ဓာတ်ပုံပညာနဲ့အသက်မွေးသူတွေ အပျော်တမ်းဓာတ်ပုံရိုက်သူတွေကြားမှာ တောရိုင်းတိရစ္ဆာန်တွေကိုဓာတ်ပုံရိုက်တဲ့အလုပ်ဟာတော်တော်လေးကိုခက်ခဲပါတယ်။ အဲ့ဒီထဲကမှ ငှက်တွေကိုပဲသီးသန့်ဓာတ်ပုံရိုက်တာကအပင်ပန်းခံနိုင်ရုံနဲ့မရဘဲ စိတ်ရှည်သည်းခံနိုင်ဖို့လိုပါသေးတယ်။
မြန်မာနိုင်ငံမှာဒေသခံငှက်မျိုးစိတ် ၁၁၁၃မျိုးရှိပြီး ဆောင်းခိုငှက်မျိုးစိတ် ၃၅၀လောက်နှစ်စဉ်နှစ်တိုင်း ၀င်ရောက်လေ့ရှိပါတယ်။ အပျော်တမ်းငှက်ဓာတ်ပုံဆရာတဦးဖြစ်တဲ့ ကိုဖြိုး ခေါ် ဦးသစ်ဦးကို သူ့အတွေ့အကြုံတွေနဲ့ ငှက်တွေရဲ့အကြောင်းစကားပြောဖြစ်ခဲ့ပါတယ်။
“ငှက်တွေကိုဓာတ်ပုံရိုက်ရင်း တနိုင်ငံလုံးတော့နှံ့နေပါပြီ။ နောက်ဆုံးသွားခဲ့တာကတော့ တနင်္သာရီ၊ ကယန်း၊ မိုးအင်းကြီးအင်းတို့ဘက်ပါ။ မန္တလေးမှာတော့နေရာတော်တော်များများမှာငှက်တွေကျတတ်တယ်။ စစ်ကိုင်း၊ တံတားဦး၊ စွန်ရဲအင်း၊ ပလိပ်အင်းတို့ဘက်မှာငှက်တွေအတွေ့ရများပါတယ်။”
ကိုဖြိုးဟာ ငှက်တွေကိုဓာတ်ပုံရိုက်နေတာ အခုဆို ၉နှစ်လောက်ရှိပါပြီ။ တကယ်တော့ငှက်ဓာတ်ပုံရိုက်တယ် ဆိုတာလွယ်ကူတဲ့ကိစ္စတော့မဟုတ်ပါဘူး။ ငှက်ဖျားလိုရောဂါတွေကိုကြောက်ရသလို မြွေ၊ ကင်း စတဲ့အဆိပ်ရှိတိရစ္ဆာန်တွေကလည်း အန္တရာယ်ပေးနိုင်ပါတယ်။ ဒါ့အပြင်သဘာဝဘေးအန္တရာယ်တွေကိုလည်း သတိထားရပါသေးတယ်။
“မြွေကတော့တော်တော်လေးကိုရိုးသွားပါပြီ။ ချော်လဲတာတွေဘာတွေကိုလည်း သိပ်မကြောက်တော့ဘူး။ ဒါပေမယ့်တောင်သမန်အင်းလိုနေရာမျိုးသွားရင်တော့သတိထားရတယ်ဗျ။ ငှက်ရှိတဲ့နေရာတွေကိုသွားရင် ဒူးဆစ်ကျော်ကျော်လောက်မြုပ်တဲ့ရွှံ့ထဲမှာသွားရတာလေ။ ဖိနပ်စီးလို့လည်းမရဘူး။ အဲ့ဒီမှာဆေးထိုးအပ်တွေ ဖန်ကွဲစတွေရှိနေတော့တော်တော်အန္တရာယ်များတယ်။ တောရိုင်းတိရစ္ဆာန်တွေကိုဓာတ်ပုံရိုက်တာဆိုတော့ အန္တရာယ်ကတော့အမြဲရှိတာပါပဲ။”
လူနေအိမ်ချဲ့ထွင်မှု၊ သဘာသပတ်ဝန်းကျင်ပျက်စီးမှုနဲ့ အဆိပ်ချသတ်ဖြတ်မှုတွေဟာ ဌာနေငှက်တွေကိုရော ဆောင်းခိုငှက်တွေကိုပါခြိမ်းခြောက်လာပါတယ်။ International Union for Conservation of Nature ရဲ့သတ်မှတ်ချက်တွေအရ ကမ္ဘာတ၀ှမ်းမှာမျိုးသုဉ်းလုဖြစ်နေတဲ့ ငှက်မျိုးစိတ် ၄၆မျိုးကို မြန်မာနိုင်ငံမှာတွေ့ရတယ်။ အဲ့ဒီထဲက ၈မျိုးဟာမျိုးသုဉ်းလုဆဲအခြေအနေနဲ့ရင်ဆိုင်နေရပါတယ်။
“ဘဲအိုးချပ်ဆိုတဲ့ဘဲတမျိုးဆိုရင် ကမ္ဘာကမျိုးသုဉ်းပြီလို့သတ်မှတ်ထားကြတာပေါ့။ လူနေအိမ်တွေတိုးချဲ့လာတော့ သူ့ရဲ့သားပေါက်ဖွားရာနေရာတွေမရှိတော့ဘူး။ ဒါပေမယ့်မြန်မာနိုင်ငံမှာ လွန်ခဲ့တဲ့ ၃-၄ နှစ်လောက်မှာ နည်းနည်းတွေ့တယ်။ ကောင်ရေကတော့ ၁၀ကောင်ထက်မပိုပါဘူး။ မနှစ်ကပုလိပ်အင်းမှာသူတို့လာတော့ ဒေသခံတွေကအဆိပ်ချဖမ်းလို့သေသွားတာ၊ အကောင်ပါတွေ့ခဲ့တယ်။”
ဆောင်းခိုငှက်တွေဟာ စပါးခင်းတွေကိုဖျက်ဆီးတတ်တဲ့အင်းဆက်တွေကိုဖမ်းဆီးစားသောက်လေ့ရှိတဲ့အတွက် ဒီလိုပိုးကောင်မွှားကောင်တွေအလွန်အမင်းပေါက်ပွားခြင်းမပြုနိုင်အောင်တားဆီးပေးပါတယ်။ ဆောင်းခိုငှက်တွေကိုအစာအဖြစ်ဖမ်းဆီးသတ်ဖြတ်ခြင်းမပြုဖို့ ဒေသခံတွေကိုအသိပညာပေးရန်လိုအပ်ပါတယ်။
“ကျနော်တို့ရဲ့ Wild Wings Group မှာပါတဲ့ဒေါက်တာသိန်းအောင်က Myanmar Bird and Nature Society အသင်းရဲ့ဥက္ကဌဖြစ်ပါတယ်။ အဲ့ဒီတော့သူ့လှုပ်ရှားမှုတွေကိုဝင်ပါဖြစ်တဲ့သဘောပါပဲ။ မန္တလေးမှာ ဟောပြောပွဲတွေနဲ့အသိပညာပေးဖြစ်ပါတယ်။”
ကိုဖြိုးရဲ့တကိုယ်တော်ဓာတ်ပုံပြပွဲကို သြဂုတ်လ ၉ရက်နေ့ကနေ ၁၁ရက်နေ့အထိ Yangon Gallery မှာခင်းကျင်းပြသသွားမှာပါ။ ငှက်တွေရဲ့ဓာတ်တွေ ၁၅၀၀န်းကျင်လောက်ပါဝင်မှာဖြစ်ပြီး ဓာတ်ပုံစာအုပ်တအုပ်ကိုလည်း ထုတ်ဝေသွားမယ်လို့ပြောပါတယ်။
အကိုးအကား
https://www.myanmarbirdnaturesociety.com/birds
https://myanmar.wcs.org/Wildlife/Birds.aspx
