ပင်လယ်စာတွေစားရင်သန့်ရှင်းလတ်ဆတ်မှုရှိဖို့အရေးကြီးပါတယ်။ အရသာဘယ်လောက်ကောင်းကောင်း သန့်ရှင်းလတ်ဆတ်မှုမရှိတဲ့ ingredient တွေကိုအသုံးပြုမထားရင် စားသုံးသူကျန်းမာရေးကိုထိခိုက်နိုင်တယ်။
မိသားစုနဲ့ဖြစ်ဖြစ် မိတ်ဆွေအပေါင်းအသင်းတွေနဲ့ပဲဖြစ်ဖြစ် ၀ိုင်းဖွဲ့စားသောက်ချင်တယ်ဆိုရင်တော့ premium အဆင့်ပင်လယ်စာတွေရနိုင်တဲ့ Ocean Pride ကိုတခါလောက်တော့သွားကြည့်သင့်တယ်။ သူကပင်လယ်စာလတ်လတ်ဆတ်ဆတ်တွေကို ထိုင်းစတိုင်ချက်ပြုတ်ထားတာမို့ ပူပူစပ်စပ်အရသာကြိုက်တဲ့သူတွေသဘောကျမှာပါ။
ဆိုင်ခန်းက ၂ထပ်မို့တော်တော်ကျယ်ဝန်းတယ်။ အပြင်မှာလည်းစားပွဲတွေချပေးထားတာမို့ ညဘက်အေးအေးဆေးဆေး dinner စားဖို့အဆင်ပြေပါတယ်။ ကျနော်တို့ကတော့ နေ့လယ်စာစားချိန်ရောက်သွားပြီး ဟင်း ၄ပွဲနဲ့ ၃ယောက်စာထမင်းတလုံးစီမှာလိုက်ပါတယ်။
ပထမဆုံးရောက်လာတာက Pat Cha။ သူ့ကိုဆိုင်ရဲ့ signature အဖြစ် menu မှာညွှန်းထားတာတွေ့လို့ မှာကြည့်လိုက်တာ။ ပင်စိမ်းနံ့သင်းနေလို့အနံ့ရတာနဲ့ဗိုက်ဆာစေတဲ့ဟင်းမျိုးဗျ။ သူကဂုံး၊ ပုစွန်၊ ကင်းမွန်၊ ဂဏန်းတွေကိုအရည်စပ်စပ်လေးချက်ထားပြီး ခရမ်းကဆော့သီးတွေလည်းပါတယ်။ ငရုတ်ကောင်းသီးလေးတွေကို အတွဲလိုက်ထည့်ပေးထားလို့ သူ့အမွှေးနံ့ကတမူထူးနေတာ။ အရသာကတော့ချိုချိုစပ်စပ်ဘက်ကိုသွားပါတယ်။
နောက်ထပ်မှာထားတဲ့ဟင်းပွဲကတော့ဆိုင်ရဲ့နာမည်ကြီး ငါးရံ့ဆားကင်ပါ။ အိစက်နူးညံ့တဲ့ငါးရံ့အသားတွေကို တူလေးနဲ့ညှပ်ယူပြီး ချိုချဉ်အရသာမန်ကျည်းသီးဆော့စ်နဲ့တွဲစားရတဲ့ခံစားချက်ကဘာနဲ့မှမတူဘူး။ သူ့ကိုတော့ထမင်းနဲ့စားတာထက် ဒီအတိုင်းစားတာပိုကြိုက်ပါတယ်။
Delivery menu ထဲကကီလိုဝက်လောက်ရှိတဲ့ရေချိုဂဏန်းပေါင်းကတော့ delivery ပို့တဲ့ပုံစံအတိုင်း ပလတ်စတစ်ဘူးလေးနဲ့ရောက်လာတယ်။ ငရုတ်ဆီနဲ့ထိုင်း seafood sauce ၂မျိုးကလည်း ပလတ်စတစ်ဘူးလေးနဲ့ပဲ။ သူနဲ့ ကမာကောင်ကိုတော့ကျနော်တို့သူငယ်ချင်း ၃ယောက် ထမင်းနဲ့မစားဘဲဒီအတိုင်းစားပစ်လိုက်ပါတယ်။ 😀
လတ်လတ်ဆတ်ဆတ်ပင်လယ်စာတွေပဲသုံးထားလို့ ကျန်းမာရေးအတွက်စိတ်ပူစရာမလိုဘူး။ အချိုမှုန့်မပါဘဲသဘာဝပင်လယ်စာအချိုဓာတ်ကိုပဲ အဓိကထားတာမို့ စားပြီးရင်ပူတာရေငတ်တာတွေမရှိပါဘူး။ စားပြီးသွားတော့မမှာထားမိဘဲ နို့သစ်သီးစုံတွေရောက်လာလို့ ဘယ်သူမှာထားတာလဲမေးကြည့်တော့ ကြာသာပတေးနေ့ကနေ တနင်္ဂနွေနေ့အထိစားသုံးသူတွေကို အချိုပွဲအခမဲ့ကျွေးတယ်လို့ပြောပါတယ်။ ကျနော်တို့ရောက်သွားတာကလည်း သောကြာနေ့ဆိုတော့အတော်ပဲပေါ့ဗျာ။ 😛
နို့စိမ်းနဲ့နွားနို့ကို ပန်းသီး၊ နဂါးမောက်သီးစတဲ့ရာသီပေါ်သီးနှံတွေနဲ့ရောထားတာ။ ရေခဲလေးတွေပါပါတော့ ချိုအေးမွှေးပေါ့ဗျာ။ တချို့နေ့တွေဆိုရင်တော့ သာကူနဲ့ကန်စွန်းဥတို့ဘာတို့ကျွေးတယ်လို့ပြောပါတယ်။
ဈေးနှုန်းအားဖြင့်ပြောရမယ်ဆိုရင်တော့ appetiser တွေက ကျပ် ၄၀၀၀-၅၀၀၀ ၀န်းကျင်လောက်ရှိပြီး အဓိကဟင်းလျာတွေကတော့ ကျပ် ၁၀၀၀၀ လောက်ရှိပါတယ်။ ဂဏန်းတွေကတော့ အလေးချိန်နဲ့ရောင်းတာဖြစ်ပြီး ကျပ် ၁၅၀၀၀ ကနေ ၃၀၀၀၀ လောက်အထိရှိနိုင်ပါတယ်။ ဈေးနှုန်းတွေက ရာသီအလိုက်ကုန်ပစ္စည်းရရှိမှုအပေါ်မူတည်ပြီးအပြောင်းအလဲရှိတဲ့အတွက် မမှာခင်ကြိုမေးကြည့်ပါနော်။ VIP ခန်းတွေကိုလည်းငှားလို့ရပါတယ်။
အမှတ် (၂၀)၊ သုခ၀တီလမ်း၊ ရန်ကင်း၊ ရန်ကုန်။
09 44399 3772
10:30 AM – 11:00 PM
