အီဂျစ်မှာနိုင်းမြစ်၊ မြန်မာမှာဧရာဝတီလို့ဆိုရလောက်အောင်ပဲ ဧရာဝတီနဲ့မြန်မာနိုင်ငံဟာခွဲခြားမရပါဘူး။ ဒီမြစ်ကြီးဟာမြန်မာနိုင်ငံသားတွေအတွက်သဘာဝရဲ့လက်ဆောင်မွန်လို့လည်းပြောလို့ရတယ်။ ဒီမြစ်ကြီးကိုမှီပြီး မန္တလေးနဲ့ပုဂံဆိုတဲ့ရှေးဟောင်းမြန်မာနိုင်ငံတော်ကြီးတွေထွန်းကားခဲ့တယ်။ ဒီမြို့ကြီးတွေကိုသွားရောက်လည်ပတ်တဲ့အခါ ဘုရားပုထိုးတွေနဲ့ရှေးဟောင်းအဆောက်အအုံတွေကို သွားကြည့်ရုံနဲ့ မလုံလောက်သေးပါဘူး။ အနီးအနားကျေးရွာတွေကလူမှုအသိုင်းအ၀ိုင်းတွေနဲ့ နှစ်ရာပေါင်းများစွာတည်တံ့နေဆဲယဉ်ကျေးမှုထုံးတမ်းတွေကိုပါ လေ့လာသင့်ပါတယ်။
ဒီမြို့တွေကိုသွားလည်တဲ့အခါလူတော်တော်များများကလေယာဉ်၊ ဇိမ်ခံသင်္ဘောတွေနဲ့သွားလေ့ရှိပေမယ့် ကျမတို့ကတော့ကျေးရွာဓလေ့ကိုလေ့လာချင်လို့ ကားနဲ့ပဲသွားလိုက်ပါတယ်။ ဒီခရီးစဉ်မှာ ရှေးဟောင်းစေတီတွေကိုလည်ပတ်ခဲ့သလို ဧရာဝတီမြစ်ပေါ်မှာလည်းသင်္ဘောစီးခဲ့ပါသေးတယ်။ အနီးအနားကကျေးရွာတွေမှာလည်းရွာသူရွာသားတွေနဲ့တွေ့ဆုံစကားပြောခဲ့သလို ဒေသခံလိပ်တွေကိုလည်း လေ့လာခွင့်ရခဲ့ပါတယ်။
မင်းဇွန်တောင်ဘေးမဲ့တောကိုသွားလည်တုန်းမှာ ပူနွေးခြောက်သွေ့တဲ့ဒေသတွေမှာနေလေ့ရှိတဲ့ ကြယ်လိပ်တွေကိုတွေ့ခဲ့တယ်။ မျိုးသုဉ်းလုနီးအန္တရာယ်နဲ့ရင်ဆိုင်နေရတဲ့ဒီကြယ်လိပ်တွေအကြောင်း လေ့လာချင်တယ်ဆိုရင် ဒီဘေးမဲ့တောကမသွားမဖြစ်သွားသင့်တဲ့နေရာတခုပါ။ တောအ၀င်ဝမှာ မျိုးပွားဌာနရှိပြီး ချစ်စရာလိပ်ကလေးတွေကိုတွေ့နိုင်တယ်၊ အစာလည်းကျွေးနိုင်ပါတယ်။ သူတို့ကိုတောထဲမပို့ခင်အချိန်အထိ ဘယ်လိုထိန်းသိမ်းစောင့်ရှောက်သလဲဆိုတာကိုလည်း လေ့လာနိုင်တယ်။ ဒီဖြစ်စဉ်ကိုသေချာရှင်းပြဖို့ ဖော်ရွေပျူငှာလှတဲ့ဝန်ထမ်းတွေဟာကျမတို့ကို လိပ်ကလေးတွေကိုစောင့်ရှောက်ထားတဲ့ခြံထဲလိုက်ပို့ပေးတယ်။
ဘေးမဲ့တောကအပြန်မှာတော့ ယန္တပိုရွာကိုဝင်ခဲ့ကြပါတယ်။ ဒီရွာကတော့မြေအိုးကောင်းတွေထွက်လို့ နိုင်ငံကျော်တဲ့ရွာလေးပေါ့။ ဒီရွာမှာအိမ်ခြေ ၂၀၀လောက်ပဲရှိပြီး လူသူအရောက်အပေါက်နည်းလှတယ်။ ၁၈၂၆ခုနှစ်မှာ ပထမအင်္ဂလိပ်-မြန်မာစစ်ပွဲအတွက်စစ်ပြေငြိမ်းရေးစာချုပ်ကို ဒီရွာလေးမှာပဲချုပ်ဆိုခဲ့တာပါ။ ဗြိတိသျှတွေဟာအင်းဝနေပြည်တော်နဲ့ ၈၀ကီလိုမီတာသာဝေးတဲ့ယန္တပိုရွာအထိရောက်နေပြီဖြစ်တဲ့အတွက် မြန်မာတွေအနေနဲ့သူတို့တောင်းဆိုသမျှကိုလိုက်လျောခဲ့ရတယ်။ ဒါဟာဗြိတိသျှကိုလိုနီအုပ်ချုပ်ရေးရဲ့ ပထမဆုံးခြေလှမ်းလို့လည်းပြောလို့ရပါတယ်။
ယန္တပိုမှာ Yandabo Home ဆိုတဲ့ဟိုတယ်လေးကတော့ နေရထိုင်ရတော်တော်အဆင်ပြေပါတယ်။ တိတ်ဆိတ်ငြိမ်သက်တဲ့ဧရာဝတီမြစ်ကမ်းပါးပေါ်မှာတည်ရှိတယ်။ ပြီးတော့ရွာနဲ့လည်းနီးတဲ့အတွက် အိမ်လေးတွေဆီလမ်းလျှောက်လည်ပတ်လို့ရတယ်။ ဒါကြောင့်အိုးလုပ်ပုံအဆင့်ဆင့်ကိုလေ့လာနိုင်ခဲ့ပါတယ်။ နေ့လယ်စောင်းလောက်မှာတော့ ၁၅မိနစ်လောက်လှေစီးပြီးပန်းညိုရွာကိုသွားလည်ခဲ့တယ်။ ညနေခင်းဆို ကျွဲတွေအုပ်လိုက်ဧရာဝတီမြစ်ထဲရေချိုးပေးကြတာကိုလည်းတွေ့ခဲ့ရပါတယ်။ ပြီးတော့ရွာထဲလမ်းလျှောက်ရင်း မြစ်အရှေ့ကတောင်ကုန်းထဲကိုနေမင်းကြီး တဖြည်းဖြည်းနိမ့်ဆင်းသွားတာကိုလည်း ကြည့်ခဲ့ပါသေးတယ်။
နောက်နေ့မနက်မှာတော့ ပခုက္ကူကဈေးရယ်၊ ဖိနပ်စက်ရုံရယ်ကိုသွားကြည့်ခဲ့တဲ့အပြင် ပခုက္ကူစောင်တွေချုပ်လုပ်ပုံကိုလည်းလေ့လာခဲ့တယ်။ ပခုက္ကူဆိပ်ကမ်းကနေ ဧရာဝတီမြစ်တလျှောက် လှေစီးရတာကလည်းပျော်စရာကောင်းပါတယ်။ နိုင်ငံခြားသားတွေသိပ်မသိသေးတဲ့ ကျောက်ဂူဥမင်စေတီကိုလည်းဖူးခဲ့ပါသေးတယ်။ စေတီကအပြန်မှာတော့ ပုဂံကိုရေကြောင်းခရီးနဲ့သွားခဲ့ပါတယ်။
Khiri Travel ခရီးသွားလာရေးကုမ္ပဏီမှ sales and communication ပိုင်းတာဝန်ယူထားတဲ့ မကြည်စင် ရေးသားတဲ့ Taking the Slow Road from Mandalay to Bagan ကိုဆီလျော်အောင်ဘာသာပြန်ဆိုဖော်ပြခြင်းဖြစ်ပါတယ်။
Khiri Travel
01 375 577
[email protected]
khiri.com
