By Nay Thiha
ကျနော်တို့သတိမထားမိလိုက်ချိန်မှာဓာတုဗေဒပစ္စည်းတွေနဲ့ စိုက်ပျိုးထုတ်လုပ်ထားတဲ့ ဟင်းသီးဟင်းရွက်နဲ့အသီးအနှံတွေဟာ ဈေးဆိုင်တွေနဲ့ထမင်းဝိုင်းတွေမှာနေရာယူလာကြတယ်။ အသီးအနှံတွေစိုက်ပျိုးတဲ့အခါပိုးမွှားရန်ကိုကာကွယ်ဖို့ အထွက်နှုန်းတိုးဖို့အတွက် ပိုးသတ်ဆေးနဲ့ဓာတ်မြေသြဇာတွေသုံးလာကြတာ အလေ့အထတခုလိုဖြစ်လာပါပြီ။
ဒါပေမယ့်အခုနောက်ပိုင်းမှာအော်ဂဲနစ်စိုက်ပျိုးရေးခေတ်စားလာခဲ့ပြီး ဓာတုကင်းစင်တဲ့အသီးအနှံတွေကို မြတ်မြတ်နိုးနိုးဝယ်ယူစားသုံးသူတွေရှိလာပါတယ်။ အရေအတွက်အားဖြင့်နည်းသေးပေမယ့် Farmers’ Market လို ဓာတုကင်းစင်တဲ့ထုတ်ကုန်တွေကိုမြှင့်တင်ပေးနေတဲ့ဈေးကွက်တွေရှိလာတာတွေ့ရတယ်။ ဒီလုပ်ငန်းကိုလေ့လာနိုင်ဖို့သဘာဝအတိုင်းသာစိုက်ပျိုးထားတဲ့ထုတ်ကုန်တွေကိုဈေးကွက်ထဲဖြန့်ဝေပေးနေတဲ့ Organic Valley ရဲ့တည်ထောင်သူမကြေးမုံလွင်နဲ့စကားပြောကြည့်ခဲ့ပါတယ်။
“အစ်မက IT နယ်ပယ်ကလာတာပါ။KMD မှာ ၁၃နှစ်လောက်အလုပ်လုပ်ခဲ့တယ်။ ပြီးတော့ Telenor Myanmar မှာလုပ်ခဲ့သေးတယ်။ ၀န်ထမ်းဘ၀နဲ့နှစ် ၂၀ကျော်လောက်နေခဲ့ပြီးတော့ ကိုယ်ပိုင်လုပ်ငန်းတခုလုပ်ချင်တာနဲ့လိုက်လေ့လာကြည့်တယ်။ ၀န်ထမ်းဘ၀ကထွက်ပြီး freelancer လုပ်လိုက် volunteer လုပ်လိုက်နဲ့နေနေချိန်မှာအစ်မသူငယ်ချင်းတယောက်ကဆလပ်ရွက်ထုပ်လေးတခုလက်ဆောင်ပေးတော့ဒီလိုလတ်ဆတ်တဲ့အသီးအရွက်တွေကိုအမြဲစားချင်တဲ့စိတ်ဖြစ်လာတယ်။ ပြီးတော့သူများတွေကိုပါလတ်ဆတ်ပြီးဓာတုဗေဒကင်းဝေးတဲ့အသီးအနှံတွေစားစေချင်တာနဲ့ဒီလုပ်ငန်းကိုစဖြစ်ခဲ့တာပါ” လို့မကြေးမုံကဆိုတယ်။
၂၀၁၈ခုနှစ် မေလကဟင်းသီးဟင်းရွက်ထုတ်ကုန် ၆မျိုးနဲ့စတင်ခဲ့တဲ့ Organic Valley မှာ အခုဆိုရင်တော့ ထုတ်ကုန် ၆၀ကျော်အထိရှိလာခဲ့ပါပြီ။ မကြေးမုံဟာစိုက်ခင်းရှင်တွေကိုစာချုပ်နဲ့စိုက်ပျိုးစေပြီး ထွက်ကုန်တွေကိုပြန်လည်ဝယ်ယူတဲ့ contract farming ပုံစံနဲ့သူ့စီးပွားကိုလည်ပတ်ပါတယ်။ အခုသူနဲ့ပူးပေါင်းလုပ်ကိုင်နေတဲ့စိုက်ခင်း ၆ခုအထိရှိလာပြီး ၄ခုကရှမ်းပြည်နယ်မှာရှိပြီး ရန်ကုန်နဲ့ ပြင်ဦးလွင်မှာတခုစီရှိတယ်လို့ပြောပါတယ်။
“လူတွေကအစ်မသီးနှံတွေကို organic certificate ရပြီးပြီလားလို့မေးကြတယ်။ အမှန်တော့အော်ဂဲနစ်အစစ် အမှန်ဖြစ်ဖို့ဆိုတာ မြေ၊ ရေ၊ လေကအစဓာတုသန့်စင်နေဖို့လိုပါတယ်။ လောလောဆယ်မှာတော့အစ်မအနေနဲ့ ပိုးသတ်ဆေးနဲ့ဓာတ်မြေသြဇာကင်းဝေးဖို့ကိုအဓိကလုပ်နေတယ်။ ဒါကြောင့်ဈေးကွက်ထဲမှာ chemical-free လို့ပဲပြောတယ်။ စက်ပစ္စည်းတွေနဲ့ဘယ်အချိန်မှာစစ်စစ်ဓာတုကင်းဝေးကြောင်းအာမခံနိုင်ပါတယ်။ နောက်ပိုင်းကျရင်တော့ organic certificate ရအောင်လုပ်ဖို့လည်းအစီအစဉ်ရှိပါတယ်။”
ဈေးဝယ်သူတွေအနေနဲ့ဟင်းသီးဟင်းရွက်တွေဝယ်ယူတဲ့အခါအရောင်အသွေးလှပြီး အရွယ်အစားကြီးတဲ့ထုတ်ကုန်တွေကိုသာ ရွေးဝယ်လေ့ရှိတဲ့အလေ့အထနဲ့ပတ်သက်လို့ မကြေးမုံကသူ့ရဲ့အတွေ့အကြုံကိုခုလိုပြောပြပါတယ်။
“ပန်းဂေါ်ဖီစိမ်းဆိုရင်စိမ်းဖန့်နေမှလူတွေကသဘောကျကြတယ်။ အစ်မဆီကထွက်ကုန်တွေဟာ supermarket တွေပေါ်ရောက်ပြီး ၁ရက် ၂ရက်ကြာရင်ဝါသွားတာဘာလို့လဲလို့  ၀ယ်သူတွေက အမြဲမေးလေ့ရှိပါတယ်။ အမှန်တော့ပန်းဂေါ်ဖီစိမ်းဟာသူ့သဘာဝအရအ၀ါရောင်အပွင့်လေးတွေပွင့်တာပါ။ အမြဲတမ်းစိမ်းနေတယ် ဆိုကတည်းကသဘာဝမဟုတ်တော့ပါဘူး။”
တကယ်တော့အော်ဂဲနစ်ထွက်ကုန်ဆိုတာသာမန်စိုက်ပျိုးထုတ်လုပ်ထားတဲ့ထွက်ကုန်တွေထက်စာရင် စားရိတ်စကပိုမြင့်ပါတယ်။ စိုက်ခင်းတွေကိုအမိုးအကာအောက်မှာစနစ်တကျစိုက်ပျိုးရသလို ပိုးကျပြီဆိုရင်လည်းပိုးသတ်ဆေးသုံးလို့မဖြစ်တဲ့အတွက်တခင်းလုံးပျက်စီးသွားတာမျိုးရှိတတ်ပါတယ်။
ဈေးကွက်ထဲမှာယှဉ်ပြိုင်နိုင်တဲ့နှုန်းထားတခုဖြစ်အောင်ဘယ်လိုလုပ်လဲလို့မေးကြည့်တဲ့အခါ “အစ်မဒီအလုပ်စလုပ်တော့ စိုက်ခင်းကြီးတွေရှိပေမယ့် စိုက်ခင်းရှင်တွေအနေနဲ့ဘာစိုက်ရမှန်းမသိသလို ဈေးကွက်လည်းမရှာတတ်သေးဘူး။ ဆလပ်ရွက်တထုပ်ရဲ့တန်ဖိုးကတကီလိုကို ၂သောင်းလောက်ရှိတယ်။ အခုစားသုံးသူတွေများလာတော့ပိုစိုက်နိုင်လာတယ်။ ပိုစိုက်တော့ဈေးနှုန်းလည်းကျသွားပါတယ်။ တနှစ်အတွင်းမှာဆလပ်ရွက်ဆို ၁သောင်းလောက်အထိကျသွားတယ်” လို့ပြောပါတယ်။
စိုက်ခင်းတွေကနေရန်ကုန်မှာရှိတဲ့ဖြန့်ဖြူးရေးရုံးနဲ့ဆိုင်တွေအထိ သယ်ယူပို့ဆောင်ရာမှာကျသင့်တဲ့ စားရိတ်ကတော့စိန်ခေါ်မှုတခုအနေနဲ့ရှိနေဆဲပါ။
“အခင်းထဲသွားဝယ်ရင်ပန်းဂေါ်ဖီထုပ်တခုရဲ့တန်ဖိုးဟာ ၃၀၀လောက်ပဲရှိတယ်။ ရန်ကုန်ရောက်တဲ့အခါ သယ်ယူပို့ဆောင်ခထည့်ပေါင်းလိုက်တော့ ၇၀၀ဖြစ်သွားတယ်။ အစ်မအနေနဲ့ ၀န်ထမ်းခနဲ့ အလုပ်လုပ်ရာမှာကုန်ကျတဲ့စားရိတ်တွေကာမိဖို့အတွက်ဆို ၁၀၀၀နဲ့ပြန်ရောင်းမှဖြစ်တော့မယ်လေ။ စားသုံးသူဒီထက်ပိုများလာရင်တော့ယာဉ်တစီးထဲမှာပိုများများသယ်နိုင်ရင်သယ်ယူပို့ဆောင်ခ ပိုသက်သာသွားမှာပါ။”
အခုအချိန်မှာတော့ မကြေးမုံဟာ City Mart, Metro Wholesale Myanmar ၊ နဲ့ အခြား ဟော်တယ်နဲ့  စားသောက်ဆိုင် တွေကိုခြံထွက်ဟင်းသီးဟင်းရွက်တွေသွင်းနေပြီး Yangon Farmers’ Market မှာလည်းအပတ်စဉ်စနေနေ့တိုင်း သူ့ထွက်ကုန်တွေကိုရောင်းချလျက်ရှိပါတယ်။
Organic Valley ရဲ့ကုန်စည်တွေကိုထုတ်ပိုးတဲ့အခါပလတ်စတစ်ကိုတတ်နိုင်သမျှအနည်းဆုံးသုံးထားပြီး ငှက်ပျောဖတ်လိုသဘာဝပစ္စည်းတွေသုံးပြီးထုတ်ပိုးထားတာကိုတွေ့ရတယ်။ ကုန်စည်သစ်အနေနဲ့ ရခိုင်ပြည်နယ်ကထွက်တဲ့ဓနိရည်ကနေချက်လုပ်တဲ့ဓနိသကာရည်ကိုနိုင်ငံခြားတင်ပို့နိုင်မယ့်အခြေအနေထိရောက်အောင်ကြိုးစားနေတယ်လို့သိရတယ်။ အချိုမှုန့်အစားထိုးကန်စွန်းဥမှုန့်၊ ကျန်းမာရေးလိုက်စားသူများအတွက် ဆန်လုံးညိုစတဲ့ကုန်စည်တွေကိုလည်းစားသုံးသူများအတွက် ရောင်းချပေးနေပါတယ်။
မိရိုးဖလာစိုက်ပျိုးနည်းတွေနဲ့အသားကျနေတဲ့တောင်သူတွေကို organic သီးနှံဈေးကွက်အကြောင်းရှင်းပြရင်း ပြည်သူလူထုကို အကျိုးပြုစေတဲ့ ဓာတုကင်းစင်တဲ့စိုက်ပျိုးနည်းကို စိတ်ဝင်စားလာအောင် ကြိုးစားရတယ်လို့ပြောပါတယ်။
“လုပ်ငန်းရှင်တွေအနေနဲ့ကကိုယ့်စီးပွားရေးတည်မြဲရေးကိုကြည့်ရသလို ကိုယ့်စီးပွားကြောင့်သူတပါးအကျိုး မထိခိုက်အောင်လည်းကြည့်ရမယ်လို့ယုံကြည်တယ်။ အစ်မအနေနဲ့ဒီလုပ်ငန်းကြောင့်တောင်သူလယ်သမားတွေ ရဲ့ဘ၀ကိုတဘက်တလမ်းကကူညီဘေးနိုင်ခဲ့တဲ့အတွက်ဝမ်းသာရပါတယ်။ ပြီးတော့ပြည်သူတွေအတွက် ဘေးဥပဒ်ကင်းတဲ့ထွက်ကုန်တွေဈေးကွက်ထဲဖြန့်ဖြူးပေးနိုင်ခဲ့တာကိုလည်းဂုဏ်ယူမိပါတယ်။”
