မြန်မာနိုင်ငံဟာလည်ပတ်စရာနေရာတွေအများကြီးရှိပေမယ့် ရန်ကုန်နဲ့ပုဂံကြားကဒေသတွေကို မျက်စိလျှမ်းသွားလေ့ရှိပါတယ်။ ၆၀၀ကီလိုမီတာကျယ်ဝန်းတဲ့ ဒီနယ်မြေတ၀ိုက်မှာခရီးသွားတွေအတွက် စိတ်ဝင်စားစရာကောင်းတဲ့နေရာတွေရှိမရှိလေ့လာခဲ့ပါတယ်။ ဒီလေ့လာရေးခရီးစဉ်မှာ ပျော်စရာကောင်းတဲ့အခိုက်အတန့်ကတော့ ကြမ်းတမ်းတဲ့လမ်းတွေကနေ စွန့်စွန့်စားစားသွားရတာပါပဲ။ ကားတွေရထားတွေစီးပြီးသွားရသလို မော်တော်ဆိုင်ကယ်နဲ့လှေတွေလည်းစီးသွားရပါတယ်။ ကုန်းလမ်းကခရီးသွားရင်ဒေသခံတွေနဲ့စကားပြောခွင့်ရတာကလည်း စိတ်ဝင်စားစရာကောင်းပါတယ်။ ဧရာဝတီမြစ်ထဲကတံငါသည်တွေ၊ ဈေးဆိုင်ပိုင်ရှင်အန်တီတွေနဲ့ အဖြူအစိမ်းဝတ်ကျောင်းသူကျောင်းသားလေး တွေကိုလည်းတွေ့နိုင်ပါတယ်။
ဒီလိုလူသူအရောက်နည်းတဲ့ဒေသတွေကိုအချိန်ယူလေ့လာလည်ပတ်ခြင်းကြောင့် မြန်မာနိုင်ငံရဲ့လူနေမှုစနစ်အကြောင်းပိုပြီးထဲထဲဝင်ဝင်သိနိုင်မှာပါ။ ကျမတို့သွားခဲ့တဲ့ခရီးလမ်းတလျှောက်မှာဆိုရင်တော့ Unesco ကမ္ဘာ့အမွေအနှစ်စာရင်းဝင်ခဲ့တဲ့ ပြည်မြို့၊ တိတ်ဆိတ်အေးချမ်းတဲ့စလေမြို့၊ မကြီးကန်ရွာကရွာသားတွေရဲ့အိမ်မှာတည်းခိုခဲ့ရခြင်းတွေကို စိတ်ထဲမှတ်မှတ်ရရရှိနေဆဲပါပဲ။
ကျမတို့ခရီးစဉ်ကိုရန်ကုန်ဘူတာကြီးကနေ နေ့လယ်ခင်းရထားနဲ့စတင်ခဲ့ပါတယ်။ ပြည်ကိုသွားတဲ့ဒီရထားလမ်းကနည်းနည်းတော့အဖုအထစ်လေးတွေရှိတယ်။ လမ်းတဘက်တချက်က ကျေးလတ်နေပြည်သူတွေရဲ့လယ်ယာစိုက်ခင်းတွေကိုလေ့လာခွင့်ရတာကတော့အမြတ်ပေါ့ရှင်။ ၈နာရီအကြာမှာတော့ပြည်မြို့ရောက်လာပြီးလက်ဖက်ထမင်းသုပ်နဲ့ညစာစားပြီး အနားယူကြတယ်။
နောက်နေ့မနက်စောစောထပြီးအကောက်တောင်သွားတဲ့လှေစီးပါတယ်။ ၁၉ရာစုအလယ်လောက်ကသင်္ဘောသားတွေဟာ အဲ့ဒီတောင်စွယ်တလျှောက်ဗုဒ္ဓရုပ်ပွားတော်တွေ ထွင်းထုထားပြီး ရေလမ်းခရီးတလျှောက်အန္တရာယ်ကင်းပါစေကြောင်းဆုတောင်းလေ့ရှိတယ်လေ။ နေ့လယ်စောင်းမှာတော့ လက်ဘက်ရည်ဆိုင်ထိုင်ပြီးမြန်မာလိုမတတ်တတတ်ပြောရင်း ဒေသခံတွေနဲ့မိတ်ဖွဲ့ဖြစ်တယ်။ ပြီးတော့ရွှေမော်ဓောဘုရားဖူးပြီး ရေနံချောင်းသွားမယ့် ၇နာရီဘတ်စ်ကားကိုစီးကြပါတယ်။ ကျေးလတ်ဒေသမှာဆိုတော့ ကားကအကောင်းကြီးမဟုတ်ပေမယ့် သွားလိုရာကိုတော့လုံလုံခြုံခြုံပို့ဆောင်ပေးပါတယ်။
လမ်းခရီးကကြမ်းလို့ပင်ပန်းပေမယ့် လေသာကုန်းတည်းခိုခန်းကနွေးနွေးထွေးထွေးကြိုဆိုတဲ့အတွက် အမောပြေရပါတယ်။ Eric Trutwein ဆိုတဲ့ပုဂ္ဂိုလ်ဟာ Light of Love Private High School ဆိုတဲ့ အသိုင်းအ၀ိုင်းအခြေပြုခရီးသွားလာရေးလုပ်ငန်းကိုဆောင်ရွက်နေပြီး ကျမတို့တည်းတဲ့တည်းခိုခန်းကလည်း ဒီလုပ်ငန်းရဲ့တစိတ်တဒေသဖြစ်ပါတယ်။ ဒီလုပ်ငန်းဟာဒေသခံကလေးငယ်တွေနဲ့ မိဘမဲ့တွေအတွက် အနာဂတ်မှာအလုပ်အကိုင်နဲ့ဘ၀အာမခံချက်ရှိဖို့ရည်ရွယ်ပါတယ်။ တည်းခိုခန်းလေးဟာလှပသလို သက်တောင့်သက်သာလည်းရှိပါတယ်။ ကျောက်နံရံတွေနဲ့တည်ဆောက်ထားပြီး အနားမှာပန်းလေးတွေစိုက်ထားတယ်။ တောင်ကုန်းပေါ်မှာရှိတဲ့အတွက် အမြဲလေတဖြူးဖြူးတိုက်နေပြီး ဧရာဝတီမြစ်ထဲနေ၀င်သွားတဲ့ရှုခင်းကို ၀ိုင်လေးသောက်ပြီးကြည့်ရတာအမှတ်တရပါပဲ။
နောက်နေ့မနက်မှာတော့မြစ်ထဲမှာလှေစီးဖို့ပြင်ကြတယ်။ ကျမတို့မနက်စာစားပြီး မယမင်းဆိုတဲ့အမျိုးသမီးလာတွေ့ပါတယ်။ မြစ်ကိုသွားတဲ့လမ်းမှာ ရှားပင်ရိုးရွာကိုဝင်ကြည့်တော့ သနပ်ခါးအဖွေးသားနဲ့ကလေးလေးတွေကိုတွေ့ရတယ်။ ကျမတို့ရောက်သွားတဲ့အချိန်က ရေချိုးဆင်းကြချိန်ဖြစ်နေတော့ မွေးမြူရေးသမားတွေက၀က်ကြီးတွေကိုမြစ်ထဲဆွဲလာပြီးဆပ်ပြာတိုက် ရေချိုးပေးနေကြတာကိုလည်းတွေ့ခဲ့ရပါတယ်။
ကျမတို့မော်တော်ဘုတ်မြစ်လယ်လောက်ရောက်လာတာနဲ့အမျှမြစ်ကြောင်းကျယ်လာတဲ့အတွက် ကမ်းစပ်ပေါ်ကလူတွေကိုသိပ်မတွေ့ရတော့ဘူး။ မိနစ် ၃၀လောက်အကြာမှာ မယမင်းဟာအင်ဂျင်သတ်လိုက်ပြီး သူ့နှုတ်ခမ်းရှေ့လက်ညှိုးတင်ပြီး အသံမထွက်ဖို့ကျမတို့ကိုပြောတယ်။ ပြီးတာနဲ့ကွန်ချက်ဘယ်လိုပစ်ရမလဲပြပေးတော့တာပဲ။ သူကအတွေ့အကြုံရှိလို့ထင်ပါရဲ့၊ ပိုက်ကွန်ဟာရေပေါ် ညီညီညာညာဖြန့်ကျက်သွားတယ်။ ကျမတို့လည်းတတ်နိုင်သမျှတော့လိုက်ကြိုးစားပစ်ကြည့်ပါတယ်။ ပြီးတော့လှေပေါ်မှာခဏစောင့်ဆိုင်းကြတယ်။
ပထမတနာရီကတော့စောင့်ရတာစိတ်မရှည်သူတွေအတွက် တကမ္ဘာလောက်ကြာတယ်ထင်ရမယ်။ နောက်ပိုင်းမှာတော့တဖြည်းဖြည်းနဲ့မြစ်ရဲ့တည်ငြိမ်တိတ်ဆိတ်မှုဟာ ကျမတို့ကိုပါစိတ်တည်ငြိမ်လာစေတယ်။ ၃နာရီလောက်ဆိုတဲ့အချိန်ဟာခဏလေးနဲ့ကုန်သွားသလိုခံစားရပါတယ်။ မယမင်းထလာပြီးသူ့ပိုက်ကွန်ကို တလွှာစီဆွဲတင်တယ်။ ပြီးတော့ကွန်နဲ့ငြိ်ပြီးပါလာတဲ့ငါးတွေကိုရေပုံးထဲထည့်ကြပါတယ်။ နေ့လယ်စာစားဖို့ ခပ်လတ်လတ်ငါး ၂ကောင်နဲ့ တကိုက်စာငါးလေးတွေလက်တဆုပ်လောက်ဖမ်းမိခဲ့တယ်။ တမနက်လုံးပင်ပန်းသွားတာနဲ့နေ့လယ်ခင်းကိုတိတ်ဆိတ်တဲ့လေသာကုန်းမှာပဲငါးကြော်လေးစားရင်း ဧည့်ခန်းမှာနားရင်းအချိန်ဖြုန်းခဲ့ကြပါတယ်။
လေးရက်မြောက်နေ့မှာတော့ ကျမနဲ့ကျမမိတ်ဆွေတို့မော်တော်ဆိုင်ကယ် ၂စီးနဲ့စလေကိုခရီးနှင်ကြတယ်။ လမ်းကခလုတ်ကန်သင်းများပြီး ၅နာရီလောက်ကြာအောင်မောင်းရပါတယ်။ ဧရာဝတီနဲ့မျဉ်းပြိုင်သွယ်တန်းသွားတဲ့လမ်းတလျှောက်မှာ ခမောက်ဆောင်းထားတဲ့လယ်သမားကြီးတွေ၊ အလေးအပင်တွေမလာတဲ့အမျိုးသမီးတွေ၊ လွယ်အိတ်ကိုယ်စီနဲ့ကျောင်းသူကျောင်းသားလေးတွေကိုလည်း တွေ့ခဲ့ရတယ်။ နွားလှည်းတွေကိုလည်းဟိုနေရာတစီး ဒီနေရာတစီးဆိုသလိုတွေ့ရတော့ ဓာတ်ပုံကောင်းကောင်းလေးတွေလည်းရိုက်ဖြစ်ခဲ့ကြပါတယ်။
ကျမတို့လည်း ပုဂံငယ်ရွာမှာတထောက်နားခဲ့ပါတယ်။ ပုဂံရဲ့ပထမဆုံးဘုရင်ဟာထေရ၀ါဒဗုဒ္ဓဘာသာကို နိုင်ငံတော်ဘာသာအဖြစ်ပြဌာန်းတော့ ဘာသာရေးအမြင်မတူတဲ့ပြည်သူတွေဟာပုဂံကိုစွန့်ခွာခဲ့ပြီး ရွာတည်နေကြရာကနေ ပုဂံငယ်ဆိုတဲ့ရွာဖြစ်လာတာပါ။ ရွာခံအမျိုးသမီးတွေဟာကျမတို့ကို နေ့လယ်စာထမင်းကြော်နဲ့ဧည့်ခံပါတယ်။ နေ့လယ်စာကိုအ၀စားခဲ့ကြပြီးနောက် မကြီးကန်ရွာကိုဆက်သွားခဲ့ကြတယ်။ အဲ့ဒီမှာဒေသခံတွေနဲ့အတူတည်းခိုဖို့စီစဉ်ထားပါတယ်။
မကြီးကန် Homestay
မကြီးကန်ရွာအသိုင်းအ၀ိုင်းအခြေပြုခရီးသွားလာရေးစီမံကိန်းဟာ အိမ် ၃အိမ်နဲ့စခဲ့တာပါ။ ၂အိမ်က သစ်နဲ့ဝါးအသုံးပြုတည်ဆောက်ထားတဲ့ခြေတံရှည်အိမ်ဖြစ်ပြီး တအိမ်ကတော့အုတ်နဲ့ဆောက်ထားတယ်။ အစကတော့ရွာနဲ့အနီးအနားမှာပွဲတွေရှိမှသာ ရွာခံတွေကဧည့်ခံကြတာဖြစ်ပါတယ်။ ရွာသူရွာသားတွေရဲ့ တနေ့တာလုပ်ငန်းဆောင်တာတွေကိုလိုက်လံပြသပေးသလို ဒေသခံယဉ်ကျေးမှုတွေနဲ့လည်း မိတ်ဆက်ပေးပါတယ်။
နောက်နေ့မနက်မှာတော့ ရွာခံတွေနဲ့အတူမနက်စောစောလိုက်ထပြီး မနက်စာအဖြစ်ကောက်ညှင်းပေါင်း၊ ငှက်ပျောသီးစားပြီး ရေနွေးကြမ်းပူပူလေးသောက်ကြတယ်။ ပြီးတော့ရွာသူရွာသားတွေကိုနှုတ်ဆက်ပြီး စလေကိုခရီးဆက်ပါတယ်။ အဲ့ဒီမှာကိုလိုနီခေတ်အဆောက်အအုံတွေအများကြီးရှိပြီး ယိုယွင်းပျက်စီးနေပေမယ့် ဆွဲဆောင်မှုတော့ရှိနေတုန်းပါပဲ။ မသွားမဖြစ်သွားသင့်တဲ့နေရာကတော့ရုပ်စုံကျောင်းပါ။ ကုန်းဘောင်ခေတ်ကကျွန်းသားတွေသုံးပြီးတည်ဆောက်ထားတဲ့ဒီကျောင်းရဲ့ဗိသုကာလက်ရာဟာ အလွန်ဆန်းကျယ်လှပပါတယ်။ ကျမတို့ကားသမားဟာ ပုဂံဗိသုကာလက်ရာတွေနဲ့ဆင်တူတဲ့ ဘုရားကျောင်းတွေဆီခေါ်သွားပေးတယ်။ နံရံဆေးရေးပန်းချီတွေကအကောင်းအတိုင်းရှိနေသေးပြီး မဟာယနကိုးကွယ်မှုအငွေ့အသက်တွေကိုလည်းတွေ့ရပါတယ်။ ဒီနေရာလေးဟာပုဂံလောက် လူသူထူထပ်ခြင်းမရှိတဲ့အပြင် လမ်းဘေးဈေးသည်တွေ၊ selfie stick တွေ၊ ခေတ်ပေါ်အဆောက်အအုံတွေကိုလည်းမတွေ့ရပါဘူး။
ရုပ်စုံကျောင်း စလေမြို့ကဘုရားတဆူ
ပြီးတော့ Salay House မှာဝင်နားပြီး သံပုရာဆိုဒါအေးအေးလေးသောက်ရင်း ပုဂံသွားမယ့်လှေကိုစောင့်ကြပါတယ်။ ဒီ ၅နာရီကြာတဲ့ခရီးလမ်းကတော့ ဧရာဝတီမြစ်ကမ်းကိုငေးမောရင်း နွေးထွေးဖော်ရွေတဲ့ဒေသခံတွေအကြောင်းတွေးရင်း နားနားနေနေနဲ့ပဲပြီးသွားပါတယ်။
Melissa Tan ဟာ Khiri Travel Myanmar ရဲ့ အထွေထွေမန်နေဂျာဖြစ်ပြီး အင်္ဂလိပ်လိုရေးထားတဲ့ သူမရဲ့ခရီးသွားအတွေ့အကြုံတွေကိုမြန်မာဘာသာသို့ဆီလျော်အောင်ရေးသားဖော်ပြထားတာပါ။
Khiri Travel
01 375 577
[email protected]
khiri.com
