By Nay Thiha
ကျနော်တို့တနေ့တာရဲ့ ၃ပုံ ၁ပုံကိုအလုပ်ထဲမှာကုန်ဆုံးရပါတယ်။ တချို့ဆိုဒီထက်ကြာအောင် အလုပ်လုပ်ကြရတယ်။ ဒါကြောင့်ကိုယ့်ဘ၀ရဲ့အစိတ်အပိုင်းတော်တော်များများကိုမြှုပ်နှံရမယ့် လုပ်ငန်းခွင်ဟာကိုယ့်အတွက်အကျိုးကျေးဇူးတခုခုပေးနိုင်ဖို့လိုပါတယ်။ ကျောင်းပြီးပြီးချင်းမှာတော့ငွေရေးကြေးရေးအတွက် လုပ်ငန်းခွင်အတွေ့အကြုံရဖို့အတွက် ရရာအလုပ်ကိုဝင်လုပ်ကြရစမြဲပါ။ ၂နှစ်လောက်လုပ်ခဲ့ပြီးပြီဆိုရင်တော့ ဒီအလုပ်ဟာကိုယ့်ဘ၀တက်လမ်းအတွက်အထောက်အကူဖြစ်ပါ့မလားလို့သုံးသပ်ကြည့်သင့်ပါတယ်။ ပြီးပြည့်စုံတဲ့အလုပ်ခွင်ဆိုတာမရှိနိုင်ပေမယ့် ကိုယ့်အလုပ်ခွင်မှာအောက်ပါလက္ခဏာတွေထဲက တော်တော်များများတွေ့နေရပြီဆိုရင်တော့ CV form ကိုဖုန်သုပ်ပြီးအလုပ်သစ်ရှာဖို့အချိန်တန်ပါပြီ။
မျက်နှာလိုက်သောအထက်အရာရှိ
တော်တော်များများကြုံဖူးကြမယ်ထင်ပါတယ်။ ကိုယ်ဘယ်လောက်ကြိုးစားကြိုးစားအထက်အရာရှိ (သို့) သူဌေးကမျက်မုန်းကျိုးနေပြီဆိုရင် ကြိုးစားမှုနဲ့ထိုက်တန်တဲ့အကျိုးကျေးဇူးမရတတ်တာများပါတယ်။ ကိုယ်ကမျက်နှာသာအပေးခံရတဲ့ဝန်ထမ်းဆိုရင်လည်းသတိထားပါ။ ဒီအလုပ်ခွင်ထဲက comfort zone မှာပဲသာယာနေပြီး ဒီထက်ပိုကောင်းတဲ့အခွင့်အလမ်းတွေကိုရှာဖွေဖို့မေ့နေတတ်ပါတယ်။ သင့်ကြိုးစားမှုကြောင့်သင့်အလုပ်ရှင်ပိုချမ်းသာသွားသလို သင်ကိုယ်တိုင်လည်းအတွေ့အကြုံကောင်းတွေ ငွေရေးကြေးရေးခံစားခွင့်တွေရရှိသင့်ပါတယ်။ ဒါကြောင့်ကိုယ့်ကြိုးစားမှုကိုအသိအမှတ်မပြုတဲ့အလုပ်ခွင်ဆိုရင် စောစောစွန့်လွှတ်ဖို့ကြိုးစားပါ။
ခွဲခြားဆက်ဆံမှု
မျက်နှာလိုက်တယ်ဆိုတာ တဦးတယောက်စီနဲ့သက်ဆိုင်တဲ့ကိစ္စဖြစ်ပေမယ့် လိင်နဲ့လိင်တိမ်းညွတ်ရာ၊ လူမျိုး၊ ကိုးကွယ်ယုံကြည်မှုတွေနဲ့ပတ်သက်ပြီးခွဲခြားဆက်ဆံတာမျိုးဆိုရင်တော့အများနဲ့သက်ဆိုင်လာပါတယ်။ ရာထူးကြီးတဲ့ဝန်ထမ်းတွေထဲမှာ အမျိုးသမီးဘယ်နှယောက်ပါဝင်သလဲ၊ လူမျိုးခြားဘာသာခြားဘယ်လောက်ပါဝင်သလဲကြည့်ကြည့်ပါ။ ၀န်ထမ်းအချိုးအစားအရအလွန်နည်းနေပြီး သင်ဟာအဲ့ဒီအနည်းစုထဲပါဝင်နေပြီဆိုရင်တော့ ဒီထက်ပိုအမြင်ကျယ်တဲ့အလုပ်ခွင်တခုကိုရှာသင့်နေပါပြီ။
အထက်အရာရှိကိုဖိုးသိ
ကိုယ့်အထက်အရာရှိက “ကိုဖိုးသိ” တို့ “မတတ်ပ” တို့ဖြစ်နေပြီဆိုရင်တော့ ကိုယ့်အလုပ်ထဲပါဝင်စွက်ဖက်မှုတွေ အများကြီးလုပ်လာမှာပါ။ အထက်အရာရှိဆိုတာကိုယ့်ကိုသင်ပေးဖို့လမ်းညွှန်ပေးဖို့တာဝန်ရှိပေမယ့် အသေးစိတ်ကအစစွက်ဖက်နေပြီဆိုရင်တော့ကိုယ်တိုင်သင်ယူစမ်းသပ်ဖို့အခွင့်အလမ်းတွေဆုံးရှုံးရတတ်တယ်။ ဒီလို micromanaging မျိုးကြောင့်ရေရှည်မှာကိုယ်စွမ်းကိုယ်စတုံးသွားတတ်ပါတယ်။ ပိုဆိုးတာကအစစအရာရာသူခိုင်းတဲ့အတိုင်းလုပ်လို့အောင်မြင်သွားရင် သူကနာမည်ကောင်းယူပြီး၊ မှားယွင်းသွားတဲ့အခါမှာ ကိုယ့်ကိုအပြစ်တင်တတ်တဲ့အရာရှိမျိုးပါ။ အဲ့ဒီလိုအထက်အရာရှိလက်အောက်မှာလုပ်နေရပြီဆိုရင်တော့ မြန်မြန်အထုပ်ပြင်တာအကောင်းဆုံးပါပဲ။
ကိုယ့်ဆွေကိုယ့်မျိုးကောင်းစားရေးဝါဒ
အဖေပိုင်တဲ့ကုမ္ပဏီမှာသမီးက CEO ဖြစ်နေတာမျိုး။ အမေက MD၊ သားဖြစ်သူက မန်နေဂျာရာထူးယူထားတာမျိုး။ သူတို့ဘ၀တွေကမြန်မာအချစ်ဇာတ်မြူးကားဆန်ပါတယ်။ ဒါပေမယ့်ဒါဟာသင့်အတွက်တော့ဒရာမာဖြစ်သွားစေမယ့်အချက်တွေပါ။ အမြင့်ဆုံးဆိုတဲ့ရာထူးတွေဟာကုမ္ပဏီအထက်အရာရှိတွေရဲ့ သားသမီးတွေ၊ တူတူမတွေအတွက်ပဲဖြစ်နေတော့ ဘယ်လောက်ကြိုးစားကြိုးစားသင်ဟာအမြဲ second best နေရာနဲ့ကျေနပ်ရပါတော့မယ်။
အလုပ်တာဝန်တိတိကျကျသတ်မှတ်မှုမရှိခြင်း
အင်တာဗျူးစလျှောက်တဲ့အချိန်မှာပြောထားတဲ့တာဝန်တွေကတခု၊ တကယ်လုပ်ရတာကတခုဖြစ်နေပြီလား။ ကိုယ့်တာဝန်ထက်ပိုတဲ့အလုပ်တွေကိုလုပ်နေရပြီလား။ လုပ်ငန်းခွင်တိုင်းမှာ ၀န်ထမ်းတယောက်ချင်းစီအတွက် သတ်မှတ်ထားတဲ့တာဝန် (job description) တွေတိတိကျကျရှိသင့်ပါတယ်။ စာရင်းကိုင်က management ပါကိုင်ရတာမျိုး၊ HR ဆိုပြီးမီးချောင်းပြင်တာကအစ၀င်ပါရတာမျိုးတွေကြောင့် ကိုယ့်တကယ့်တာဝန်တွေလုပ်ဖို့အချိန်မလုံလောက်တာတွေဖြစ်နိုင်ပါတယ်။ အားလုံးလုပ်တတ်ရင်အကောင်းဆုံးပဲဆိုပြီးညာခိုင်းတာတွေကိုမယုံပါနဲ့။ Professional ဟာ pyar tar မဟုတ်ပါ။
နိုင်ငံခြားသားမှအထင်ကြီးတတ်ခြင်း
မြန်မာနိုင်ငံကကုမ္ပဏီတော်တော်များများမှာတွေ့ရလေ့ရှိတဲ့ပြဿနာတခုပါ။ တချို့အလုပ်ရှင်တွေက နိုင်ငံခြားသားဆိုရင်လွှတ်အထင်ကြီးတတ်ကြပါတယ်။ အရည်အချင်းရှိတဲ့နိုင်ငံခြားသားဝန်ထမ်း တွေအများကြီးရှိတာမှန်ပေမယ့် ကိုယ့်နိုင်ငံမှာလစာကောင်းတဲ့အလုပ်ရှာဖို့မလွယ်လို့ မြန်မာနိုင်ငံလာပြီးလူတွင်ကျယ်လုပ်နေကြတဲ့နိုင်ငံခြားသားတွေလည်းအများကြီးပါပဲ။ တချို့သူဌေးတွေကတော့ကုမ္ပဏီတည်ထောင်စမှာပဲနိုင်ငံခြားသားပညာရှင်တွေခန့်ပြီး တဖြည်းဖြည်းတည်ငြိမ်လာတာနဲ့ မြန်မာလူမျိုးကျွမ်းကျင်သူတွေကိုပြန်အစားထိုးခန့်တာမျိုးရှိပါတယ်။ ကိုယ့်သူဌေးကဘယ်လိုလူမျိုးလဲ၊ ကိုယ့်ကုမ္ပဏီမှာလူမျိုးအသားအရောင်မရွေးတိုးတက်နိုင်တဲ့ အခွင့်အလမ်းရှိရဲ့လားသေချာသုံးသပ်ကြည့်ပါ။
တာဝန်တွေသာတိုးပြီးခံစားခွင့်တိုးမလာခြင်း
စ၀င်ဝင်ချင်းတနှစ်လောက်မှာတော့ လစာတိုး ရာထူးတိုးမျှော်လင့်လို့မရပါဘူး။ ဒါပေမယ့် ၂နှစ် ၃နှစ်လောက်ကြာလာခဲ့ပြီး ကိုယ်လည်းကြိုးစားနေလျက်နဲ့ထိုက်တန်တဲ့ခံစားခွင့်မရဘူးဆိုရင်တော့ ကိုယ့်လုပ်ငန်းခွင်ကိုပြန်သုံးသပ်သင့်ပါပြီ။ တခြားဝန်ထမ်းတွေကောကိုယ့်လိုပဲလား၊ ကိုယ်တယောက်ပဲကွက်ဖြစ်နေတာလားလေ့လာပါ။ HR (သို့) သူဌေးနဲ့တိုက်ရိုက်တွေ့ပြီး ကိုယ့်မှာလိုအပ်ချက်တွေရှိမရှိမေးပါ။ သူတို့ဘက်ကအကြောင်းပြချက်ရေရေရာရာမပြောနိုင်ရင်တော့ ကိုယ့်ကိုချောင်ထိုးထားတာသေချာပါတယ်။
ပြီးပြည့်စုံတဲ့အလုပ်ခွင်ဆိုတာမရှိပါဘူး။ ဒါပေမယ့်တချို့အလုပ်ခွင်တွေဟာ အများစုထက်ပိုဆိုးတတ်ပါတယ်။
