ကျနော်တို့ငယ်ငယ်တုန်းကဖျော်ဖြေရေးဆိုတာသိပ်များများစားစားမရှိလှဘူး။ ကျောင်းကပြန်လာရင် စာအုပ်ဆိုင်တို့ အခွေဆိုင်တို့သွားမယ်။ ဘ၀ရဲ့ပျော်ရွှင်မှုဆိုတာကလည်း ကိုယ်ကြိုက်တဲ့ဝတ္ထုတွေ ဗီဒီယိုတွေရလာတဲ့နေ့လို့ပဲပြောရမယ်။
အင်တာနက်ခေတ်ရောက်တော့ အရာရာကအရင်ကထက်လွယ်ကူလျင်မြန်သွားတယ်။ ကိုယ်ဖတ်ချင်တဲ့စာအုပ်တွေကို ebook အဖြစ်ကြိုက်တဲ့အချိန်ဖတ်လို့ရသလို ရုပ်ရှင်တွေကိုလည်း download လုပ်ပြီးအဆင်ပြေတဲ့အချိန်ဖွင့်ကြည့်လို့ရတယ်။ အရင်ကလိုအငှားဆိုင်မှာကိုယ့်အလှည့်ရောက်ဖို့ စောင့်ရတာတွေမရှိတော့ဘူး။ အစစအရာရာအဆင်ပြေချောမွေ့သွားပေမယ့် အရင်ကလိုစိတ်လှုပ်ရှားမှုမျိုး၊ ရိုးစင်းတဲ့ပျော်ရွှင်မှုမျိုးတွေပျောက်ကွယ်သွားပါတယ်။ ရွေးချယ်စရာဖျော်ဖြေရေးတွေသိပ်များလာတော့ စိတ်တွေထွေပြားလာပြီး တခုခုအပေါ်အာရုံစိုက်ရခက်သွားတယ်။
စာအုပ်ဆိုင်တွေတဆိုင်ပြီးတဆိုင်တံခါးပိတ်လာကြတဲ့ခေတ်မှာ Inya Book Club ကဖွင့်တာ ၂ ပတ်လောက်ပဲ ရှိသေးတဲ့စာအုပ်အငှားဆိုင်လေးပါ။ တလစာအသင်းဝင်ကတ်ပြား ၂မျိုးရှိပြီး ပထမတမျိုးက ကျပ် ၅၀၀၀ ကျသင့်ပါမယ်။ ကတ်ပြားပေါ်မှာ အကွက် ၁၅ကွက်ပါလို့ ၁၅အုပ်ငှားနိုင်ပြီး တခါငှားရင်စာအုပ် ၃အုပ်ကို တပတ်ငှားနိုင်တယ်။ ကော်ဖီ ၂ခွက်လက်ဆောင်ရမယ်။ ဒုတိယတမျိုးဖြစ်တဲ့ ကျပ် ၈၀၀၀ တန်ကတ်ကတော့ အုပ် ၃၀ငှားနိုင်ပြီး တကတ်ပြည့်သွားတာနဲ့စာအုပ်တအုပ်လက်ဆောင်ရမှာပါ။ ဒါကြောင့်သူကပိုတန်တယ်။ တိုက်ခန်းထဲမှာထိုင်ဖတ်လို့လည်းရတော့ စာအုပ်အငှားဆိုင်တပိုင်း စာကြည့်တိုက်တပိုင်းပေါ့လေ။ ရောင်းတဲ့စာအုပ်တွေလည်းရှိပါတယ်။
“အစ်မဒီဆိုင်လေးကိုစဖွင့်မယ်လုပ်တုန်းက ဒီခေတ်မှာစာအုပ်ဖတ်တဲ့သူအရင်ကလောက်များပါတော့မလား၊ ဆိုင်ဖွင့်ပြီးငုတ်တုတ်ထိုင်နေရမယ်နော် စသဖြင့်စိတ်ပူပြီးပြောကြတယ်။ ဒါပေမယ့်အခုဖွင့်တာ ၂ပတ်လောက်အတွင်းမှာ ငုတ်တုတ်ထိုင်ရမယ့်အခြေအနေတော့လွန်ခဲ့ပြီလို့ပြောရမယ်။ စာလာဖတ်တဲ့သူတွေ၊ စာအုပ်ငှားတဲ့သူတွေ၊ လှူတဲ့သူတွေရှိလာတယ်။ အဘက်ဘက်ကကူညီပေးတဲ့သူတွေ၊ စာအုပ်လှူပေးတဲ့သူတွေကိုလည်းကျေးဇူးတင်မိပါတယ်။” လို့ စာအုပ်ဆိုင်ကိုဦးစီးသူ မသွယ်သွယ်မျိုးညွှန့်ကပြောပါတယ်။
Inya Book Club ကိုမဟာဗန္ဒုလပန်းခြံလမ်း (ဘားလမ်း) နဲ့အနော်ရထာလမ်းထောင့်က ရှေးဟောင်းတိုက်ခန်းတခန်းရဲ့ပထမထပ်မှာဖွင့်လှစ်ထားတယ်။ ပြတင်းပေါက်မှာ Inya Book Club ဆိုတဲ့ banner လေးတွေရှိလို့ရှာရလွယ်ပါတယ်။ အခန်းတွင်းမှာနံရံနဲ့အပြည့်စာအုပ်တွေစီထားပြီး ပန်းချီကားသေးသေးလေးတွေလည်းချိတ်ဆွဲထားတယ်။ ၀ရံတာကိုမြက်ခင်းစိမ်းခင်းထားပြီး ထိုင်အုံးတွေချပေးထားတာကြောင့် စိမ်းစိမ်းစိုစိုနဲ့မျက်စိအေးတယ်။ ၀ရံတာမှာထိုင်ပြီးစာဖတ်လိုက်၊ မျက်စိညောင်းလာရင်အပြင်မှာမိုးရွာနေတာကိုကြည့်လိုက်နဲ့တော်တော်တော့ဇိမ်ရှိတယ်ဗျ။
စာအုပ်တွေမှာအင်္ဂလိပ်ဘာသာ၊ မြန်မာဘာသာနဲ့ သုတရသတော်တော်စုံတယ်။ မြသန်းတင့်ဘာသာပြန်တွေ၊ မဂ္ဂဇင်းအဟောင်းတွေအပြင် ရွှေဥဒေါင်း၊ မိုးမိုး (အင်းလျား)၊ ကြည်အေး စတဲ့စာရေးဆရာတွေရဲ့ စာအုပ်တွေစီးရီးလိုက်ရှိတယ်။ အင်္ဂလိပ်ဘာသာနဲ့ကိုးကားစာအုပ်တွေလည်းတင်ထားပေးပါတယ်။ ပိုင်ရှင်ဖြစ်သူ မသွယ်ကိုယ်တိုင်ကလည်း စာဖတ်ဝါသနာပါတယ်။ သူ့ရဲ့အဖေကစာပေလောကတည်ထောင်သူ ဦးမျိုးညွှန့်ဖြစ်ပြီး အမေကနိုင်ငံကျော်စာရေးဆရာမ မိုးမိုး (အင်းလျား) ဖြစ်တဲ့အတွက် မသွယ်ဟာငယ်စဉ်ကတည်းက စာပေနဲ့ရင်းနှီးခဲ့သူပါ။ ၁၉၈၀ခုနှစ်များဆီက ဆရာမ မိုးမိုး (အင်းလျား) ရဲ့လုံးချင်းဝတ္ထု ‘ပျောက်သောလမ်းမှာစမ်းတ၀ါး’ ကိုဂျပန်ဘာသာပြန်ဆိုခဲ့ပြီးနောက် မေတ္တာလက်ဆောင်အဖြစ်ရခဲ့တဲ့ တီဗီလေးကိုလည်းဆိုင်မှာတွေ့ရမယ်။ ရှေးဟောင်းတီဗီလေးရယ်၊ ရှေးဟောင်းတိုက်ခန်းလေးရယ်၊ စာအုပ်နဲ့မဂ္ဂဇင်းအဟောင်းလေးတွေရယ်ပေါင်းလိုက်တော့ ၁၉၈၀ ခုနှစ်လောက်ကအိမ်လေးတအိမ်ထဲ ရောက်နေသလိုပါပဲ။
“အခုခေတ်မှာလူငယ်တွေအနေနဲ့ဖျော်ဖြေရေးတွေအရမ်းများလာတယ်လေ။ အစ်မတို့ငယ်ငယ်တုန်းကကျတော့ စာအုပ်ပဲရှိတာကိုး။ အခုလည်းစာအုပ်အငှားဆိုင်သက်သက်မဟုတ်ဘဲ သောကြာနေ့ဆိုကဗျာရွတ်ပွဲ၊ စနေနေ့ဆိုရင်ရုပ်ရှင်အတူတူကြည့်တဲ့ပွဲတွေလည်းလုပ်ပေးထားတယ်။ နောက်ပိုင်းမှာစာအုပ်တအုပ်ကိုဖတ်ပြီး အုပ်စုလိုက်ပြန်ဆွေးနွေးတဲ့ပွဲလေးတွေ၊ စာရေးဆရာတွေနဲ့သူ့ပရိသတ်တွေ့ဆုံပွဲလေးတွေလည်း လုပ်မယ်လို့စဉ်းစားထားတယ်။ အဓိကကပရိသတ်တွေ ဒီကိုလာချင်စိတ်ပေါက်နေအောင်အစီအစဉ်တွေ တခုပြီးတခုလုပ်ရင်းဆွဲဆောင်နိုင်ဖို့ပဲ” လို့မသွယ်ကသူ့စိတ်ကူးကိုပြောပြတယ်။
အစားအသောက်အနေနဲ့ဆိုရင်တော့ ရွာငံရွာကကော်ဖီကိုဖျော်ထားတဲ့ ဆိမ့်ဆိမ့်ခါးခါးကော်ဖီရယ်၊ မြန်မာမုန့်၊ ပေါင်မုန့်ခြောက်စသဖြင့် သူ့ရက်နဲ့သူစီစဉ်သွားမယ်လို့ပြောပါတယ်။ ကျနော်ကတော့ဆနွင်းမကင်းကုန်သွားလို့ ကော်ဖီခါးခါးနဲ့ပေါင်မုန့်ခြောက်လေးစားလာတယ်။ ကော်ဖီနဲ့မုန့် ၂ခုပေါင်းမှ ၁၀၀၀ကျပ်ဆိုတော့ မဆိုးဘူးပေါ့နော်။
ဖျော်ဖြေရေးအသစ်အဆန်းတွေ ဘယ်လောက်ပဲပေါ်လာပါစေ၊ စာအုပ်၊ ကဗျာ၊ ရုပ်ရှင်ဆိုတာ ဘယ်တော့မှရိုးအီသွားခြင်းမရှိတဲ့အပန်းဖြေမှုပါပဲ။ ပိတ်ရက်တွေမှာစာဖတ်ရင်း၊ မိတ်ဆွေအပေါင်းအသင်းတွေနဲ့ စာအုပ်တွေအကြောင်းဆွေးနွေးရင်း အတိတ်တချိန်ကရိုးစင်းတဲ့ပျော်ရွှင်မှုကိုပြန်လည်ရှာဖွေလိုသူတွေကို Inya ကကြိုနေပါတယ်။
Inya Book Club
မဟာဗန္ဒုလပန်းခြံလမ်း (ဘားလမ်း) နဲ့အနော်ရထာလမ်းထောင့်၊ ကျောက်တံတားမြို့နယ်၊ ရန်ကုန်။
09 791 662 162
11am – 7pm
