ရန်ကုန်ရောက်ဟဲမင်းဝေး

အားနက်စ်ဟဲမင်းဝေး (Ernest Hemingway) ဆိုတဲ့နာမည်ကမြန်မာလူမျိုးတွေနဲ့သိပ်မစိမ်းပါဘူး။ ခရီးသွားဝါသနာကြီးတဲ့ဒီနိုဘယ်ဆုရှင် စာရေးဆရာကြီးဟာ မြန်မာနိုင်ငံကိုရောက်ခဲ့ဖူးတယ်ဆိုတာကိုတော့ သိတဲ့သူနည်းပါတယ်။ ဟဲမင်းဝေးဟာ ၁၉၄၁ခုနှစ်ရဲ့နွေဦးကာလမှာ မြန်မာနိုင်ငံကို ၂ပတ်လောက်လာနေခဲ့ဖူးတယ်ဆိုတဲ့အကြောင်းဆောင်းပါးရှင် Christian Gilberti ကအခုလိုပြောပြထားပါတယ်။

Hemingway နဲ့သူ့အမျိုးသမီးစစ်သတင်းထောက် Martha Gellhorn တို့ဟာ ဒုတိယကမ္ဘာစစ်အတွင်းမှာ ဟောင်ကောင်၊ တရုတ်ပြည်နဲ့ မြန်မာနိုင်ငံတို့ကို သတင်းရေးဖို့လာခဲ့ဖူးပါတယ်။

သူတို့နှစ်ယောက်ဟာပျားရည်ဆမ်းခရီးထွက်ရင်း Burma Road အကြောင်းသတင်းရေးဖို့ မြန်မာနိုင်ငံကိုရောက်လာခဲ့ပါတယ်။ ၁၉၄၁ခုနှစ်မှာ မဟာမိတ်တပ်တွေဟာ တရုတ်ပြည်မှာ ဂျပန်တွေနဲ့စစ်ဖြစ်နေတဲ့ Chiang Kai-shek ရဲ့ကူမင်တန်စစ်တပ်ကိုလက်နက်ခဲယမ်းတွေထောက်ပံ့ပေးဖို့ Burma Road ကိုဖောက်လုပ်နေတာပါ။ ဒီကတ္တရာလမ်းမကြီးဟာမြန်မာနိုင်ငံ မြောက်ပိုင်းတောင်တန်းတွေကနေတဆင့် တရုတ်နဲ့အိန္ဒိယကိုချိတ်ဆက်ထားပါတယ်။

Hemingway တို့မောင်နှံဟာ အာရှမှာရောက်နေတုန်း ဟိုတယ်တွေဘားတွေမှာနာမည်ကြီးပုဂ္ဂိုလ်တွေ၊ နိုင်ငံရေးခေါင်းဆောင်တွေနဲ့တွေ့ဆုံခဲ့ဖူးတယ်။ သူတို့နဲ့တွေ့ခဲ့တဲ့သူတွေထဲမှာ Chiang Kai-shek တို့လင်မယား၊ Mao Zedong ရဲ့လက်ရုံး Zhou En Lai တို့လည်းပါဝင်ပါတယ်။

ဒါပေမယ့် အဲ့ဒီအချိန်မှာ Hemingway ဟာ အမေရိကန်ဘဏ္ဍာရေးဝန်ကြီး Henry Morgenthau Jr. အတွက် သူလျှိုလုပ်ပေးနေခဲ့တာပါ။ ဒီကိစ္စကို Hemingway ရဲ့အယ်ဒီတာတွေတောင်မသိပါဘူး။ Hemingway ရဲ့တာဝန်ကတရုတ်အစိုးရအနေနဲ့အမေရိကန်တွေထောက်ပံ့ပေးတဲ့စစ်လက်နက်ပစ္စည်းတွေနဲ့ဒေါ်လာတွေကို ဘယ်လိုအသုံးပြုနေသလဲဆိုတာထောက်လှမ်းဖို့ဖြစ်ပါတယ်။

ဒါ့အပြင် Burma Road အကြောင်းလည်း ၀န်ကြီးကစုံစမ်းခိုင်းထားပါတယ်။ Chungking မှာပိတ်မိနေတဲ့ တရုတ်အမျိုးသားရေးအစိုးရအနေနဲ့ဂျပန်တိုက်ခိုက်မှုကိုကြံ့ကြံ့ခံနိုင်ဖို့ လက်နက်ခဲယမ်းထောက်ပံ့ပေးတဲ့နေရာမှာ ဒီလမ်းမကြီးကိုအဓိကအသုံးပြုရမှာပါ။

ပြဿနာက Chiang Kai-shek ရဲ့အစိုးရဟာ အမေရိကန်တွေမျှော်လင့်ထားသလောက် ဒီမိုကရေစီမဆန်ပါဘူး။ အစိုးရကရန်သူတွေကိုရက်ရက်စက်စက်သုတ်သင်ရှင်းလင်းလေ့ရှိပြီး လွတ်လပ်စွာပြောဆိုခွင့်လည်းမပေးပါဘူး။ ကူမင်တန်အစိုးရကိုနည်းနည်းဖြစ်ဖြစ်ဝေဖန်ချင်တဲ့သူတွေဟာ လူသူကင်းမဲ့တဲ့နေရာတခုမှာပြောမှအဆင်ပြေလိမ့်မယ်လို့ Hemingway ကတရုတ်တက္ကသိုလ်တခုရဲ့ လက်ဘက်ရည်စကားဝိုင်းမှာပြောခဲ့ပါတယ်။

ဒါပေမယ့် Hemingway ဟာ Chiang ကိုကာကွယ်ပေးခဲ့တယ်။ “ကူမင်တန်တွေအုပ်ချုပ်တဲ့နေရာမှာ ဒီမိုကရေစီလွှမ်းမိုးခြင်းမရှိတဲ့အတွက်အစိုးရကိုဝေဖန်နိုင်ပါတယ်။ ဒါပေမယ့် ဂျပန်ကို ၅နှစ်လောက် ကြံ့ကြံ့ခံတိုက်ခဲ့တဲ့ကူမင်တန်တွေကြောင့်သာ တရုတ်ပြည်မှာဒီမိုကရေစီအငွေ့အသက်တွေရှိနေနိုင်တာပါ” လို့ Morgenthau ဆီပို့တဲ့စာထဲမှာထည့်သွင်းရေးသားခဲ့ပါတယ်။

Gellhorn ကလည်း Hemingway နဲ့အမြင်တူပါတယ်။ Chiang ရဲ့ဇနီးသည်ကိုချီးမွမ်းခဲ့ပြီး တရုတ်ပြည်ရဲ့ဖက်ဆစ်အစိုးရကိုကာကွယ်ပေးခဲ့တယ်။ ၁၉၅၀နောက်ပိုင်းမှာတော့ Chiang ရဲ့စစ်တပ်ဟာကွန်မြူနစ်တွေလက်ကပြေးရင်း မြန်မာနိုင်ငံထဲရောက်လာပြီး အဖျက်အမှောင့်တွေလုပ်ပါတော့တယ်။ ဒါပေမယ့် Hemingway တို့မောင်နှံဟာ အမေရိကန်တွေကိုတတိယကမ္ဘာစစ်အတွင်းဆွဲသွင်းဖို့ သူတို့ရဲ့လက်ဝဲအမြင်ကိုသစ္စာဖောက်ပြီး ကူမင်တန်တွေကိုချီးမွမ်းခဲ့တာပါ။

မြန်မာနိုင်ငံမှာ Hemingway ဟာ Burma Road ကိုအပေါ်ယံပဲလေ့လာကြည့်ရှုခဲ့ပြီး ဒီလမ်းအကြောင်းနားလည်တဲ့အရာရှိတွေကိုအင်တာဗျူးခဲ့ပါတယ်။

ရန်ကုန်ရောက်တုန်း Hemingway တို့မောင်နှံဟာနာမည်ကြီးဇိမ်ခံဟိုတယ် Strand မှာတည်းခိုခဲ့တယ်။ ဒီဟိုတယ်မှာအရင်ကဗြိတိသျှစာရေးဆရာအကျော်အမော်တွေဖြစ်တဲ့ Somerset Maugham နဲ့ George Orwell တို့တည်းခိုခဲ့ဖူးပါတယ်။ Hemingway ကတော့ ထိုခေတ်အခါအထိ Strand မှာတည်းခိုခဲ့တဲ့သူတွေထဲ နာမည်အကြီးဆုံးအမေရိကန်စာရေးဆရာဖြစ်မှာပါ။

သေချာတာတခုကတော့ Hemingway ဟာရန်ကုန်မှာနေရထိုင်ရအဆင်မပြေခဲ့ပါဘူး။ ခရီးစဉ်တလျှောက်လုံး အရက်သောက်နေခဲ့တာမို့မြန်မာနိုင်ငံရောက်တော့မတ်တပ်ရပ်ဖို့တောင်အနိုင်နိုင်ဖြစ်နေပါပြီ။ ရန်ကုန်ရဲ့အပူဒဏ်ကိုလည်းမခံနိုင်ပါဘူး။ Hemingway ဟာသောင်တင်နေတဲ့ဝေလငါးကြီးလို အိပ်ရာထဲလူးလှိမ့်နေတာပဲလို့ Gellhorn ကဆိုခဲ့တယ်။ သူ့ဆောင်းပါးတပုဒ်ရဲ့အဖွင့်မှာ “အခုဒီစာကို မြန်မာနိုင်ငံရဲ့ခြစ်ခြစ်တောက်ပူနေတဲ့နေရောင်အောက်က သံအမိုးအောက်မှာထိုင်ရင်းရေးနေတာပါ” လို့ရေးခဲ့ပုံကိုကြည့်တာနဲ့အပူဒဏ်ကိုဘယ်လောက်မကျေမနပ်ဖြစ်နေကြောင်းသိနိုင်ပါတယ်။

သူ့အမျိုးသမီး Gellhorn ကတော့ရန်ကုန်နဲ့ပတ်သက်ပြီးချင့်ချင့်ချိန်ချိန်ရေးခဲ့ပါတယ်။ ဒါပေမယ့်သူလည်းအပူဒဏ်ကိုခံနိုင်ပုံမရပါဘူး။ “ကျမကတော့ရန်ကုန်ဟာအရှေ့တိုင်းရဲ့ ပုလဲရတနာလို့ထင်တယ်။ အပူဒဏ်ကတော့စာဖွဲ့လို့မရနိုင်အောင်ပါပဲ” လို့မှတ်ချက်ပြုခဲ့တယ်။

ကိုယ့်ကိုယ်ကိုယ်အထင်ကြီးလွန်းတဲ့ Hemingway ကတော့ရန်ကုန်ရောက်နေတဲ့ကာလပတ်လုံး စာအုပ်ဆိုင်တွေမှာသူ့စာအုပ်သစ်တွေရှိမရှိလိုက်ကြည့်ရင်း (စာအုပ်ဆိုင်တွေကမတင်ပါဘူး) Scribner’s ကသူ့အယ်ဒီတာဆီကိုစာအုပ်တွေရောင်းကောင်းမကောင်းမေးရင်း (Hemingway အဆိုအရ ရောင်းမကောင်းပါဘူး) အချိန်ကုန်ပါတယ်။

သူတို့ဇနီးမောင်နှံဟာမြန်မာနိုင်ငံကိုရောက်နေတုန်းမှာအိမ်ထောင်ရေးအဆင်မပြေတာကြောင့် တနိုင်ငံလုံးနှံ့နှံ့စပ်စပ်လေ့လာဖို့အချိန်မရခဲ့ဘူး။  ခရီးစဉ်တလျှောက်လုံးတယောက်နဲ့တယောက်ရန်စောင်နေကြပြီး လူရှေ့သူရှေ့မရှောင်စကားများတတ်ကြပါသေးတယ်။ အရမ်းအမှီအခိုကင်းတဲ့ Gellhorn ကို Hemingway ကသဘောမကျသလို အတ္တကြီးလွန်း ဒေါသကြီးလွန်းတဲ့ Hemingway ရဲ့အကျင့်ကိုလည်း Gellhorn ကမနှစ်မြို့ဘူး။

Hemingway ကပါးစပ်ကြမ်းတယ်။ “Martha ဟာလူသားမျိုးနွယ် (humanity) ကိုချစ်သလောက် လူ (people) တွေကိုမုန်းတဲ့သူဗျ” လို့ပြောပြီး Gellhorn ရဲ့လူတွေနဲ့ပတ်သက်တဲ့စံဝါဒကိုသရော်ဖူးတယ်။ “ကျမအနေနဲ့ သတိချင်တာတခုခုရှိရင်ကိုယ့်ဘာသာရှာရတာများပါတယ်။ Ernest ကသူ့အတွေးအခေါ်တွေကို ပြည့်တန်ဆာအိမ်တွေကနေရတာများတယ်လေ” လို့ပြောဖူးပါတယ်။  

Chungking မှာ Gellhorn ဟာအရေပြားရောဂါတခုကူးစက်ခံရပြီး သူမရဲ့လက်ချောင်းတွေက အနာတွေပေါက်ရင်း ပြည်တရွှဲရွှဲဖြစ်လာခဲ့တယ်။ ဒီအနာတွေပျောက်ဖို့အနံ့ဆိုးတဲ့ဆေးတမျိုးလိမ်းရပြီး  သူမလက်ကိုလူမမြင်အောင်လက်အိတ်အမြဲဝတ်ထားရပါတယ်။

Hemingway အမေရိကကိုမပြန်ခင်၊ Gellhorn စင်ကာပူကိုခရီးမဆက်ခင် တညမှာဟိုတယ်ခန်းထဲမှာ ခရီးပန်းတာရယ် နေပူတာရယ်အကြောင်းပြုပြီး လင်မယားနှစ်ယောက်ရန်ဖြစ်ကြပါတယ်။ Gellhorn ဟာ နှစ်ဦးသားလမ်းမခွဲခင် ပြေရာပြေကြောင်းကြိုးစားတဲ့အနေနဲ့ ခင်ပွန်းသည်ရဲ့ပုခုံးကိုကိုင်လိုက်တဲ့အခါမှာ Hemingway က “မင်းလက်ညစ်ပတ်ကြီးနဲ့ငါ့ကိုမထိနဲ့” လို့ထအော်ခဲ့ပါတယ်။

အဲ့ဒီနောက် Hemingway နဲ့ Gellhorn တို့ဟာတယောက်ကိုတယောက်ခဏမျှတအံ့တသြငေးကြည့်နေကြပြီး စကျင်ကျောက်ပြားပေါ်နှစ်ယောက်သားလူးလှိမ့်ရင်းအော်ကြီးဟစ်ကျယ်ရယ်မောခဲ့ကြပါတယ်လို့ Paul Moreira ရေးသားတဲ့ Hemingway ရဲ့အတ္ထုပ္ပတ္တိထဲမှာဖတ်ရပါတယ်။

ဒါပေမယ့်လည်းဒီခရီးစဉ်အပြီးနှစ်အနည်းငယ်အကြာမှာ သူတို့နှစ်ယောက်ကွာရှင်းခဲ့ကြတယ်။ ဒီခရီးစဉ်ဟာသူတို့အိမ်ထောင်ရေးမှာပထမဆုံးပေါ်လာခဲ့တဲ့အက်ကြောင်းတခုလို့လည်းပြောနိုင်ပါတယ်။ သူ့အာရှခရီးစဉ်ဟာဘ၀မှာ “ဖြေမရတဲ့အရက်နာကျမှု” လို့ Hemingway ကဆိုပါတယ်။ ဒါပေမယ့်ဒီခရီးစဉ်နောက်ပိုင်း Hemingway ဟာတရုတ်ပြည်အပေါ်အရမ်းစိတ်ဝင်စားလာခဲ့ပြီး နိုင်ငံရေးသုံးသက်ချက်ဆောင်းပါးတွေအများကြီးရေးခဲ့ပါတယ်။ သူ့ဆောင်းပါးတွေဟာ အတွေးအမြင်ဆန်းသစ်ပြီး အများအားဖြင့်မှန်ကန်ခဲ့တယ်။

တရုတ်ပြည်ကိုထောက်ပံ့ပေးတဲ့နေရာမှာ Burma Road ထက်လေယာဉ်ပျံတွေနဲ့ကုန်စည်တွေ သယ်ပို့ပေးတာကပိုထိရောက်ကြောင်း သူကသုံးသပ်ပါတယ်။ ၁၉၄၂ခုနှစ်မှာ ဂျပန်လက်အောက် မြန်မာနိုင်ငံကျရောက်သွားတဲ့အခါမှာ မဟာမိတ်တပ်တွေအနေနဲ့ အိန္ဒိယနိုင်ငံ ဟိမ၀န္တာကိုဖြတ်သန်းပြီး တရုတ်ပြည်ကိုပျံသန်းတဲ့ Hump လေကြောင်းကိုဖွင့်လှစ်ခဲ့ရပါတယ်။ သူသိသူတတ် Hemingway အတွက်တော့ သူ့သုံးသပ်ချက်မှန်ကန်ခဲ့တာဂုဏ်ယူစရာပေါ့လေ။