Scary Stories to Tell in the Dark ဆိုတာ အမေရိကန်စာရေးဆရာ Alvin Schwartz ရဲ့သရဲတစ္ဆေ၀တ္ထုတိုတွေကိုအခြေခံပြီးရိုက်ထားတဲ့ရုပ်ရှင်ပါ။
မူရင်းဝတ္ထုတွေကသီးသန့်ဇာတ်လမ်းကိုယ်စီရှိကြပြီး အဲ့ဒီထဲကဇာတ်လမ်းတချို့ကိုမှီငြမ်းကာရုပ်ရှင်ဇာတ်လမ်းကို တည်ဆောက်ထားတာဖြစ်ပါတယ်။ ဒီဆောင်းပါးမှာတော့ဇာတ်လမ်းအကျဉ်းနဲ့ တစ္ဆေတကောင်စီရဲ့ဝတ္ထုထဲကဇာတ်လမ်းအကြောင်းပြောပြချင်ပါတယ်။
ဇာတ်လမ်းကတော့ ၁၉၆၈ခုနှစ်ရဲ့ Halloween ညမှာသရဲခြောက်တယ်လို့နာမည်ကြီးတဲ့ Bellow မိသားစုရဲ့အိမ်အိုကြီးထဲဝင်သွားကြပြီး သရဲတစ္ဆေဇာတ်လမ်းတွေရေးထားတဲ့စာအုပ်တအုပ်ကို ရှာတွေ့သွားရာကနေ စပါတယ်။ အဲ့ဒီထဲကဇာတ်လမ်းတွေမှာသူတို့သူငယ်ချင်းတွေရဲ့နာမည်တွေပါနေပြီး ပုံပြင်တပုဒ်ကိုဖတ်လိုက်တာနဲ့အဲ့ဒီဇာတ်လမ်းထဲကသူရဲတစ္ဆေတွေအသက်ဝင်လာပြီး အပြင်လောကမှာလည်း ဇာတ်လမ်းထဲကအတိုင်းဖြစ်လာပါတော့တယ်။
Schwartz ရေးသားခဲ့တာ Book series ၃ခုစာဇာတ်လမ်းတွေဖြစ်ပေမယ့် တနာရီကျော်ကျော်စာရုပ်ရှင်ထဲမှာ သရဲ ၆ကောင်သာပါတယ်။ ဒီအထဲကသရဲ ၄ကောင်က၀တ္ထုတွေထဲကတိုက်ရိုက်ယူထားခြင်းဖြစ်ပြီး ကျန် ၂ကောင်ကတော့ Guillermo del Toro တို့လို producer တွေဖန်တီးထားတာပါ။ ကဲ..ရုပ်ရှင်ထဲကသရဲတွေရဲ့မူရင်းဇာတ်လမ်းအကြောင်းဖတ်ကြည့်ရအောင်။
Big Toe
ဒီဇာတ်လမ်းက Schwartz ရဲ့အစောပိုင်းဝတ္ထုတပုဒ်ဖြစ်ပြီး တော်တော်အော်ဂလီဆန်ချင်စရာကောင်းတယ်။ ကောင်လေးတယောက်ကခြံထဲမှာမြေကြီးတူးရင်း ခြေမကြီးတခုကိုရှာတွေ့တယ်။ အဲ့ဒါနဲ့အိမ်ကိုယူလာပြီးသူ့အမေကိုပြကြည့်တော့ သူ့အမေကခြေမကြီးကိုဟင်းချက်ပစ်လိုက်တယ်။ ကောင်လေးလည်းမစားချင်စားချင်နဲ့အဲ့ခြေမဟင်းကိုစားလိုက်ရတယ်။ ညလည်းရောက်ရော အလောင်းကောင်ကြီးတကောင်အိမ်ထဲရောက်လာပြီး “ငါ့ခြေမပြန်ပေး… ငါ့ခြေမပြန်ပေး…” နဲ့တောင်းပါသတဲ့။
Harold
ကမ္ဘာအနှံ့ကကျေးလတ်ပုံပြင်တွေမှာစာခြောက်ရုပ်ကနေတစ္ဆေဖြစ်သွားတဲ့ဇာတ်လမ်းတွေ မကြာခဏတွေ့ရလေ့ရှိပါတယ်။ Harold ကလည်းဒီလိုကျေးလတ်ပုံပြင်တွေကိုအခြေခံထားတာပါ။ မူရင်းဇာတ်လမ်းမှာ Thomas နဲ့ Alfred လို့ခေါ်တဲ့သူငယ်ချင်းနှစ်ယောက်ဟာ သူတို့ကြည့်မရတဲ့ Harold ဆိုတဲ့လယ်သမားတယောက်ရဲ့ပုံအတိုင်းစာခြောက်ရုပ်ကြီးတရုပ်လုပ်ပြီးသူတို့လယ်ထဲထောင်ထားတယ်။ မိုးရွာရင်လယ်စောင့်တဲထဲပြန်သိမ်းထားပြီး သူတို့စိတ်အလိုမကျတဲ့အခါအဲ့ဒီစာခြောက်ရုပ်ကြီးကိုထိုးတယ်၊ ဆဲတယ်၊ တံတွေးနဲ့ထွေးတယ်။ တနေ့သူတို့မကြိုက်တဲ့ဟင်းကို စာခြောက်ရုပ်ရဲ့မျက်နှာပေါ်ထွေးပြီး “ဘယ်လိုလဲ ကြိုက်လား” ဘာညာမေးတယ်။ ပြီးတော့ဟင်းအနှစ်တွေကိုစာခြောက်ရုပ်ပေါ်ကသုပ်ပေးနေတုန်း အရုပ်ဆီကအသံတခုကြားလိုက်ရတယ်။ ဒါပေမယ့်အကောင်တွေဘာတွေဝင်နေရာက အသံထွက်လာတာပဲလို့ တွေးပြီးအမှုမဲ့အမှတ်မဲ့ပဲထားလိုက်ကြတယ်။
ဒါပေမယ့် Harold ဟာတနေ့တခြားအကောင်ကြီးလာတာကိုသတိထားမိလာတယ်။ တနေ့မှာတော့ တဲအိမ်ထဲကနေ Harold ထွက်လာပြီး ခေါင်မိုးပေါ်တက်သွားတာကိုမြင်လိုက်ရတဲ့အခါမှာတော့ သူတို့ ၂ယောက်လည်းဘာဆက်လုပ်ရမှန်းမသိအောင် ကြောက်လန့်သွားတော့တယ်။
အဲ့ဒီနေ့မှာပဲ Harold ဟာတဲအိမ်ထဲကပျောက်ချင်းမလှပျောက်သွားပါတယ်။ သူတို့သူငယ်ချင်း ၂ယောက်လည်း စိတ်သက်သာရာရသွားပြီး လုပ်စရာရှိတာတွေလုပ်ပြီးနောက် အိမ်ပြန်လာကြတယ်။ လမ်းတ၀က်ရောက်တော့ လယ်စောင့်တဲထဲမှာနွားနို့ညှစ်ဖို့သုံးတဲ့ပစ္စည်းကိရိယာတွေကျန်ခဲ့တာသတိရပြီး ဘယ်သူသွားပြန်ယူမလဲဆိုတာ မဲနှိုက်ဆုံးဖြတ်တဲ့အခါ Thomas မဲပေါက်ပါတယ်။ ဒီလိုနဲ့ Thomas ပြန်သွားယူပြီး Alfred ကတော့အိမ်အထိဆက်လျှောက်သွားတယ်။
Alfred လည်းတောင်ကုန်းအမြင့်တနေရာရောက်တော့ လယ်ကွင်းထဲလှမ်းကြည့်တဲ့အခါ လယ်စောင့်တဲခေါင်မိုးပေါ်မှာ သွေးအလိမ်းလိမ်းပေနေတဲ့လူ့အရေခွံကြီးတခုကိုနေလှန်းနေတဲ့ Harold ကိုတွေ့လိုက်ရပါတော့တယ်။
Spiders
The Red Spot လို့ခေါ်တဲ့ဝတ္ထုတိုမှာ မိန်းကလေးတယောက်အိပ်ရာကနိုးလာတော့ သူ့မျက်နှာပေါ်မှာအနီဖုကြီးတဖုပေါက်နေတာတွေ့ရတယ်။ သူလည်းပင့်ကူရှပ်တာပဲဆိုပြီးအမှုမဲ့အမှတ်မဲ့ နေလိုက်ပါတယ်။ အဲ့ဒီအဖုဟာတဖြည်းဖြည်းကြီးလာပြီး တညမှာကောင်မလေးးရေချိုးနေတုန်း ထပေါက်သွားကအထဲကရာနဲ့ချီတဲ့ပင့်ကူပေါက်စလေးတွေထွက်လာပါတော့တယ်။ ဒီဇာတ်လမ်းကတော့ကြောက်ဖို့ဆိုတာထက် အသဲယားဖို့ကောင်းတာပါ။ အနောက်တိုင်းမှာမိန်းကလေးသူငယ်ချင်းတွေအချင်းချင်းစနောက်ပြောလေ့ရှိတဲ့ urban legend ကိုအခြေခံထားခြင်းဖြစ်ပါတယ်။
The Pale Lady
သွေးမရှိသလိုဖြူဖျော့နေတဲ့တစ္ဆေကတော့ The Dream ဆိုတဲ့ပုံပြင်ထဲကယူထားတာပါ။ Lexi Morgan လို့ခေါ်တဲ့ကောင်မလေးဟာ ခရီးသွားတုန်းအိပ်မက်တခုမက်တယ်။ အိပ်မက်ထဲမှာသူမဟာ အိမ်တအိမ်ထဲရောက်နေပြီး ကြောင်လိမ်လှေကားကနေတဆင့် ပြတင်းပေါက်တွေကိုသံနဲ့အသေပိတ်ရိုက်ထားတဲ့ အိပ်ခန်းထဲရောက်သွားတယ်။ အဲ့ဒီအိပ်ခန်းထဲမှာအိပ်နေတုန်း ဆံပင်ဖားလျားချထားပြီးအသားအရည်ဖြူဖျော့နေတဲ့မိန်းမကြီးတယောက်အခန်းထဲဝင်လာပြီး “ဒီနေရာကအန္တရာယ်ရှိတယ်။ ပြေးနိုင်တုန်းလွတ်အောင်ပြေး” လို့ပြောပါတယ်။
သူလည်းအိပ်နေရာကလန့်နိုးလာပြီး သူမူလကသွားမယ်လို့စီစဉ်ထားတဲ့ Kingston မြို့အစား Dorset မြို့ကိုပဲသွားမယ်လို့ဆုံးဖြတ်လိုက်တယ်။ အဲ့ဒီလိုနဲ့ Dorset လည်းရောက်ရော တည်းခိုခန်းတခုမှာဝင်တည်းတဲ့အခါ အဲ့ဒီအိမ်ကသူ့အိပ်မက်ထဲကအတိုင်းတထေရာတည်းဖြစ်နေတာကို တွေ့လိုက်ရပါတယ်။ တည်းခိုခန်းပိုင်ရှင်အမျိုးသမီးကြီးက လက်ဘက်ရည်သွားယူဦးမယ်ဆိုပြီးထွက်သွားတုန်း Lexi လည်းဆက်နေရကောင်းမလား၊ ထွက်သွားရကောင်းမလားဝေခွဲမရဖြစ်နေစဉ်မှာပဲ တံခါးခေါက်သံကြားလို့ဖွင့်ကြည့်လိုက်တဲ့အခါ သူ့အိပ်မက်ထဲကဆံပင်ဖားလျားနဲ့ဖြူဖျော့ဖျော့အမျိုးသမီးကြီးကို တွေ့လိုက်ရပါတော့တယ်။
Jangly Man
Guillermo del Toro ကတော့ Jangly Man ဟာဝတ္ထုထဲကတစ္ဆေအမျိုးမျိုးကိုမှီငြမ်းပြီး ရုပ်ရှင်အတွက်သီးသန့်ဖန်တီးထားတဲ့ဇာတ်ကောင်လို့ပြောပါတယ်။ ဒီတစ္ဆေဟာအလောင်းကောင်တွေရဲ့ ကိုယ်အင်္ဂါအစိတ်အပိုင်းတွေပေါင်းစပ်ထားတာဖြစ်ပြီး လက်နှစ်ဘက်ကိုထောက်ရင်း ဇောက်ထိုးသွားနိုင်တယ်။ သူ့နေရာမှာ ခန္ဓာကိုယ်ကိုလိမ်ကောက်အောင်လုပ်နိုင်တဲ့ပညာရှင် Troy James ကသရုပ်ဆောင်ပါတယ်။
Sarah Bellows
သူကလည်းရုပ်ရှင်အတွက်ဖန်တီးထားတဲ့ဇာတ်ကောင်ဖြစ်ပြီး မူရင်းဝတ္ထုမရှိပါဘူး။ မူရင်းဝတ္ထုတွေထဲမှာ The Haunted House ထဲကသရဲမကတော့သူနဲ့အနီးစပ်ဆုံးတူပါတယ်။ ဒီဇာတ်လမ်းထဲမှာတစ္ဆေခြောက်တဲ့အိမ်ကြီးထဲကို ၀င်ရောက်လေ့လာတဲ့ဘုန်းကြီးတပါးဟာ မျက်စိတွေဖောက်ခံထားရတဲ့တစ္ဆေမတယောက်နဲ့တွေ့တယ်။ အဲ့ဒီတစ္ဆေဟာသူမကိုသတ်ခဲ့တဲ့သူကိုဖော်ထုတ်ပေးဖို့ ဘုန်းကြီးကိုအကူအညီတောင်းပါတယ်။ ဒီလိုနဲ့ဘုန်းကြီးလည်းအဲ့ဒီတစ္ဆေရဲ့အလောင်းကောင်ကိုရှာတွေ့သွားပြီး ဘုရားကျောင်းမှာဈာပနကျင်းပပေးတယ်။ အသုဘရှုလာတဲ့သူတွေထဲကယောက်ျားတယောက်ဟာ မတော်တဆအဲ့ဒီအလောင်းရဲ့လက်နဲ့ထိမိသွားတော့ အဲ့ဒီလက်ညှိုးဟာပြတ်ပြီးအဲ့ဒီလူရဲ့ကိုယ်မှာကပ်နေတယ်။ ဘုန်းကြီးဟာဒီနည်းနဲ့လူသတ်သမားကိုရှာတွေ့ပြီးအပြစ်ပေးလိုက်နိုင်ပါတယ်။ ကောင်မလေးကလည်း ကောင်းရာဘုံဘ၀ကိုရောက်သွားတယ်ဆိုပြီးအဆုံးသတ်ထားတယ်။
Sarah Bellows ရဲ့ဇာတ်လမ်းကိုတော့ ရုပ်ရှင်ထဲမှာပဲကိုယ့်ဘာသာကိုယ်ကြည့်လိုက်ပါတော့နော်။
