By Nay Thiha
ယနေ့ခေတ်ကမ္ဘာကြီးမှာတနေ့ထက်တနေ့လူပြောများလာတဲ့အကြောင်းအရာတခုကတော့ သဘာဝပတ်ဝန်းကျင်ညစ်ညမ်းမှုကိစ္စပဲဖြစ်မှာပါ။ လေထု၊ ရေထုနဲ့ မြေဆီလွှာကိုညစ်ညမ်းမှုဖြစ်စေတဲ့ အကြောင်းရင်းတွေအများကြီးထဲကမှ ပလတ်စတစ်ဟာကမ္ဘာမြေအတွက် အကြီးမားဆုံးရန်သူတော်ဖြစ်လာပါတယ်။
ပလတ်စတစ်စတွေနဲ့လုံးထွေးရစ်ပတ်နေတဲ့ ရေနေသတ္တ၀ါတွေ၊ ပလတ်စတစ်တွေစားမိလို့သေဆုံးရရှာတဲ့ ဝေလငါးကြီးတွေရဲ့သတင်းနဲ့ဓာတ်ပုံတွေဟာ Facebook လို social media တွေပေါ်မှာ တနေ့တခြားပိုမိုတွေ့လာရတယ်။ လေ့လာတွေ့ရှိချက်တွေအရ ကမ္ဘာ့ရေထုထဲ တရက်ကိုပလတ်စတစ်အစအနပေါင်း ၈သန်းလောက်ဝင်ရောက်နေတယ်လို့သိရပါတယ်။ သမုဒ္ဒရာရေပြင်ပေါ်မှာမျောနေတဲ့ပလတ်စတစ်အစအနပေါင်း ၅ထရီလျံလောက်ရှိပါတယ်။ ဒီပြဿနာတွေကိုဖြေရှင်းဖို့အတွက် မီဒီယာတွေနဲ့ အစိုးရမဟုတ်တဲ့အဖွဲ့အစည်းအသီးသီးက ပလတ်စတစ်ညစ်ညမ်းမှုကိစ္စကို မီးမောင်းထိုးပြဖို့ကြိုးစားလာကြတယ်။ ဒီအထဲမှာ National Geographic ရဲ့ Planet or Plastic? လိုမျိုးအစီအစဉ်တွေကထင်ရှားပါတယ်။
မြန်မာနိုင်ငံဟာလည်း ပလတ်စတစ်ညစ်ညမ်းမှုပြဿနာနဲ့မကင်းနိုင်တဲ့နိုင်ငံတခုပါ။ Thant Myanmar ဆိုတဲ့သဘာဝပတ်ဝန်းကျင်ထိန်းသိမ်းရေးအဖွဲ့ရဲ့တွေ့ရှိချက်တွေအရ မြန်မာနိုင်ငံသားတွေဟာ နေ့စဉ်နေ့တိုင်းပလတ်စတစ်အိတ်ပေါင်း သန်း ၈၀လောက်သုံးနေကြောင်းသိရပါတယ်။ ကျွန်တော်တို့နိုင်ငံရဲ့ပလတ်စတစ်ပြဿနာအကြောင်းဗဟုသုတမျှဝေတဲ့ G Talk စကားဝိုင်းကို “Plastic Pollution: How Can We Clean Myanmar?” ဆိုတဲ့ခေါင်းစဉ်နဲ့ မေလ ၁၃ရက်နေ့က Hotel G မှာကျင်းပခဲ့တယ်။ ဒီပွဲမှာ Thant Myanmar ရဲ့အဖွဲ့ဝင်တဦးဖြစ်တဲ့ Boris Le Montagner ကဟောပြောခဲ့ပါတယ်။
Thant Myanmar ရဲ့လေ့လာချက်များအရမြန်မာနိုင်ငံမှာ တနေ့ကိုအမှိုက်သရိုက်တန်ချိန် ၁၂၀၀၀ လောက်ထွက်ပြီး အဲ့ဒီထဲက ၅၅ရာခိုင်နှုန်းကပလတ်စတစ်တွေဖြစ်နေကြောင်းသိရပါတယ်။ တနေ့တာထွက်ရှိတဲ့အမှိုက်တွေထဲကတန်ချိန် ၂၆၀၀ကိုသာပြန်လည်ပြုပြင်အသုံးပြုနိုင်တဲ့အတွက် ရာခိုင်နှုန်းနဲ့တွက်မယ်ဆိုရင် ၁၅ရာခိုင်နှုန်းသာရှိတယ်လို့ Boris ကဆိုတယ်။ မြန်မာနိုင်ငံမှာ အမှိုက်တွေပြန်လည်ပြုပြင်အသုံးပြုတဲ့စက်ရုံကောင်းတွေရှိပေမယ့် အမှိုက်တွေကိုမီးရှို့ဖျက်ဆီးတဲ့စက်တခုသာရှိပြီး အမှိုက်စုဆောင်းတဲ့စနစ်မှာလည်းကန့်သတ်ချက်တွေ ရှိနေတယ်လို့သိရပါတယ်။
ပလတ်စတစ်အမှိုက်ထွက်ရှိမှုမြင့်မားပြီး စည်းကမ်းမဲ့အမှိုက်စွန့်ပစ်မှုတွေကြောင့် မြန်မာ့မြစ်ချောင်းတွေထဲ နေ့စဉ်ပလတ်စတစ်တန်ချိန် ၂၀၀ခန့်ဝင်ရောက်နေပြီး အဲ့ဒီထဲကထက်ဝက်ခန့်ဟာ ဧရာဝတီမြစ်ထဲ ရောက်သွားတယ်လို့ Thant Myanmar မှ Boris က ဆိုပါတယ်။
အဲ့ဒါဆိုဒီပလတ်စတစ်ညစ်ညမ်းမှုပြဿနာကိုဘယ်လိုဖြေရှင်းမလဲဆိုတဲ့မေးခွန်းရှိလာပါပြီ။
စကားဝိုင်းမှာ Boris ကတော့ မြန်မာနိုင်ငံနဲ့ကမ္ဘာတ၀ှမ်းလုံးကအစိုးရတွေကို ပလတ်စတစ်စွန့်ပစ်မှု၊ အသုံးပြုမှုနဲ့ပတ်သက်တဲ့မူဝါဒတွေကိုပြောင်းလဲခြင်း၊ အသိပညာပေးခြင်း၊ ပလတ်စတစ်ဆန့်ကျင်ရေး လှုပ်ရှားမှုတွေမှာထဲထဲဝင်ဝင်ပါဝင်ခြင်း စတဲ့နည်းလမ်း ၃ခုနဲ့ဖြေရှင်းဖို့ပြောပါတယ်။
မူဝါဒပြောင်းလဲဖို့တောင်းဆိုတဲ့အခါမှာ ပလတ်စတစ်သုံးစွဲစွန့်ပစ်မှုအများဆုံးလုပ်နေတဲ့ကုမ္ပဏီကြီးတွေနဲ့ ထိတွေ့ဆက်ဆံဖို့လိုတဲ့အကြောင်းထောက်ပြတယ်။ ပြည်သူလူထုကြားပလတ်စတစ်နဲ့ပတ်သက်တဲ့ အသိပညာတွေတိုးမြှင့်ဖို့ ပြည်သူတွေလေးစားအားကျတဲ့အနုပညာရှင်တွေရဲ့ social media account တွေကတဆင့်အသိပညာပေးတာကလည်းထိရောက်တဲ့နည်းလမ်းတခုဖြစ်ကြောင်း Boris ကဆိုပါတယ်။
ပလတ်စတစ်ဆန့်ကျင်ရေးလှုပ်ရှားမှုတွေမှာ အသိပညာပေးပွဲတွေ၊ အမှိုက်ကောက်ပွဲတွေအပြင် တစ်ခါသုံးပလတ်စတစ်ရေဘူးတွေအစားပြန်ဖြည့်လို့ရတဲ့ရေဘူးတွေအသုံးပြုဖို့တိုက်တွန်းခဲ့ပြီး ရေပြန်ဖြည့်နိုင်သည့်နေရာများ တိုးပွားလာစေရန်အတွက် Yae Ku Tho (ရေကုသိုလ်) Campaign၊ ပလတ်စတစ်ပိုက်တွေဆန့်ကျင်တဲ့ Straws Suck Campaign၊ ဈေးဝယ်ရာမှာကုန်ပစ္စည်းတွေထုပ်ပိုးသယ်ယူတဲ့အခါ ၊ အစားအသောက်တွေကို အိမ်သို့ဝယ်ယူသောအခါတွေမှာ ပလတ်စတစ်အိတ်တွေအစား ချိုင့်၊ ကိုယ်ပိုင်ခြင်းတောင်း နှင့် ပြန်လည်အသုံးပြုလို့ရတဲ့အိတ်တွေယူခဲ့ဖို့တိုက်တွန်းတဲ့ Do You Need That Bag? (ကြွပ်ကြွပ်အိတ်လိုလို့လား) Campaign တွေကိုလည်းဆောင်ရွက်လျက်ရှိပါတယ်။
ပလတ်စတစ်ဆန့်ကျင်ရေးလှုပ်ရှားမှုမှာ ပုဂ္ဂလိကကဏ္ဍကဆိုရင် Yoma Strategic Holding၊ City Mart Holding၊ Forever Group တို့အပါအ၀င် ရန်ကုန်ကအစားအသောက်နဲ့ဟိုတယ်လုပ်ငန်း ၁၅၀ကျော်ပါဝင်နေပြီလို့လည်း Boris ကဆိုပါတယ်။
ပြည်သူတွေအနေနဲ့လည်း မလိုအပ်ဘဲတခါသုံးပလတ်စတစ်အိတ်နဲ့ရေဘူးတွေမသုံးခြင်း၊ အချင်းချင်းပလတ်စတစ်ဆန့်ကျင်ရေးပညာပေးခြင်းဖြင့် ပလတ်စတစ်ညစ်ညမ်းမှုကိုတစတစလျှော့ချသွားပြီး လုံးဝပပျောက်သွားအောင်တဘက်တလမ်းကကူညီနိုင်ကြောင်းပြောကြားရင်း စကားဝိုင်းကိုနိဂုံးချုပ်လိုက်ပါတယ်။
(G Talk စကားဝိုင်းဆိုတာကတော့ Hotel G ဖွင့်လှစ်ထားတဲ့နိုင်ငံတွေမှာ လူမှုရေး၊ ဖက်ရှင်၊ အနုပညာ၊ ခရီးသွားလာရေး၊ အစားအသောက်လုပ်ငန်းတွေနဲ့ပတ်သက်တဲ့အသိပညာရှင် အတတ်ပညာရှင်တွေက ပြည်သူတွေကိုအသိပေးဟောပြောတဲ့စကားဝိုင်းတွေဖြစ်ပါတယ်။ Hotel G ဖွင့်လှစ်ထားတဲ့ မြို့တွေဖြစ်တဲ့ Bangkok, Hong Kong, Pattaya, Perth, Shenzhen, Singapore နဲ့ Yangon တို့မှာ G Talk စကားဝိုင်းတွေကိုကျင်းပလေ့ရှိပါတယ်။)
Myanmore Plus ပရိသတ်တွေကော ပလတ်စတစ်ညစ်ညမ်းမှုကိုဘယ်လိုလျှော့ချတာအကောင်းဆုံးဖြစ်မယ်ထင်ပါသလဲ။ ကိုယ့်အမြင်ကို comment ပေးသွားပါဦးနော်။
