မိုးအေးအေးလေးမှာညဘက်တယောက်တည်းသရဲကားကြည့်ရတဲ့ခံစားချက်က ဘာနဲ့မှမတူပါဘူး။ ဒီဆောင်းပါးမှာ နိုင်ငံတချို့ကပါးစပ်ရာဇ၀င်၊ ရိုးရာပုံပြင်နဲ့ ထုံးတမ်းစဉ်လာတွေအပေါ်အခြေခံပြီး ရိုက်ကူးထားတဲ့ခြောက်ခြားဖွယ်ရုပ်ရှင်တွေအကြောင်းဖော်ပြပေးလိုက်ပါတယ်။ Trailer link တွေလည်းပါတယ်နော်။
Midsommar (Sweden)
ဆွီဒင်နိုင်ငံကနွေရာသီပွဲတော် Midsummer ကိုအခြေခံပြီးရိုက်ကူးထားတဲ့ ဒီရုပ်ရှင်ဟာ ဇူလိုင်လကမှ ရုံတင်ထားတာပါ။ ဒါရိုက်တာ Ari Aster ရဲ့ဒုတိယမြောက်ရုပ်ရှင်လည်းဖြစ်တယ်။ သရဲကားဆိုတာထက် ထိတ်လန့်သည်းဖိုလူသတ်ကားပိုဆန်တယ်။ Aster ရဲ့ပထမကား Hereditary ထဲကလို တိတ္ထိကိုးကွယ်မှုကိုလည်းတွေ့ရမယ်။
US မှာနေကြတဲ့ Dani နဲ့ Christian တို့စုံတွဲဟာ Christian ရဲ့မိဘဆွေမျိုးတွေနေထိုင်ကြတဲ့ ဆွီဒင်နိုင်ငံ Hälsingland ဒေသကလူသူမနီးတဲ့ရွာလေးတရွာမှာနှစ် ၉၀ကိုတကြိမ်ကျင်းပလေ့ရှိတဲ့ နွေလယ်ပွဲတော်ဆီ သူတို့သူငယ်ချင်းတွေနဲ့အတူသွားလည်ကြတယ်။ အဲ့ဒီမှာရှေးဟောင်းဓလေ့ထုံးစံတွေ၊ လူကိုယဇ်ပူဇော်တဲ့ပွဲတော်တွေ၊ သွေးပျက်ခြောက်ခြားဖွယ်အဖြစ်အပျက်တွေနဲ့ကြုံရတဲ့ဇာတ်လမ်းပါ။
Midsummer ပွဲတော်ဟာဆွီဒင်နိုင်ငံမှာတကယ်ရှိတဲ့ပွဲတော်ဆိုပေမယ့် လူကိုယဇ်ပူဇော်တဲ့အလေ့အထတွေ၊ နတ်ကိုးကွယ်မှုတွေမရှိခဲ့ကြောင်း သမိုင်းအထောက်အထားတွေအရသိရပါတယ်။ ဒီပွဲတော်မှာဆိုရင် လူငယ်တွေအနေနဲ့ကျေးလတ်ကိုအလည်သွားကြပြီးပန်းတွေခူးလိုက်၊ လူတွေစုပြီးကလိုက်နဲ့ အချိန်ဖြုန်းကြတဲ့ပျော်ပွဲရွှင်ပွဲတခုသာဖြစ်တယ်။ ဒါပေမယ့် Aster ဟာတခြားသောဥရောပနိုင်ငံတွေက တိတ္ထိအယူအဆတွေကိုစုပေါင်းပြီး Midsommar ကိုဇာတ်လမ်းရေးဖွဲ့ခဲ့တာပါ။
https://www.imdb.com/title/tt8772262/
The Curse of La Llorona (Latin America)
မက္ကဆီကန်ကလေးငယ်တွေကိုသူတို့မိဘဘိုးဘွားတွေအစဉ်အဆက်ပြောပြလေ့ရှိတဲ့ ကျေးလတ်ပုံပြင် La Llorona (ငိုနေသောအမျိုးသမီး) ဟာ ဗဟိုနဲ့တောင်အမေရိကတခွင်မှာပါနာမည်ကြီးပါတယ်။ ဒီတစ္ဆေပုံပြင်ဟာ ဘယ်နှခုနှစ်ကစတင်ထွန်းကားခဲ့သလဲဆိုတာကိုတော့ ဘယ်သူမှတိတိကျကျမပြောနိုင်ပါဘူး။ သူ့ကိုအခြေခံထားတဲ့ ရုပ်ရှင်နဲ့ပြဇာတ်တွေအမျိုးမျိုးထွက်လာခဲ့ပြီး ဒီအထဲမှာ ၂၀၁၃ခုနှစ်က Mama နဲ့ အခုနှစ်ထဲမှာထွက်ရှိတဲ့ The Curse of La Llorona တို့ကအထင်ရှားဆုံးပါ။
မူရင်းပုံပြင်ထဲမှာတော့ဖောက်ပြန်တဲ့ခင်ပွန်းဖြစ်သူကိုလက်စားချေတဲ့အနေနဲ့ သူနဲ့ရခဲ့တဲ့ကလေးနှစ်ယောက်ကို ရေနှစ်သတ်ပစ်ခဲ့တဲ့မိခင်တယောက်အကြောင်းဖြစ်ပါတယ်။ သူမဟာသေသွားတဲ့အခါတစ္ဆေဖြစ်သွားပြီး သားသမီးကိုသေသေချာချာမစောင့်ရှောက်တဲ့မိဘတွေလက်ထဲက ကလေးတွေကိုဖြားယောင်းခေါ်ဆောင်ကာ ရေနှစ်သတ်လေ့ရှိတယ်။ သူ့ငိုသံကိုကြားတဲ့သူတွေကလည်း ကံဆိုးမှုတခုခုနဲ့ကြုံပြီး အသက်ဆုံးရှုံးရတတ်တယ်လို့အဆိုရှိတယ်။
တချို့ကလည်း စပိန်စစ်ဘုရင် Hernan Cortes ရဲ့အမြှောင်မယား La Malinche သေပြီး La Llorona ဖြစ်သွားတယ်လို့ဆိုကြတယ်။ Nahua တိုင်းရင်းသူတယောက်ဖြစ်တဲ့ La Malinche ဟာ Cortes စွန့်ပစ်တာခံရပြီးနောက် လက်စားချေတဲ့အနေနဲ့သူနဲ့ရတဲ့ရင်သွေးကိုသတ်ပစ်သယောင်ယောင် ပြောကြတာလည်းရှိပါတယ်။ ပါးစပ်ရာဇ၀င်ဆိုတော့လည်းတိတိကျကျပြောဖို့ခက်သားလားဗျာ။
https://www.imdb.com/title/tt4913966/ (La Llorona)
https://www.imdb.com/title/tt2023587/ (Mama)
Sleepy Hollow (Ireland)
စာရေးဆရာ Washington Irving ရဲ့ The Legend of Sleepy Hollow ၀တ္ထုထဲကခေါင်းပြတ်နေတဲ့ မြင်းသည်တော်က၏ဟာ အိုင်ယာလန်ရိုးရာပုံပြင်တွေထဲမှာရှိတဲ့ The Dallahan လို့ခေါ်တဲ့တစ္ဆေကို အခြေခံထားတာဖြစ်ပါတယ်။ ဒီဝတ္ထုကိုပဲ Tim Burton က Sleepy Hollow ဆိုပြီးရုပ်ရှင်ရိုက်ခဲ့တယ်။
အိုင်းရစ်ရ်ှဒဏ္ဍာရီတွေထဲမှာတော့ ဒီတစ္ဆေဟာ သူ့ခေါင်းပြတ်ကြီးကိုလက်ထဲမှာပိုက်ပြီး မြင်းနက်ကြီးစီးကာတောထဲလျှောက်သွားနေတတ်တယ်။ သူလက်ညိုးထိုးလိုက်တဲ့သူဟာ နေရာမှာတင်လဲကျသေဆုံးလေ့ရှိတယ်လို့ဆိုကြပါတယ်။
Burton ရဲ့ရုပ်ရှင်ကတော့ ၁၇၀၀ခုနှစ် အမေရိကန်ပြည်ထောင်စုမှာဇာတ်အိမ်တည်ထားတာပါ။ Sleepy Hollow ဆိုတဲ့ရွာလေးမှာခေါင်းဖြတ်သတ်ခံရတဲ့အမှုတွေကိုစုံစမ်းပြီး တရားခံကိုဖော်ထုတ်ဖို့တာဝန်ပေးခံရတဲ့ ရဲအရာရှိ Ichabod Crane အဖြစ် Depp ကသရုပ်ဆောင်ထားတယ်။ ဒီဇာတ်ကျောရိုးနဲ့ TV series တခုလည်းထွက်ရှိထားပါတယ်။
https://www.imdb.com/title/tt0162661/ (Sleepy Hollow Film)
https://www.imdb.com/title/tt2647544/ (Sleepy Hollow TV)
The Tag-Along (Taiwan)
ဒီရုပ်ရှင်ကထိုင်ဝမ်မှာခေတ်စားခဲ့တဲ့ပါးစပ်ရာဇ၀င်တခုကိုအခြေခံထားတာပါ။ ဒီရာဇ၀င်မှာဆိုရင် Taichung တောင်ကိုခရီးထွက်ခဲ့တဲ့မိသားစုတစုဟာ အိမ်ပြန်ရောက်ပြီး ရက်အနည်းငယ်အတွင်းမှာသူတို့ရဲ့ ဆွေမျိုးတယောက်ကွယ်လွန်သွားခဲ့တယ်။ အဲ့ဒီသူရဲ့ဓာတ်ပုံတွေကိုအမှတ်တရပြန်ကြည့်ကြတဲ့အခါ သူတို့သွားခဲ့တဲ့ခရီးစဉ်ကဓာတ်ပုံတွေထဲမှာဂါဝန်အနီနဲ့ကလေးမလေးတယောက် တကောက်ကောက်လိုက်နေတာကိုတွေ့ခဲ့ကြတယ်။ ဒါပေမယ့်သူတို့အားလုံးအဲ့ဒီကလေးမလေးကို သတိမပြုမိကြဘူး။ အဲ့ဒီနောက်မှာတော့သူတို့မိသားစုဝင်တွေအားလုံး ပယောဂအမျိုးမျိုးနဲ့ တယောက်ပြီးတယောက်ဆုံးပါးကုန်ကြပါတော့တယ်။
ရုပ်ရှင်ထဲမှာတော့ဇာတ်လိုက်ဖြစ်သူ Wei ရဲ့အဘွားဟာတနေ့မှာရုတ်တရတ်ပျောက်ကွယ်သွားတယ်။ ဒါပေမယ့်ထူးဆန်းတာကသူ့အဘွားရှိနေတုန်းကအတိုင်း အိမ်အလုပ်တွေအားလုံးဟာ သူမလုပ်ရဘဲအကုန်ပြီးစီးနေတာပါပဲ။ မနက်ဆိုမနက်စာပြင်ပြီးသား၊ အ၀တ်အစားတွေလျှော်ဖွတ် မီးပူတိုက်ပြီးသား၊ အိမ်ဆိုလည်းအမြဲလိုလိုသန့်ရှင်းနေတယ်။ Wei လည်းသူ့အဘွားကိုရှာနေတုန်း အိမ်နီးချင်းတယောက်ရိုက်ထားတဲ့ video ထဲမှာအဘွားဖြစ်သူတောင်တက်ခရီးသွားနေတုန်း သူမနောက်ကိုဂါဝန်အနီနဲ့မိန်းကလေးတယောက် တကောက်ကောက်လိုက်နေတာတွေ့လိုက်ရတယ်။
တနေ့မှာ Wei ရဲ့အဘွားအိမ်ကိုပြန်ရောက်လာခဲ့ပြီး Wei ကတော့ပျောက်ချင်းမလှပျောက်သွားပါတော့တယ်။ ဒီလိုနဲ့ Wei ရဲ့ချစ်သူနဲ့ သူငယ်ချင်းတွေဟာ Wei အကြောင်းစုံစမ်းနေရင်း ထိုင်ဝမ်ပါးစပ်ရာဇ၀င်ထဲက ဂါဝန်အနီနဲ့ကောင်မလေးနဲ့ဒီအဖြစ်အပျက်တွေဆက်စပ်နေမှန်းသိသွားခဲ့ပါတယ်။
The VVitch (New England)
The Witch ကတော့အဖြစ်အပျက်တခုဆိုတာထက် သမိုင်းကြောင်းဆိုင်ရာခေတ်တခေတ်က အယူသည်းမှုတွေအကြောင်းပြောပြထားတာလို့ဆိုရမယ်။ ၁၇ရာစုက မြောက်အမေရိကရဲ့ ကျေးလတ်တွေမှာ စုန်းတစ္ဆေအယူအဆတွေတော်တော်ခေတ်စားခဲ့တယ်။ ရှေးရိုးစွဲခရစ်ယာန်ပျူရီတန်တွေကလည်း အရမ်းအယူသည်းကြပြီးစုန်းမလို့သံသယရှိသူမှန်သမျှကိုမီးရှို့သတ်ဖြတ်ခဲ့ကြဖူးပါတယ်။
ဒီဇာတ်ကားထဲမှာတော့ပျူရီတန်မိသားစုတစုဟာလူသူမနီးတဲ့တောနက်ကြီးဘေးမှာလာရောက်နေထိုင်ကြရင်း အောက်လမ်းမှော်ပညာတွေ၊ စုန်းအတတ်တွေနဲ့ရင်ဆိုင်ရတဲ့အဖြစ်ကိုတွေ့ရမှာပါ။
https://www.imdb.com/title/tt4263482/
The Wicker Man (Scotland)
Folk horror တွေထဲမှာအထင်ရှားဆုံးဖြစ်တဲ့ဒီရုပ်ရှင်ကတော့ ၁၉၇၃ခုနှစ်မှာထွက်ရှိထားတာဖြစ်ပြီး စကော့တလန်က Summerisle လို့ခေါ်တဲ့ ကျွန်းလေးတကျွန်းမှာ ရှေးနတ်ဘုရားတွေကိုကိုးကွယ်တဲ့ ရွာသူရွာသားတွေအကြောင်းရိုက်ထားတာပါ။
ဒီရုပ်ရှင်မှာဇာတ်လိုက်ဖြစ်သူ ရဲအရာရှိ Howie ဟာလူပျောက်အမှုတွေကိုစုံစမ်းရင်းဒီကျွန်းလေးကို ရောက်လာခဲ့တယ်။ အဲ့ဒီမှာကျွန်းသူကျွန်းသားတွေရဲ့ထူးဆန်းတဲ့ နတ်ကိုးကွယ်မှုအယူအဆတွေဟာ ဘာသာရေးကိုင်းရှိုင်းသူခရစ်ယာန်ဖြစ်တဲ့ Howie အတွက်တော့အလွန်ထူးဆန်းနေပါတယ်။ ဒီလိုနဲ့ပဲ ပျောက်ဆုံးသွားတဲ့ကလေးမလေးတွေဟာလူသတ်ယဇ်ပူဇော်တဲ့အလေ့နဲ့ဆက်စပ်နေမှန်း သိလိုက်ရပါတော့တယ်။
Celtic (ခဲလ်တစ်) နတ်ဘုရားကိုးကွယ်မှုတွေဟာ ယဇ်ပူဇော်မှုတွေနဲ့မကင်းပါဘူး။ ရုပ်ရှင်ထဲမှာပါတဲ့ကြိမ်ရုပ်ထုကြီးကိုယ်တိုင်ကလည်း ရှေးအခါက Celtic ယဇ်ဆရာတွေ ယဇ်ပူဇော်ရာမှာသုံးလေ့ရှိတဲ့အဆောက်အအုံတခုဖြစ်ပါတယ်။ ၂၀၀၆ခုနှစ်မှာ Nicholas Cage နဲ့ပြန်ရိုက်ထားပါသေးတယ်။
https://www.imdb.com/title/tt0070917/ (1973)
https://www.imdb.com/title/tt0450345/ (2006)
Willow Creek (USA)
Found footage ပုံစံရိုက်ထားတဲ့ ဒီရုပ်ရှင်ဟာ Bigfoot တကယ်ရှိမရှိစူးစမ်းလေ့လာကြတဲ့စုံတွဲတတွဲ ကြုံခဲ့ရတဲ့အဖြစ်အပျက်တွေအကြောင်းပါ။ ၁၉၆၇ခုနှစ်မှာ video တခုထဲတွေ့ခဲ့ရတဲ့ Bigfoot ရဲ့ပုံရိပ်ကိုအကြောင်းပြုပြီး Jim နဲ့ Kelly တို့အတွဲဟာကယ်လီဖိုးနီးယားမြောက်ပိုင်းကတောအုပ်ထဲ ၀င်ရောက်ခဲ့ကြတယ်။ Bigfoot ကိုယုံကြည်ကိုးကွယ်ကြတဲ့ဒေသခံတွေ၊ အမျိုးသမီးတယောက်ရဲ့ လူပျောက်ကြော်ငြာ၊ ညအခါတောထဲမှာကြားရတဲ့အသံနက်ကြီးတွေ၊ ဒီအဖြစ်အပျက်တွေအားလုံးကြုံခဲ့ရပြီးနောက် သူတို့တွေ့ချင်တဲ့ Bigfoot ကိုတွေ့ရလေမလား။
အနောက်တိုင်းအယူအဆတွေအရ Bigfoot ဟာရှေးဦးမျောက်ဝံကြီးတွေနဲ့လူသားတွေကြားက ပျောက်ကွယ်နေတဲ့မျိုးဆက်တခုလို့ယုံကြည်ကြတယ်။ တောနက်ထဲမတော်တဆတွေ့ခဲ့တယ်ဆိုတဲ့ ကောလဟာလတွေအများကြီးရှိခဲ့သလို ရုပ်ရှင်တွေလည်းအများကြီးထွက်ခဲ့ပေမယ့် Bigfoot တကယ်ရှိမရှိဆိုတာကတော့ အခုထိဝိ၀ါဒကွဲပြားစရာဖြစ်နေဆဲပါ။
https://www.imdb.com/title/tt2885364/
