မြန်မာတို့ရဲ့ယဉ်ကျေးမှုအမွေအနှစ်ပုဂံဟာဒီလမှာပဲ ကမ္ဘာ့ယဉ်ကျေးမှုအမွေအနှစ်ဖြစ်သွားပါပြီ။ ဒါပေမယ့် ကမ္ဘာ့ယဉ်ကျေးမှုအမွေအနှစ်ဖြစ်ဖို့ဘယ်လိုစံနှုန်းတွေနဲ့ကိုက်ညီဖို့လိုပါသလဲ၊ ကမ္ဘာ့ယဉ်ကျေးမှုအမွေအနှစ်ဖြစ်လာတဲ့အတွက် ဘယ်လိုအကျိုးကျေးဇူးတွေရလာမှာလဲ။ မသိသေးဘူးဆိုရင်တော့ဒီဆောင်းပါးကိုဖတ်ကြည့်လိုက်ပါ။
စံနှုန်းများ
ကမ္ဘာ့အမွေအနှစ်ကော်မတီ (World Heritage Committee) မှာ သဘာဝအမွေအနှစ် (Natural Heritage) နဲ့ ယဉ်ကျေးမှုအမွေအနှစ် (Cultural Heritage) ဆိုပြီးကဏ္ဍ ၂မျိုးခွဲထားပါတယ်။ စံနှုန်းစုစုပေါင်း ၁၀ချက်ရှိပြီး ယဉ်ကျေးမှုအမွေအနှစ်ဖြစ်ဖို့ စံနှုန်း ၆ချက်၊ သဘာဝအမွေအနှစ်ဖြစ်ဖို့ စံနှုန်း ၄ချက်နဲ့ညီရမှာဖြစ်ပါတယ်။
အဆောက်အဦး၊ လူနေအရပ်ဒေသတခုက ယဉ်ကျေးမှုအမွေအနှစ်ဖြစ်ဖို့ဆိုရင်
(၁) လူသားတို့၏ထူးကဲသာလွန်သောတီထွင်ဖန်တီးမှုဖြစ်ရပါမယ်။
(၂) ဗိသုကာနဲ့ အဆောက်အဦတည်ဆောက်ခြင်းနည်းပညာအရဖြစ်စေ၊ မြို့ရွာတည်ဆောက်မှုအရဖြစ်စေ တခြားယဉ်ကျေးမှုတွေနဲ့တန်ဖိုးချင်းအပြန်အလှန်ဖလှယ်နိုင်စွမ်းရှိရမယ်။
(၃) အတုမရှိသော (သို့) ရှားပါးကောင်းမွန်သောတည်ဆဲ (သို့) ပျောက်ကွယ်သွားပြီးဖြစ်တဲ့ ယဉ်ကျေးတခုခုရဲ့ပြယုဂ်ဖြစ်ရမယ်။
(၄) လူ့သမိုင်းမှာထင်ရှားတဲ့အဆောက်အအုံဖြစ်ရမယ်။
(၅) ယဉ်ကျေးမှုတခု (သို့) အများအပြားကိုကိုယ်စားပြုနိုင်တဲ့ လူသားတို့မျိုးရိုးစဉ်ဆက်နေထိုင်ရာအရပ်ဒေသ ဖြစ်ရမယ်။ သဘာဝပတ်ဝန်းကျင်ပြောင်းလဲမှုကြောင့်ထိခိုက်လွယ်တဲ့လူနေထိုင်ရာဒေသဖြစ်ရပါမယ်။
(၆) တည်ဆဲရိုးရာထုံးတမ်းများ၊ သမိုင်းဝင်အဖြစ်အပျက်များ၊ ကိုးကွယ်ယုံကြည်မှုနဲ့ အတွေးအအခေါ်များ၊ ကမ္ဘာသူကမ္ဘာသားအားလုံးအတွက်အရေးပါတဲ့ အနုပညာ၊ စာပေတို့နဲ့တိုက်ရိုက် (သို့) တနည်းနည်းနဲ့ဆက်နွယ်နေတဲ့နေရာ၊ အဆောက်အဦးဖြစ်ရမယ်။
အရပ်ဒေသတခုက သဘာဝအမွေအနှစ်ဖြစ်ဖို့ဆိုရင်တော့
(၇) ထူးကဲသာလွန်တဲ့သဘာဝအလှဖြစ်ရမယ်။
(၈) ကမ္ဘာမြေရဲ့သမိုင်းကိုဖော်ညွှန်းနိုင်တဲ့၊ ထင်ရှားတဲ့ပထ၀ီဖြစ်စဉ်တွေဖြစ်ပေါ်နေတဲ့ဒေသဖြစ်ရပါမယ်။
(၉) စဉ်ဆက်မပြတ်တိုးတက်ပြောင်းလဲနေတဲ့ဂေဟစနစ်၊ ဇီဝစနစ်တို့မှီတင်းနေထိုင်ရာ ရေထုမြေထုဖြစ်ရပါမယ်။
(၁၀) သိပ္ပံပညာရှုထောင့်အရအရေးပါတဲ့ ထိန်းသိမ်းစောင့်ရှောက်ရန်လိုအပ်တဲ့ သက်ရှိမျိုးစိတ်တွေနေထိုင်ရာဒေသ၊ ဇီဝမျိုးကွဲပေါင်းစုံနေထိုင်ရာဒေသ ဖြစ်ရပါမယ်။
Ref: https://www.nationalgeographic.com/travel/world-heritage/criteria/
အကျိုးကျေးဇူးများ
(၁) ကမ္ဘာ့အမွေအနှစ်အဖြစ်သတ်မှတ်ခံရတဲ့ အဆောက်အဦး (သို့) ဒေသကိုထိန်းသိမ်းစောင့်ရှောက်ဖို့ တကမ္ဘာလုံးကအလေးထားလာခြင်း။
(၂) အမွေအနှစ်တည်ရှိရာနိုင်ငံကိုကမ္ဘာတ၀ှမ်းကခရီးသွားတွေလာရောက်လည်ပတ်ကြ၍ ခရီးသွားလုပ်ငန်းတိုးတက်လာခြင်း။
(၃) အမွေအနှစ်ကိုထိန်းသိမ်းဖို့၊ ပြုပြင်ဖို့လိုအပ်တဲ့ဘဏ္ဍာရေး၊ နည်းပညာ၊ လူ့စွမ်းရည်ထောက်ပံ့မှုရခြင်း။ ဥပမာပြောရရင် ၂၀၀၁ခုနှစ်က အာဖဂန်နစ္စတန်၊ ဘာမီယံတောင်ကြားမှာထွင်းထုထားတဲ့ ၆ရာစုလောက်က ပေ ၁၅၀ဥာဏ်တော်ရှိတဲ့ဗုဒ္ဓရုပ်ပွားတော် ၂ဆူကို တာလီဘန်တွေကဖျက်ဆီးခဲ့ပါတယ်။ Unesco ကကမ္ဘာ့ယဉ်ကျေးမှုအအမွေအနှစ်စာရင်းဝင်နေတဲ့ဒီဘုရားတွေကို ပြန်လည်ပြုပြင်ဖို့အတွက် ဒေါ်လာ ၄သန်းကျော်အကူအညီပေးခဲ့ပါတယ်။
(၄) ကမ္ဘာ့အမွေအနှစ်တွေဟာကမ္ဘာသူကမ္ဘာသားအားလုံးအတွက်အရေးပါတဲ့အတွက်ကြောင့် စစ်ပွဲတွေ၊ အကြမ်းဖက်မှုတွေကနေကာကွယ်မှုရရှိတယ်။ လိုအပ်လာရင်ကုလသမဂ္ဂက၀င်ရောက်ကာကွယ်ခွင့် (Responsibility to Protect – R2P) ရှိပါတယ်။
References:
http://content.time.com/time/world/article/0,8599,1636166,00.html
https://www.tandfonline.com/doi/full/10.1080/03932729.2016.1155028?src=recsys
ပုဂံနဲ့အတူ
ဇွန်လ ၃၀ရက်နေ့ကနေ ဇူလိုင် ၁၀ရက်နေ့အထိ အဇာဘိုင်ဂျန်နိုင်ငံ၊ ဘာကူမြို့မှာကျင်းပခဲ့တဲ့ ၄၃ကြိမ်မြောက် ကမ္ဘာ့အမွေအနှစ်ကော်မတီအစည်းအဝေးမှာ မြန်မာနိုင်ငံက ပုဂံအပါအ၀င်ကမ္ဘာတ၀ှမ်းက အဆောက်အဦးနဲ့အရပ်ဒေသ ၂၉ခုကမ္ဘာ့အမွေအနှစ်စာရင်းဝင်ခဲ့ပါတယ်။ ဒီအထဲမှာဘေဘီလုံ၊ ရာဂျာစတန်စတဲ့ မြန်မာလူမျိုးတွေနဲ့မစိမ်းတဲ့အရပ်ဒေသတွေလည်းပါဝင်ပါတယ်။
