၂၃၄၂ ကီလိုမီတာ၊ ၁၂ နိုင်ငံ၊ ဟောင်းနွမ်းနေတဲ့အားကစားဖိနပ် ၃ရံ၊ ဆုံးဖြတ်ချက်ခိုင်မာတဲ့အမျိုးသမီးတယောက်။ ရန်ကုန်မှာလမ်းဘေးခွေးအလိုက်ခံရလို့ပြေးခဲ့ရတာကစလို့ တရုတ်ပြည်မဟာတံတိုင်းပေါ်မှာမာရသွန်ပြေးခဲ့တဲ့အထိ ရရှိခဲ့တဲ့အတွေ့အကြုံတွေကို Sarah Easton ကအခုလိုမျှဝေထားပါတယ်။
ဘယ်နိုင်ငံတွေမှာ မာရသွန်ပြေးဖူးပါသလဲ။
မြန်မာ၊ အိန္ဒိယ၊ ဘူတန်၊ တရုတ်၊ ပြင်သစ်၊ နော်ဝေ၊ ကမ္ဘောဒီးယား၊ ထိုင်း၊ ဗီယက်နမ်၊ ဟောင်ကောင်၊ မလေးရှား။ စင်ကာပူနိုင်ငံမှာ ဒီဇင်ဘာ ၉ရက်နေ့ကနောက်ဆုံးပြေးခဲ့ပါသေးတယ်။
ဘယ်နိုင်ငံမှာမာရသွန်ပြေးရတာအကြိုက်ဆုံးလဲ။
တရုတ်ပြည်မဟာတံတိုင်းပေါ်မှာပြေးရတာအကောင်းဆုံးပါပဲ။ လှေကားထစ် ၂သောင်းဖြတ်သန်းခဲ့ရပြီး အချိန် ၅နာရီကြာခဲ့တယ်။ ရာသီဥတုကအရမ်းသာယာသလို တံတိုင်းပေါ်ကတွေ့ခဲ့ရတဲ့ရှုခင်းတွေကလည်း မမေ့နိုင်စရာပါ။ လမ်းပေါ်ကမဟုတ်ဘဲတံတိုင်းပေါ်မှာပြေးတဲ့ပထမဆုံးမာရသွန်လည်းဖြစ်ပါတယ်။
အခက်ခဲဆုံးမာရသွန်ကဘာဖြစ်မလဲ။
ဗီယက်နမ်နိုင်ငံ စာပါမြို့မှာပြေးခဲ့တဲ့မာရသွန်ပေါ့။ ၄၄ကီလိုမီတာရှည်ပြီး ၆နာရီနဲ့ ၄၂မိနစ်ကြာတယ်။ မီတာ ၂ထောင်မြင့်တဲ့တောင်ကုန်းတွေရယ် ကြမ်းတမ်းတဲ့လွင်ပြင်တွေရယ်မှာ ပြေးခဲ့ရတာဆိုတော့ ခရီးလည်းဆုံးရောခြေလက်မထူချင်လောက်အောင်ကိုပင်ပန်းပါတယ်။
အပင်ပန်းရဆုံးအချိန်ကိုလည်းပြောပြပေးပါဦး။
နော်ဝေမှာသန်းခေါင်ယံမာရသွန်ပြေးပြီး ၃၆နာရီကြာတဲ့ခရီးစဉ်ကို လေယာဉ် ၄ဆင့်စီးပြီး တယောက်တည်းသွားရတဲ့အချိန်ပါ။ ရန်ကုန်လည်းရောက်ရော ကျွန်မတည်းခိုတဲ့တိုက်ခန်းမှာမီးကပြတ်နေတယ်။ ကာဗိုဟိုက်ဒရိတ်တွေစားလို့မဖြစ်သေးလို့ သက်သတ်လွတ်စားစရာတွေရှာရတာလည်း အလုပ်တခုပါ။
ရန်ကုန်မှာအပြေးလေ့ကျင့်တော့ဘယ်လိုအခက်အခဲတွေတွေ့ရလဲ။
ရန်ကုန်မှာပြေးရတာခက်ခဲပါတယ်။ လမ်းဘေးခွေးတွေလိုက်ဆွဲတာလည်းခံရဖူးတယ်။ လမ်းတွေမှာချိုင့်ခွက်တွေရှိသလို ကားပိတ်တာကလည်းဆိုးတယ်။ လေထုညစ်ညမ်းမှုတွေ မိုးတွင်းရေလျှံတာတွေလည်းရှိသေးတယ်။ မနက်တိုင်း ၅နာရီဆိုထပြေးလေ့ရှိပါတယ်။ ရန်ကုန်ကလလူတော်တော်များများလည်း ဒီအချိန်ထပြေးလေ့ရှိတယ်။ Yangon Running Club နဲ့ Sanchaung Striders ကအပြေးသမားမိတ်ဆွေတွေတွေ့ရတာ အရမ်းကိုအထောက်အကူဖြစ်ပါတယ်။
ဒီမာရသွန်ကိုဘာကြောင့်လုပ်ဖြစ်ခဲ့တာလဲ။
ရခိုင်ပြည်နယ်မှာ နိုဝင်ဘာ ၂၀၁၇မှာ လူသားချင်းစာနာမှုပြဿနာတွေဖြစ်ပွားခဲ့တာတွေ့ပြီးတော့ သူတို့ကိုကူညီဖို့ရန်ပုံငွေတရပ်ဖန်တီးပေးချင်တယ်။ ကျွန်မမှာအခက်အခဲတွေရှိပေမယ့် အဲ့ဒီကဒေသခံတွေရဲ့ဒုက္ခနဲ့ယှဉ်ရင်တော့ဘာမှမပြောပလောက်ပါဘူး။ မြန်မာနိုင်ငံရဲ့လှပတဲ့ကမ်းခြေတွေရှိတဲ့ရခိုင်ပြည်နယ်မှာ ဒီလိုပြဿနာတွေဖြစ်ပွားနေတာ စိတ်မကောင်းစရာပါပဲ။
ရန်ပုံငွေရှာပေးနေတဲ့အဖွဲ့အစည်းတွေကိုကောသိခွင့်ရှိမလား။
Centre for Social Integrity နဲ့ Community Partners International တို့အတွက်ရန်ပုံငွေရှာပေးနေတာပါ။ အဲ့ဒီအဖွဲ့အစည်းတွေဟာမြန်မာနိုင်ငံက ဝေးလံခေါင်သီတဲ့နေရာတွေမှာရှိတဲ့သူတွေနဲ့ ဘင်္ဂလားဒေ့ရ်ှကဒုက္ခသည်တွေကိုကူညီနေပါတယ်။ အလှူခံလို့ရသမျှငွေတွေကို ပဋိပက္ခဖြစ်နေတဲ့ဒေသတွေကပြည်သူတွေ၊ ဝေးလံတဲ့ကျေးရွာတွေရဲ့ ကျန်းမာရေးနဲ့လူနေမှုစနစ်ကိုမြှင့်တင်တဲ့နေရာတွေမှာသုံးသွားမှာဖြစ်ပါတယ်။
Sarah ရဲ့ဖြတ်သန်းမှုကို ကိန်းဂဏန်းတွေနဲ့ဖော်ပြရမယ်ဆိုရင်
ပြေးခဲ့သည့်နိုင်ငံပေါင်း
= ၁၁ (စင်ကာပူနိုင်ငံကိုထည့်မတွက်ရသေး)
ခရီးထွက်ရင်းကုန်ခဲ့သည့်အချိန် = နာရီ ၂၀
ပြေးခဲ့သည့်ကီလိုမီတာပေါင်း = ၂,၂၄၀
ထပ်ပြေးရဦးမည့်ကီလိုမီတာ = ၁၀၂
ခြေလှမ်းပေါင်း = ၃,၄၁၇,၆၁၃
ထိခိုက်ဒဏ်ရာရခဲ့သည့်အကြိမ် = ၅
လောင်ကျွမ်းခဲ့သည့်ကယ်လိုရီပေါင်း = ၁၆၀,၀၀၀
နားထောင်ခဲ့သည့်သီချင်းအပုဒ်ရေ = သီချင်း ၁,၅၀၀၊ အသံလွှင့်အစီအစဉ် ၁၃၀
အသုံးပြုပြီးသည့်ဖိနပ်အရံပေါင်း = Altras အမှတ်တံဆိပ်ဖိနပ် ၃ရံ
စံချိန်တင်ခဲ့သည့်ကြာချိန် = ၃မိနစ် ၂၂စက္ကန့်
ရခဲ့သည့်ရန်ပုံငွေ = ၂၂,၇၉၀ ဒေါ်လာ
ရည်မှန်းသည့်ရန်ပုံငွေပမာဏ = ၂၆,၀၀၀ ဒေါ်လာ
အလှူငွေထည့်ဝင်လိုပါက Sarah’s Marathon Challenge သို့ဆက်သွယ်ပါ။
