By Issy D’Arcy Clark and Min Ye Kyaw
Photographs by Kan Su Ho
Shartra ဟာ TV talent shows ၂ခုမှာ winner ရထားပြီးတော့ တဖြည်းဖြည်းနဲ့အောင်မြင်လာတဲ့ designer တစ်ယောက်ပါ။ Myanmar’s International Fashion Week ရဲ့ Saturday night အတွက်လည်းပြင်ဆင်နေတဲ့အပြင် သူ့ရဲ့အတွေ့အကြုံတွေကိုလည်း စာဖတ်ပရိသတ်အတွက်မျှဝေပေးသွားပါတယ်။
Shartra ဖန်တီးထားတဲ့ design တွေကခန်းနားကြီးကျယ်လွန်းတာကြောင့် သူကိုယ်တိုင်ကလည်း dramatic ဆန်ဆန် တခမ်းတနားနေတတ်မယ်လို့ထင်ကြမှာပါပဲ။ Shartraကို အင်းလျားကန်က Seeds Restaurant & Lounge မှာတွေ့ဆုံခဲ့ပါတယ်။ သူ့အ၀တ်အစားအပြင်အဆင်ကသစ်လွင်တောက်ပပေမယ့် အမူအရာနဲ့စကားအပြောအဆိုက နူးညံ့ချိုသာပြီး အေးအေးဆေးဆေးနဲ့အိနြေ္ဒရှိတဲ့သူတစ်ယောက်ပါ။
Shartra နဲ့တွေ့ဆုံဖို့အတွက် setting ကိုလည်း Shartraရဲ့ ကိုယ်ပိုင်ဟန်ဖြစ်တဲ့ ကြာပန်းလေးတွေပါစေချင်တယ်။ ဒါကြောင့်မို့ အင်းလျားကန်ကကြာတွေကို အကောင်းဆုံးမြင်ရတဲ့ view ကို ပိုင်ဆိုင်ထားတဲ့ Seedsကို တမင်ရွေးချယ်ခဲ့တာပါ။
Shartra ဟာ ဟာ Style Secret 2015 မှာ winner ရခဲ့ပါတယ်။ ပြိုင်ပွဲမှာ ရိုက်ကူးရေးလုပ်နေတုန်းက အင်းလေးကိုအလည်သွားခွင့်ရခဲ့ပါတယ်။ အင်းလေးက ကြာချည်နဲ့ရက်ကန်းလုပ်ငန်းကိုလေ့လာခွင့်ရပြီးတော့ စိတ်ဝင်စားသွားခဲ့ပါတယ်။
“ကြာချည်နဲ့ရက်ကန်းခတ်တာကိုတွေ့မြင်ခွင့်ရခဲ့ပါတယ်။ အဲ့နောက်ပိုင်း အင်းလေးကိုနောက်ထပ်လာပြီးတော့ ရက်ကန်းခတ်တဲ့ သူတွေကို သေချာမေးမြန်းခဲ့ပါတယ်။ အခုဆိုကျွန်တော့်ကိုလူတိုင်းသိနေကြပြီ” လို့ဆိုပါတယ်။
ဒီလိုနဲ့ ကြာချည်နဲ့ရက်ကန်းခတ်တာကို Shartra က အရမ်းစိတ်ဝင်စားသွားပြီးတော့ သူ့ရဲ့ modern design တွေနဲ့ ပေါင်းစပ်ဖို့စပြီးစဉ်းစားခဲ့ပါတယ်။
”မင်္ဂလာဆောင်ဝတ်စုံတွေမှာ ကြာချည်တွေကိုစတင်အသုံးပြုခဲ့ပါတယ်။ ကြာရိုးကိုချိုးလိုက်ရင် အထဲက ကြာချည်တွေက တစ်ခုနဲ့တစ်ခု ပူးကပ်ပြီးရှိနေသလိုပဲ ချစ်သူစုံတွဲတွေကြားသံယောဇဉ်တွေခိုင်မာပါစေဆိုတဲ့ ရည်ရွယ်ချက်လေးနဲ့ မင်္ဂလာဆောင်ဝတ်စုံတွေမှာကြာချည်နဲ့ ချုပ်ပေးထားတာပါ” လို့ Shartra ကပြောခဲ့ပါတယ်။
ဈေးကွက်မှာ ချည်မျှင်အတုတွေအများအပြားထွက်နေတဲ့အချိန်မှာ Shartra လိုအရမ်းကိုခေတ်ရှေ့ပြေးတဲ့ဒီဇိုင်နာတစ်ယောက်က အလွန်ရှေးကျတဲ့မြန်မာ့ရိုးရာကိုကာကွယ်နေတာ ထူးခြားမှုတစ်ခုပါ။ ဒါပေမယ့် Shartra ကတော့ ကြာချည်ရက်ကန်းဓလေ့ကိုထိန်းသိမ်းဖို့ စိတ်ကိုနှစ်မြှုပ်ထားပါတယ်။
“ဒီရိုးရာဟာအင်းလေးဒေသခံတွေရဲ့စားဝတ်နေရေးဖြစ်လို့ ဒါကိုဆက်လက်ထိန်းသိမ်းဖို့အရမ်းအရေးကြီးပါတယ်။ သူတို့ဒေသထွက်ပစ္စည်းတွေနဲ့ မိရိုးဖလာပညာကိုသုံးပြီး အထည်တွေရက်လုပ်နိုင်ဖို့ ကျွန်တော်တို့အားပေးသင့်တယ်။ ရိုးရာကိုထိန်းသိမ်းပြီးတော့ အသစ်တွေပါဖန်တီးနိုင်ခဲ့ရင် ခရီးသွားလုပ်ငန်းကိုလည်းအကျိုးပြုနိုင်လိမ့်မယ်လို့” Shartra က ထောက်ပြပါတယ်။
၇ ကြိမ်မြှောက် Myanmar International Fashion Week ကို ဒီဇင်ဘာ ၇ ကနေ ၉ရက်နေ့အထိ ရန်ကုန်မှာ ကျင်းပမှာဖြစ်ပြီးတော့ စနေနေ့ဖွင့်ပွဲနေ့ကို Shartra ရဲ့လက်ရာတွေနဲ့စဖွင့်မှာပါ။ ဒီပွဲမှာ Shartra က သူ့ရဲ့ ကြာချည်နဲ့ရက်ထားတဲ့ ပြိုင်ဘက်ကင်းဖန်တီးမှုတွေကိုပွဲထုတ်သွားမှာပါ။
အောင်မြင်တဲ့ designer မဖြစ်ခင်က Shartra ဟာသူ့ရဲ့ ဇာတိမြို့ဖြစ်တဲ့ ရခိုင်ပြည်နယ် ကျောက်ဖြူမှာနေထိုင်ခဲ့ပါတယ်။ Korean TV shows တွေကိုကြည့်ပြီးတော့ Fashion ကိုစိတ်ဝင်စားလာတဲ့ Shartra ဟာ သူ့ရဲ့ကိုယ်ပိုင်ဟန်နဲ့ အ၀တ်အစားတွေကို စမ်းပြီးချုပ်ကြည့်ခဲ့ပါတယ်။ ဒါပေမယ့်ယောက်ျားတစ်ယောက်အနေနဲ့ ဖက်ရှင်လုပ်ငန်းနဲ့အသက်မွေးနိုင်လိမ့်မယ်လို့ထင်မထားမိပါဘူး။ နောက်တော့ ရန်ကုန်ကိုပြောင်းလာပြီး ဖက်ရှင်လုပ်ငန်းနဲ့မဆိုင်တဲ့ အလုပ်တွေလုပ်ခဲ့ပေမယ့်အဆင်မပြေခဲ့ဘူးလို့ဆိုပါတယ်။ ၂၀၁၁ မှာတော့ Shartra ဟာ ပြည်တွင်းမှာရောပြည်ပမှာပါ အမျိုးသားဖက်ရှင်ဒီဇိုင်နာတွေအောင်မြင်နေတာကိုသတိထားမိလာတယ်။
ဖက်ရှင်လုပ်ငန်းထဲစတင်အခြေချမိပြီး ၃လအကြာမှာတော့ Shartra က Myawaddy channel ကထုတ်လွှင့်တဲ့ Designer’s Design ရုပ်သံအစီအစဉ်မှာပါဝင်ခွင့်ရခဲ့ပါတယ်။ ၂၀၁၅ မှာတော့ Style Secret မှာ winner ရခဲ့ပါတယ်။ အဲ့ဒီနောက်မှာတော့ သူ့နာမည်ကိုပြည်သူတွေသတိထားမိလာပါပြီ။
Fashion နဲ့ပတ်သက်တဲ့ နေရာတိုင်းမှာ Shartra ရဲ့ လက်ရာတွေနေရာယူလာခဲ့ပါတယ်။ Style Secret အစီအစဉ်ကရရှိခဲ့တဲ့ အောင်မြင်မှုတွေက Shartra ကို ဖက်ရှင်လုပ်ငန်းမှာ အောင်မြင်မှုတွေဆက်ရဖို့ ကူညီပေးခဲ့ပါတယ်။
2017 International Fashion Week မှာတော့ Shartra ဟာအအောင်မြင်ဆုံး တက်သစ်စကြယ်ပွင့်အဖြစ် အသိအမှတ်ပြုခံခဲ့ရပါတယ်။ အဲဒီပွဲမှာ Shartra ဟာအမျိုးသမီးတွေရဲ့စွမ်းပကားကိုပုံဖော်ပြဖို့ဆုံးဖြတ်ခဲ့ပြီး သူ့ရဲ့ ရွှေရောင်အတောင်ပံအလှဆင်ထားတဲ့ ရွှေရောင်ဝတ်စုံဟာပရိသတ်ရဲ့အာရုံကိုလွှမ်းမိုးနိုင်ခဲ့တယ်။
“ကျွန်တော့်ဝတ်စုံကိုဝတ်မယ့်မော်ဒယ်အတွက် တီထွင်ဥာဏ်အပြည့်ပါတဲ့ဝတ်စုံကိုပဲဖန်တီးချင်တယ်။ ဒီဝတ်စုံကိုဝတ်တဲ့အမျိုးသမီးအနေနဲ့ သူမကိုယ်သူမအတောင်ပံတွေပါတဲ့ သူရဲကောင်းအမျိုးသမီးတစ်ယောက်အဖြစ် မြင်ယောင်ကြည့်စေချင်တယ်။ သူမရဲ့အလှအတွက်ဂုဏ်ယူစေချင်တယ်။”
ဒီလိုနဲ့ပဲ Shartra ရဲ့တမူထူးခြားတဲ့ဟန်တွေကိုမှကြိုက်နှစ်သက်တဲ့အမာခံပရိသတ်တွေရှိလာပါတယ်။
International Fashion Week မှာ အမျိုးသမီးတွေကိုခွန်အားပေးနိုင်တဲ့ဝတ်စုံတွေကိုဖန်တီးဦးမှာဖြစ်သလို မင်္ဂလာဝတ်စုံ collection တွေကိုလည်း အာရုံစိုက်သွားမယ်လို့ဆိုပါတယ်။
“ကျွန်တော့်ဝတ်စုံတွေကို ထူးခြားပြီးတော့ လှလှပပနဲ့ဆွဲဆောင်မှုရှိစေချင်ပါတယ်။ အဲ့ဒါမှ ၀တ်တဲ့သူတွေလည်းကိုယ့်ကိုယ်ကိုယ်ထူးခြားတယ်လို့ခံစားရမှာဖြစ်သလို မိမိကိုယ်ကိုယုံကြည်မှုလည်းရှိလာမယ်” လို့ဆိုပါတယ်။
ဒီလိုဝတ်စုံတွေကို အချိန်တိုအတွင်းဖန်တီးရခြင်းဟာ အလွန်ကျွမ်းကျင်တဲ့ဒီဇိုင်နာတွေအတွက်တောင်မှ အတော်ခက်ခဲတတ်ပါတယ်။ အလုပ်ကပင်ပန်းကြောင်း Shartra ကိုယ်တိုင်ကလည်းဝန်ခံခဲ့တယ်။
“၀တ်စုံတွေကိုဖန်တီးတဲ့အခါ တခါတလေ design ဆွဲတာနဲ့တင် အချိန်အတော်ကြာပါတယ်။ တခါတလေ ပွဲ တွေအတွက် အမြန်လုပ်ပေးရတာတွေလည်းရှိပါတယ်။ ဒါပေမယ့် ၀တ်စုံတွေကို ၀တ်တဲ့သူတွေက ကျွန်တော့်ဝတ်စုံကို သဘောကျတယ်လို့ ပြောတဲ့အခါမှာတော့ ပင်ပန်းခဲ့ရတာတွေ တန်ပါတယ်” လို့ Shartraကပြောပါတယ်။
Shartra ဟာဆရာကောင်းဆီကသင်ယူထားတဲ့အတွက် အလုပ်ဖိအားဘယ်လောက်များများ အကောင်းဆုံးတွေဖန်တီးနိုင်စွမ်းရှိပါတယ်။ မြန်မာနိုင်ငံမှာအတော်ဆုံးဒီဇိုင်နာစာရင်းထဲပါဝင်တဲ့ မိုးကုတ်ပေါက်ပေါက်ဟာ Shartra ကိုဖက်ရှင်နဲ့ပတ်သက်ပြီး သင်ပေးခဲ့သူပါ။ မိုးကုတ်ပေါက်ပေါက်က သူ့ရဲ့ လမ်းပြကြယ်ပါလို့လည်းပြောသွားပါတယ်။ မိုးကုတ်ပေါက်ပေါက်က fashion နဲ့ပတ်သက်သမျှ သင်ပေးလေ့ရှိပြီးတော့ သူ့အတွက်မိတ်ဆွေ တစ်ယောက်လို၊ မိခင်တစ်ယောက်လိုပါ သူ့ဘက်ကရပ်တည်ပေးပါတယ် လို့လည်းပြောသွားပါတယ်။
အောင်မြင်ကျော်ကြားနေတဲ့ designer ဖြစ်နေတဲ့ Shartra ဟာ အမျိုးသားဖက်ရှင်တွေကိုလည်းစိတ်ဝင်စားပါတယ်လို့ ပြောသွားပါသေးတယ်။ နောက်ပိုင်းမှာတော့ အမျိုးသားတွေအတွက် အသင့်ဝတ်ဝတ်စုံတွေထုတ်ဖို့ရှိပါတယ်လို့ ပြောသွားပါတယ်။
“ဖက်ရှင်နဲ့ပတ်သက်ပြီးတော့ အသစ်အသစ်တွေကို အခုထိဆက်ပြီး လေ့လာသင်ယူနေပါတယ်။ ဖိနပ်နဲ့အိတ်တွေပါထုတ်လုပ်သွားဖို့စိတ်ကူးထားတယ်ဗျ။ Fashion designer တစ်ယောက်အနေနဲ့ လူတွေကို သူတို့ရဲ့ အထူးနေ့လေးတွေမှာ လှလှပပနဲ့ ပျော်ပြီးဂုဏ်ယူစွာရှိနေစေချင်ပါတယ်။ ဒီအလုပ်ကိုသဘောကျတယ်။ တတ်နိုင်သမျှကြိုးစားသွားမယ်” လို့ Shartra ကရှင်းပြသွားပါတယ်။
ဒီဇင်ဘာလ ၈ရက်နေ့ ညနေ ၆နာရီမှာတော့ Shartra ရဲ့ ပထမဆုံး Model ကို Myanmar International Fashion Week ရဲ့ စင်မြင့်ပေါ်မှာ တွေ့မြင်ရမှာပါ။ သူဘယ်လိုဝတ်စုံဝတ်ထားမလဲဆိုတာသိတဲ့သူတစ်ယောက်ပဲရှိပါတယ်။ ဒါပေမယ့် ဒီဝတ်စုံကိုကြာချည်တွေနဲ့ ဖန်တီးထားတယ်ဆိုတာကတော့အသေအချာပါပဲ။ Shartra နဲ့ကြာချည်တွေဟာ အနယ်နယ်အရပ်ရပ်ကိုဖြတ်သန်းပြီး အခက်အခဲမျိုးစုံကိုကျော်လွှားကာ ပရိသတ်ရှေ့မှောက်ရောက်လာပါတော့မယ်။
(ဘာသာပြန်ဆိုသူ – ဟန်နီဦး၊ နေသီဟ)
