheese Counter၊ Ice-cream Counter တွေပါရှိတယ်။ ဖိလစ်ပိုင်မုန့်တွေထဲမှာဆိုရင်တော့ ဂျုံမုန့်ကြော်ထဲမှာပိန္နဲသီးနဲ့ငှက်ပျောသီးကိုဌာပနာပြီး အပေါ်ကချောကလက်ရည်ဆမ်းစားရတဲ့ turon ကမြန်မာလူမျိုးတွေအကြိုက်တွေ့လောက်တယ်ဗျ။ Leche Flan ဆိုတဲ့ရိုးရာမုန့်ကတော့ကြက်ဥပူတင်းနဲ့ဆင်တူပါတယ်။ ဖိလစ်ပိုင်ရိုးရာမဟုတ်ပေမယ့် အချိုပွဲတွေထဲမှာ သစ်သီးစုံမုန့် Tutti Frutti၊ သရက်သီးနဲ့ပင်မှည့်သီးပေါင်းထားတဲ့မလိုင်မုန့် Mango and Passion Fruit Gateaux၊ စတော်ဘယ်ရီစိတ်လေးတင်ထားတဲ့ Choco Mousse တွေကောင်းပါတယ်။ ဒိုးနပ်မုန့်အသေးလေးတွေကိုတော့သိပ်မကြိုက်လှဘူး။
Pancake Counter ကတော့ကိုယ်စားချင်တဲ့ topping တွေရွေးပြီးပူပူနွေးနွေးလုပ်ပေးတာဗျ။ Maple Syrup၊ Peanut Butter၊ Strawberry Jam တွေအပါအ၀င် topping ၅မျိုး ၆မျိုးရှိတယ်။ Topping တွေများလွန်းလို့ ဘာရွေးရမှန်းမသိဖြစ်နေရင်တော့ စားဖိုမှူးကြီးအကြံပေးတဲ့အတိုင်း Nutella နဲ့ vanilla ice-cream သာတွဲမှာဗျ။ Pancake ပူပူနွေးနွေးနဲ့ရေခဲမုန့်ကအရမ်းလိုက်တာ။ Nutella အနှစ်ကိုသီဟိုဠ်စေ့လေးတွေနဲ့စား၊ ဆိမ့်နေရောပဲ။
Cheese Counter မှာတော့ homemade cheese တွေကိုခရပ်ကာနဲ့တွဲစားလို့ရတယ်။ အအီပြေစတော်ဘယ်ရီနဲ့ပန်းသီးစိတ်လေးတွေပါထားပေးထားပါတယ်။ ကျနော်ကတော့ cheese သိပ်မကြိုက်တော့မစားဖြစ်ခဲ့ဘူး။ အသီးတွေလည်းရှိတယ်။ အသီးဖျော်ရည်နဲ့ကော်ဖီ၊ လက်ဘက်ရည်တွေ ကြိုက်သလောက်သောက်လို့ရပေမယ့် alcohol တော့မပါပါဘူး။
ခြုံပြောရရင်တော့ တယောက်ကို ၃၆ဒေါ်လာတည်းနဲ့ အရမ်းကိုစုံလင်များပြားတဲ့ အစားအစာတွေစားလို့ရတဲ့အတွက် ပေးရတာထက်ပြန်ရလိုက်တာကပိုများတယ်လို့ပြောရမယ့်ဘူဖေးပါ။ ဖိလစ်ပိုင်လူမျိုးတွေဟာ Mabuhay! လို့နှုတ်ဆက်လေ့ရှိကြတယ်။ “ရှင်သန်ဖို့” (to live) လို့အဓိပ္ပာယ်ရပါတယ်။ ဒါဟာသူတို့လူမျိုးတွေရဲ့သွက်လက်တက်ကြွစွာရှင်သန်တဲ့ဘ၀နေထိုင်မှုပုံစံကိုဖော်ညွှန်းပါတယ်။ ဖိလစ်ပိုင်စတိုင်ဘူဖေးညစာကလည်းစားပြီးသွားတာနဲ့မနက်ဖြန်အတွက်ရှင်သန်ဖို့အားအင်တွေရလိုက်သလို ခံစားရပါတယ်။
Café Sule, Sule Shangri-La Yangon, 223 Sule Pagoda Road, Yangon.
01 242 843
6pm – 10pm (from June 11 to 17)
