ပိတ်ရက်တိုင်းဘားချည်းထိုင်နေရတာပျင်းနေပြီလား။ ဒါဆိုရင်တော့သူငယ်ချင်းတွေနဲ့ ဂိမ်းတွေအတူဆော့ရင်းအပျင်းဖြေလို့ရမယ့်နေရာ ၈ခုအကြောင်းပြောပြပေးချင်ပါတယ်။ မသွားခင်ဘွတ်ကင်ကြိုလုပ်ဖို့တော့မမေ့နဲ့နော်။
ကိုယ်လက်လှုပ်ရှားမှုလည်းလုပ်ချင်တယ်၊ ကိုယ့်ကြံ့ခိုင်မှုကိုလည်းစမ်းသပ်ချင်တယ်ဆိုရင်တော့ Climb O’Clock မှာတောင်တက်အားကစားလေ့ကျင့်လို့ရတယ်နော်။ ပရော်ဖက်ရှင်နယ်တောင်တက်အားကစားသမား ကိုညီညီအောင်ဖွင့်လှစ်ထားတဲ့ Climb O’Clock ကတောင်တက်ပစ္စည်းတွေအပြင် အခြေခံညွှန်ကြားမှုတွေကိုလည်းသင်ပြပေးပါတယ်။ ဈေးနှုန်းတွေကတော့ ၂နာရီစာ session တခုကို လူကြီးတွေအတွက်ဆိုရင် ကျပ် ၁၅၀၀၀ ဖြစ်ပြီး အသက် ၉နှစ်အောက်ကလေးတွေဆို ကျပ် ၁၀၀၀၀ ဖြစ်ပါတယ်။
အမှတ် ၁၃၊ ဦးဖေသင်းလမ်း၊ ခ-ရပ်ကွက်၊ သင်္ကန်းကျွန်းမြို့နယ်၊ ရန်ကုန်။
09 799 879909 (booking required)
7am – 8pm
ဖူဆယ်ဝါသနာပါတဲ့သူငယ်ချင်းတွေရှိရင်တော့ဒီကွင်းကအဆင်ပြေမှာပါ။ ဖူဆယ်ဆိုတာသူငယ်ချင်းတွေကြား team work နဲ့ရင်းနှီးမှုတည်ဆောက်လို့ကောင်းတဲ့အားကစားလည်းဖြစ်ပါတယ်။ ကွင်းငှားခကတော့ ကြားရက်တွေမှာတနာရီ ကျပ် ၁၅၀၀၀ ကျသင့်မှာဖြစ်ပြီး ပိတ်ရက်ဆိုရင်တော့ ကျပ် ၁၈၀၀၀ ပါ။
အမှတ် ၁၉၄/၂၉၅၊ ငါးမာန်အောင်ဘုရားလမ်းနှင့်ဆရာစံလမ်းထောင့်၊ မြောက်ဒဂုန်၊ ရန်ကုန်။
09 984 106 357 (booking required)
6am – 4pm (weekdays), 4pm – 8pm (weekends)
ကိုယ့်လက်ဘယ်လောက်တည့်လဲစမ်းကြည့်ချင်ရင်တော့ Grit Myanmar ကိုသာသွားလိုက်ပါ။ Viking တွေလိုပုဆိန်တွေအပြင် မြှားနဲ့ဓားတွေလည်းထားပေးထားပါတယ်။ ဒါ့အပြင် board game တွေလည်းကစားလို့ရတယ်နော်။
ချဉ်ငံစပ်စားသောက်ဆိုင်မျက်နှာချင်းဆိုင်၊ ကန်တော်ကြီး၊ မျှော်စင်ကျွန်း၊ ရန်ကုန်။
09 516 4616 (book one day in advance)
9am – 6pm
ကြက်တောင်နဲ့ squash ကစားနည်းတွေဝါသနာပါတယ်ဆိုရင်တော့ ဒီကွင်းကိုသာသွားလိုက်တော့။ ကြက်တောင်ကွင်းက တနာရီကိုကျပ် ၁၀၀၀၀ ဖြစ်ပြီး လူ ၄ယောက်စာ squash ကွင်းကတော့ ကျပ် ၂၀၀၀၀ ကျသင့်မှာပါ။ သင်တန်းတက်ချင်တယ်ဆိုရင်လည်း coach တွေရှိတယ်နော်။
ဘုရင့်နောင်လမ်း၊ မြောက်ဒဂုံ၊ ရန်ကုန်။
09 881 555 001, 09 881 555 002 (booking required)
7am – 8pm
အပျင်းလည်းပြေချင်တယ် အားကစားပြင်းပြင်းထန်ထန်လည်းမလုပ်နိုင်ဘူးဆိုရင်တော့ ဘိုးလင်းကစားနည်းကအသင့်တော်ဆုံးဖြစ်မှာပါ။ ဒီနေရာလေးက တပတ်ကို သောကြာ၊ စနေ၊ တနင်္ဂနွေ ၃ရက်သာဖွင့်ပါတယ်။ ဈေးနှုန်းတွေကတော့ 1 hour/1 lane ကိုသောကြာနေ့မှာကျပ် ၂၅၀၀၀ ဖြစ်ပြီး စနေ၊ တနင်္ဂနွေမှာတော့ ကျပ် ၅၀၀၀၀ ပါ။ တခါကစားရင် လူ ၆ဦးအထိလက်ခံပါတယ်။
ဝိတိုရိယဆေးရုံနှင့်မျက်နှာချင်းဆိုင်၊ တော်ဝင်လမ်း၊ ၉မိုင်၊ မရန်းကုန်း၊ ရန်ကုန်။
096 777 888 93 (booking required)
11pm – 9pm (၈နာရီနောက်ဆုံးထားဝင်ရန်)
ဒါကတော့အငြိမ်ကစားချင်တဲ့သူတွေအတွက်ပေါ့။ သူငယ်ချင်းတွေနဲ့ ဘီယာအေးအေးလေးသောက်ရင်း ဘိလိယက်ထိုးမယ်။ ခုံတလုံးကိုတနာရီ ကျပ် ၇၀၀၀ ကစပါတယ်။ သီးသီးသန့်သန့်ကစားချင်တဲ့သူတွေအတွက် private room တွေလည်းရှိတယ်နော်။
ဒုတိယထပ်၊ Urban Asia Center၊ ၄၈လမ်းနှင့်မဟာဗန္ဒုလလမ်းထောင့်၊ ဗိုလ်တထောင်၊ ရန်ကုန်။
09 952 014 700
11am – 11pm
ဘိလိယက်ထိုးတာထက်ပိုငြိမ်ချင်သေးလား၊ ရသေးတယ်။ အံစာလေးတွေခေါက်ရင်း board game ကစားကြမယ်။ ကစားစရာဂိမ်းပေါင်း ၁၀၀လောက်ရှိပြီး ဝယ်လို့လည်းရတယ်နော်။ ကဖေးလေးလည်းရှိလို့ ဗိုက်ဆာရင်မုန့်မှာစားရုံပါပဲ။ Menu နဲ့ service တွေကိုတော့သူတို့ page မှာကြည့်ကြည့်ပါ။
အမှတ် ၁၃၂၊ လက်ဝဲသုန္ဒရလမ်း၊ ၃၂-ရပ်ကွက်၊ မြောက်ဒဂုန်၊ ရန်ကုန်။
09 501 8571
7am – 6pm
ဒါကတော့ဆိုင်လည်းမထိုင်ချင်ဘာမှလည်းမလုပ်ချင်ဘဲရုပ်ရှင်ကြည့်လိုက်၊ စကားတွေပြောလိုက်၊ မုန့်တွေစားလိုက်ပဲလုပ်ချင်တဲ့ squad တွေအတွက်ပါ။ အခန်းတိုင်းအဲကွန်းရှိတယ်၊ Netflix ရှိတယ်။ အပျင်းပြေကစားဖို့ board game ဗိုက်ဆာရင်မှာစားဖို့ကော်ဖီနဲ့မုန့်တွေရှိတယ်။ ၂နာရီစာအခန်းတခန်းကို လူအရေအတွက်ကိုလိုက်ပြီး ကျပ် ၁၂၀၀၀ ကနေ ၁၄၀၀၀ အတွင်းကျသင့်ပါတယ်။
ပန်းဆိုးတန်းမှတ်တိုင်ရှေ့၊ အနော်ရထာလမ်းနဲ့ ၃၉လမ်းထောင့်၊ ကျောက်တံတားမြို့နယ်၊ ရန်ကုန်။
09 7688 75851 (booking required)
9am – 5:30pm
