ခရီးသွားဆောင်းပါးရှင် Barry J Atkinson ဟာ ရှမ်းပြည်နယ်မှာရှိတဲ့လူမျိုးစုနှစ်စုရဲ့အကြောင်းကိုစကားလုံးနဲ့ဓာတ်ပုံတွေကတဆင့်ပြောပြထားပါတယ်။
အမ်းလူမျိုးစုတွေဟာ အရှက်အကြောက်ကြီးပြီး တော့ ကျိုင်းတုံမြို့နားက မက်စောက်တဲ့ ကမ်းပါးတွေမှာ အုပ်စုဖွဲ့ပြီး သီးခြားနေလေ့ရှိပါတယ်။ သမိုင်းအရတော့ သူတို့တွေဟာ အုပ်စုဖွဲ့အမဲလိုက်ကြပြီးတော့ နေ၊ ရေ၊ လေ၊ သတ္တ၀ိညာဉ်၊ အပင် တို့ကိုကိုးကွယ်တဲ့ နတ်ကိုးကွယ်မှုဓလေ့ထွန်းကားပါတယ်။
အကြီးအကဲက နေ့စဉ်နေ့တိုင်းဆုံးဖြတ်ချက်ချပေးတာတို့ တရားစီရင်ပေးရတာတို့ကိုလုပ်ပေးရပါတယ်။ နတ်ဆရာတွေကိုတော့လူအများကရိုသေကြပြီး ၎င်းတို့ကနေတဆင့်ဘိုးဘေးတို့ရဲ့ဝိညာဉ်နဲ့ဆက်သွယ်လို့ရတယ်လို့ ယုံကြည်ကြပါတယ်။
ဒီလူမျိုးစုကတော့ ကွမ်းသီးစားတဲ့ဓလေ့ကြောင့် ‘Black teeth tribe’ လို့ လူသိများပါတယ်။ သူတို့ရဲ့ကွမ်းဂျိုးတက်နေတဲ့သွားဖုံးနဲ့သွားတွေဟာ နှုတ်ခမ်းဆိုးဆေးအနက်ဆိုးတဲ့ဓလေ့ကြောင့်ပိုမိုထင်ရှားလာပါတယ်။ နှုတ်ခမ်းဆိုးဆေးအနက်ကိုမီးကျွမ်းနေတဲ့သစ်သားကနေရယူကြပါတယ်။ သူတို့ရဲ့အိမ်တွေကို တောင်ရဲ့ကုန်းစောင်းတွေမှာ သစ်သားတွေဝါးတွေနဲ့ ခြေတံရှည်ပုံစံဆောက်ထားတာပါ။ ပန်းလဲ့ (Pen Lea) ရွာကတော့ လူနေအိမ်ခြေ ၂၃အိမ်လောက်ပဲရှိတဲ့ရွာငယ်လေးတစ်ခုပါ။ ခန့်မှန်းခြေတော့ အမ်းလူမျိုး ၃ထောင်ကျော်ပဲရှိပါတော့တယ်။ သူတို့ရဲ့ အသက်မွေးဝမ်းကျောင်းမှုကတော့တောင်ခြေနဲ့တောင်ကြားတွေမှာ ဆန်စပါးစိုက်ပျိုးတာပါ။
ပလောင်လူမျိုးတွေက ရှမ်းပြည်နယ် ကလောမှာအများဆုံးနေကြပြီး မွန်-ခမာ ယဉ်ကျေးမှုတွေထဲမှာ ပါပါတယ်။ ပလောင်တွေရဲ့ ရိုးရာဝတ်စုံက အရောင်အသွေးတောက်တောက်နဲ့ တက်ကြွတဲ့ပုံပေါ်ပါတယ်။ ပလောင်အမျိုးသမီးတွေက အိမ်ထောင်ရှိမရှိခွဲခြားတဲ့အနေနဲ့ ခါးမှာကြိမ်ကွင်းတွေကိုဝတ်ဆင်လေ့ရှိကြပါတယ်။ ပလောင်အများစုက ပေတစ်ရာလောက်ရှည်တဲ့ အိမ်ကြီးထဲမှာ အတူနေထိုင်လေ့ရှိပါတယ်။
မြန်မာနိုင်ငံက ပလောင်လူမျိုးအများစုကတော့ ရှမ်းပြည်နယ်မှာနေကြပါတယ်။ တစ်ချို့တွေကတော့ တောင်ပိုင်နားက အနောက်မြောက်ထောင့်အရပ်မှာနေထိုင်ကြပြီးတော့ တချို့ကတော့ ကျိုင်းတုံရဲ့ တောင်ဘက်ပိုင်းမှာနေကြပါတယ်။ ပလောင်လူမျိုးတွေဟာရှမ်းလူမျိုးတွေမရောက်ခင်ကတည်းကမြန်မာနိုင်ငံကို ပြောင်းရွှေ့လာကြတာလို့တချို့ကိုဆိုပါတယ်။ ရှမ်းလူမျိုးတွေကတော့ ၁၂ရာစုလောက်မှာတရုတ်ပြည်ကနေ မြန်မာနိုင်ငံကိုရောက်ရှိလာတာပါ။ ပလောင်လူမျိုးတွေမှာ ရူမိုင်းပလောင်၊ ရိုင်းလင် (Riang-Lang), ရွှေပလောင်၊ ငွေပလောင်ဆိုပြီးတော့ လူမျိုးစုအခွဲတွေလည်းရှိပြီး ၎င်းတို့မှာကိုယ်ပိုင်ဘာသာစကားတွေလည်းရှိပါတယ်။
ပလောင်လူမျိုးတွေက ဝေးလံခေါင်းပါးတဲ့ရွာငယ်တွေမှာ တခြားလူမျိုးစုတွေနဲ့ အတူတူနေထိုင်ကြပါတယ်။ နှစ်ပေါင်းများစွာကြာပြီးတဲ့နောက်မှာတော့ မျိုးနွယ်ကွဲအချင်းချင်းလက်ထပ်ရင်းတဖြည်းဖြည်းပေါင်းစည်းလာမိပါတယ်။ ပလောင်လူမျိုးတွေမှာ မျိုးနွယ်မတူသူချင်းလက်ထပ်တာကိုတားမြစ်မထားတဲ့အတွက် ပလောင်-ရှမ်းလက်ထပ်မှုတွေများလာပါတယ်။
Barry J Atkinsonက the Australian Society of Travel Writers အဖွဲ့ဝင်တစ်ယောက်ဖြစ်ပြီးတော့ သူရဲ့အချိန်တော်တော်များများဟာ မြန်မာနိုင်ငံမှာရေကြောင်ခရီးသွားလာရင်းကုန်ဆုံးပါတယ်။
(ဘာသာပြန်ဆိုသူ – ဟန်နီဦး)
